നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • india
    • »
    • Air Force Day 2021| ഇന്ത്യൻ വ്യോമസേനാ ദിനം: വ്യോമസേനാ യുദ്ധ വിമാനങ്ങളായ റാഫേൽ, സുഖോയ് എന്നിവയുടെ പ്രത്യേകതകൾ

    Air Force Day 2021| ഇന്ത്യൻ വ്യോമസേനാ ദിനം: വ്യോമസേനാ യുദ്ധ വിമാനങ്ങളായ റാഫേൽ, സുഖോയ് എന്നിവയുടെ പ്രത്യേകതകൾ

    ഇന്ത്യൻ വ്യോമസേന ഉപയോഗിക്കുന്ന യുദ്ധവിമാനങ്ങളായ സുഖോയ് സു-30 എം‌കെ‌ഐ മുതൽ തേജസ് എൽ‌സി‌എ വരെയുള്ളവയുടെ പ്രത്യേകതകൾ എന്തൊക്കെയാണെന്ന് നോക്കാം

    Air Force Day

    Air Force Day

    • Share this:
      ഇന്ന് ഇന്ത്യൻ വ്യോമസേനാ ദിനം. വ്യോമസേനയെക്കുറിച്ച് പറയുമ്പോൾ കഴിഞ്ഞ വർഷത്തെ സ്വാതന്ത്ര്യ ദിനത്തെക്കുറിച്ച് പറയാതെ വയ്യ. 2020ൽ, ദീർഘ കാലത്തെ കാത്തിരിപ്പിന് ശേഷം അഞ്ച് റാഫേൽ യുദ്ധവിമാനങ്ങളുടെ ആദ്യ ബാച്ച് ഇന്ത്യയിലെത്തി. ഇന്ത്യൻ വ്യോമസേനയുടെ അംബാല എയർബേസിലാണ് ഈ ഫൈറ്റർ ജെറ്റുകൾ പറന്നിറങ്ങിയത്. ഫ്രാൻസ് ആസ്ഥാനമായുള്ള ദസോൾട്ട് ഏവിയേഷൻ നിർമ്മിച്ച ഈ യുദ്ധവിമാനങ്ങൾക്ക് രണ്ട് എഞ്ചിനുകളാണുള്ളത്. കൂടാതെ ഇവ വിവിധ സവിശേഷതകൾ ഒരുമിച്ച് അടങ്ങിയ മൾട്ടി-റോൾ യുദ്ധവിമാനങ്ങളാണ്. ആണവശേഷിയുള്ളതും എയർ-ടു-എയർ, എയർ-ഗ്രൗണ്ട് ആക്രമണങ്ങളിൽ ഏർപ്പെടാൻ കഴിയുന്നവയുമാണിവ. റാഫേലിന്റെ വരവോടെ ഇന്ത്യൻ വ്യോമസേനയുടെ കരുത്ത് വർദ്ധിച്ചുവെന്ന് തന്നെ പറയാം.

      ഇന്ത്യ വ്യോമസേനാ ദിനം ആഘോഷിക്കുന്ന വേളയിൽ ഇന്ത്യൻ വ്യോമസേന ഉപയോഗിക്കുന്ന യുദ്ധവിമാനങ്ങളായ സുഖോയ് സു-30 എം‌കെ‌ഐ മുതൽ തേജസ് എൽ‌സി‌എ വരെയുള്ളവയുടെ പ്രത്യേകതകൾ എന്തൊക്കെയാണെന്ന് നോക്കാം.

      റാഫേൽ
      ഏകദേശം 58,000 കോടി രൂപ ചെലവിൽ 36 റാഫേൽ യുദ്ധവിമാനങ്ങൾ വാങ്ങുന്നതിനായി 2016 സെപ്റ്റംബറിൽ ഇന്ത്യ ഫ്രാൻസുമായി കരാർ ഒപ്പിട്ടു. ഈ വിമാനത്തിന് ശക്തമായ ആയുധങ്ങളും മിസൈലുകളും വഹിക്കാൻ കഴിയും. അംബാല എയർഫോഴ്സ് സ്റ്റേഷനിലാണ് ആദ്യ റാഫേൽ യുദ്ധവിമാനം വിന്യസിച്ചിരിക്കുന്നത്. ഇത് വ്യോമസേനയുടെ ഏറ്റവും തന്ത്രപ്രധാനമായ ഒരു താവളമാണ്. ഇന്ത്യ-പാക്ക് അതിർത്തിയ്ക്ക് ഏകദേശം 220 കിലോമീറ്റർ അകലെയാണ് ഇത് സ്ഥിതി ചെയ്യുന്നത്. റഫേലിന്റെ രണ്ടാമത്തെ യുദ്ധവിമാനം പശ്ചിമ ബംഗാളിലെ ഹസിമാറ ബേസിലാണ് സ്ഥാപിച്ചിരിക്കുന്നത്. വേഗത, ആയുധം കൈവശം വയ്ക്കാനുള്ള ശേഷി, ആക്രമണ ശേഷി എന്നിവയ്ക്ക് പേരുകേട്ട ആധുനിക യുദ്ധവിമാനമാണ് റാഫേൽ.

      മിറാഷ് 2000
      ഇന്ത്യൻ വ്യോമസേനയുടെ (IAF) ഏറ്റവും മാരകമായ വിമാനങ്ങളിലൊന്നാണ് ഇത്. 1985ലാണ് ഈ യുദ്ധവിമാനം കമ്മീഷൻ ചെയ്തത്. മിറാഷ് -2000 വികസിപ്പിച്ചെടുത്തത് ഡാസോ ഏവിയേഷൻ ആണ്. 1978ൽ ആദ്യത്തെ മിറാഷ് വിമാനം പറത്തി. 1984ൽ ഫ്രഞ്ച് വ്യോമസേനയുടെ ഭാഗമായിരുന്നു ഈ യുദ്ധവിമാനം. ഇന്ത്യ 36 സിംഗിൾ സീറ്റർ മിറാഷ്-2000, 4 ഡബിൾ സീറ്റർ മിറാഷ് 2000 എന്നിവയ്ക്ക് 1982ൽ ആദ്യമായി ഓർഡർ നൽകി. യുഎസ് നിർമ്മിത എഫ് -16 യുദ്ധവിമാനങ്ങൾ പാകിസ്ഥാൻ വാങ്ങിയതിനുള്ള ഇന്ത്യയുടെ മറുപടിയായിരുന്നു മിറാഷ് 2000. 1999ലെ കാർഗിൽ യുദ്ധത്തിൽ മിറാഷ് 2000 നിർണായക പങ്കുവഹിച്ചിരുന്നു. ഈ യുദ്ധ വിമാനങ്ങളുടെ വിജയത്തെ തുടർന്ന് ഇന്ത്യ 2004ൽ 10 മിറാഷ് 2000 വിമാനങ്ങളുടെ അധിക ഓർഡർ നൽകി. ഇതോടെ മൊത്തം എണ്ണം 50 ആയി.

      എച്ച്എഎൽ തേജസ് എൽസിഎ
      ഹിന്ദുസ്ഥാൻ എയ്റോനോട്ടിക്സ് ലിമിറ്റഡിൽ (HAL) തദ്ദേശീയമായി നിർമ്മിക്കുന്നതിനുള്ള ലൈസൻസ് കരാർ പ്രകാരം റഷ്യ, ഫ്രാൻസ്, ബ്രിട്ടൻ തുടങ്ങിയ രാജ്യങ്ങളിൽ നിന്ന് ഇന്ത്യ യുദ്ധവിമാനങ്ങൾ കടമെടുത്തിട്ടുണ്ട്. 1980കളിലാണ് എച്ച്എഎൽ ലൈറ്റ് കോംബാറ്റ് എയർക്രാഫ്റ്റ് (LCA) പദ്ധതി ആരംഭിച്ചത്. ഇന്ത്യയുടെ മുൻ പ്രധാനമന്ത്രി എൽസിഎയുടെ പേര് തേജസ് എന്ന് മാറ്റി. അങ്ങനെ തദ്ദേശീയമായി നിർമ്മിച്ച ആദ്യത്തെ യുദ്ധവിമാനം ഇന്ത്യൻ വ്യോമസേനയിൽ ഉൾപ്പെടുത്തി. വ്യോമസേന തുടക്കത്തിൽ 20 ജെറ്റുകൾക്കാണ് ഓർഡർ നൽകിയത്. ഇതുവരെ 32 സിംഗിൾ സീറ്റ് വിമാനങ്ങളും എട്ട് ഡബിൾ സീറ്റ് വിമാനങ്ങളുമായി ആകെ 40 തേജസ് എംകെ 1എയുടെ ഓർഡർ വ്യോമസേന നൽകിയിട്ടുണ്ട്. Mk 1A കോൺഫിഗറേഷനിൽ 73 സിംഗിൾ സീറ്റ് വിമാനങ്ങൾ കൂടി വാങ്ങാൻ വ്യോമസേന നടപടികൾ ആരംഭിച്ചിട്ടുണ്ട്.

      മിഖോയൻ മിഗ് -21
      വ്യോമയാന ചരിത്രത്തിലെ ആദ്യത്തെ സൂപ്പർസോണിക് ജെറ്റ് വിമാനമാണിത്. ഭൂമിയിലെ ഏറ്റവും കൂടുതൽ അറിയപ്പെടുന്ന യുദ്ധവിമാനങ്ങളിൽ ഒന്നാണ് മിഗ് 21. 60 വർഷത്തിനിടെ 60 രാജ്യങ്ങളിൽ സേവനമനുഷ്ഠിച്ച മിഗ് 21 ഇപ്പോഴും ഇന്ത്യയുൾപ്പെടെ നിരവധി രാജ്യങ്ങളിൽ ഉപയോഗിക്കുന്നുണ്ട്. 1961ലാണ് വ്യോമസേന മിഖോയൻ മിഗ് -21 ആദ്യമായി വാങ്ങിയത്. അതിനുശേഷം 250ൽ അധികം യൂണിറ്റുകൾ വാങ്ങി. 1971ലെ ഇന്ത്യ പാക്കിസ്ഥാൻ യുദ്ധത്തിൽ മിഗ് 21 നിർണായക പങ്ക് വഹിച്ചിരുന്നു. മിഗ് 21ന് സിംഗിൾ സീറ്റർ കോക്ക്പിറ്റാണുള്ളത്.

      സുഖോയ് സു -30 എംകെഐ
      സുഖോയ് സു -30 എംകെഐ ഇന്ത്യൻ വ്യോമസേനയിൽ പ്രവർത്തിക്കുന്ന ഏറ്റവും നൂതനമായ യുദ്ധവിമാനമാണ് ഇത്. ഫ്ലാങ്കർ (നാറ്റോ) എന്നും ഈ വിമാനങ്ങൾ അറിയപ്പെടുന്നു. സു -30 എംകെഐ റഷ്യയുടെ സുഖോയിയുമായുള്ള ലൈസൻസ് കരാർ പ്രകാരം എച്ച്എഎൽ ആണ് ഇന്ത്യയിൽ നിർമ്മിച്ചത്. സു -30 എംകെഐ ഇന്ത്യ മാത്രമാണ് നിലവിൽ ഉപയോഗിക്കുന്നത്. വ്യോമസേനയ്ക്ക് ഇതുവരെ 290 സുഖോയ് സു -30 എംകെഐകളുണ്ട്. 2002ലാണ് ആദ്യത്തെ യൂണിറ്റ് എത്തിയത്. ഇതിന്റെ പരമാവധി ടേക്ക്ഓഫ് ഭാരം 38,800 കിലോഗ്രാം ആണ്. റഡാറുകൾ മുതൽ മിസൈലുകൾ, ബോംബുകൾ, ഇവന്റ് റോക്കറ്റുകൾ എന്നിവ വരെ ഈ ജെറ്റിന് വഹിക്കാൻ കഴിയും.

      മിഖോയൻ മിഗ് -27
      സോവിയറ്റ് യൂണിയനിൽ നിന്ന് മിഖോയൻ ഗുരെവിച്ച് ഡിസൈൻ ബ്യൂറോ രൂപകൽപ്പന ചെയ്ത ഈ വിമാനം ലൈസൻസ് കരാർ പ്രകാരം എച്ച്എഎൽ ആണ് ഇന്ത്യയിൽ നിർമ്മിച്ചത്. മിഗ് 27 ഇന്ത്യയിൽ 'ബഹദൂർ' എന്നാണ് അറിയപ്പെടുന്നത്. അപ്ഡേറ്റ് ചെയ്ത മിഗ് -27 യുപിജി ഗ്രൗണ്ട് അറ്റാക്ക് എയർക്രാഫ്റ്റ് ഇപ്പോഴും ഉപയോഗിക്കുന്ന ചുരുക്കം ചില രാജ്യങ്ങളിൽ ഒന്നാണ് ഇന്ത്യ. താഴ്ന്ന ഉയരത്തിൽ പറക്കാൻ കഴിയുമെന്നതാണ് ഈ ഫൈറ്റർ ജെറ്റിന്റെ ഏറ്റവും വലിയ പ്രത്യേകത.

      ജാഗ്വാർ
      ബ്രിട്ടീഷ് റോയൽ എയർ ഫോഴ്സും ഫ്രഞ്ച് എയർ ഫോഴ്സും ചേർന്ന് വികസിപ്പിച്ചെടുത്ത യുദ്ധവിമാനമാണ് ജാഗ്വാർ. ജാഗ്വാറിനെ ഷംഷെർ എന്നും വിളിക്കുന്നു. വ്യോമസേന ഗ്രൗണ്ട് ആക്രമണ വിമാനമായാണ് ഇത് ഉപയോഗിക്കുന്നത്. ഇന്ത്യൻ ജാഗ്വാർ ആർ‌എ‌എഫിന്റെ ജാഗ്വാറിൽ നിന്ന് തികച്ചും വ്യത്യസ്തമാണ്. ലൈസൻസ് കരാർ പ്രകാരം എച്ച്എഎൽ ആണ് ഈ വിമാനം നിർമ്മിച്ചത്. ജാഗ്വാറിന്റെ ഒരേയൊരു പോരായ്മ വലിയ ഭാരവുമായി ഉയരത്തിൽ പറക്കാൻ കഴിയില്ല എന്നതാണ്.

      മിഖോയൻ മിഗ് -29
      ഇന്ത്യൻ യുദ്ധ വിമാനങ്ങളുടെ പട്ടികയിൽ അവസാനത്തേത് മിഗ് 29 എന്ന് വിളിക്കപ്പെടുന്ന മറ്റൊരു സോവിയറ്റ് യൂണിയൻ യുദ്ധവിമാനമാണ്. 1970കളിൽ അവതരിപ്പിച്ച യുഎസ് എഫ്-സീരീസ് വിമാനങ്ങളായ എഫ് -15, എഫ് -16 എന്നിവയെ ചെറുക്കുന്നതിനാണ് മിഗ് 29 രൂപകൽപ്പന ചെയ്തത്. 30ലധികം രാജ്യങ്ങളിലേക്ക് മിഗ് -29 കയറ്റുമതി ചെയ്തിട്ടുണ്ട്. ഈ ജെറ്റിന്റെ ആദ്യത്തേതും ഏറ്റവും വലിയ കയറ്റുമതിക്കാരും ഇന്ത്യയാണ്. ഇന്ത്യൻ വ്യോമസേന നിലവിൽ അപ്‌ഗ്രേഡുചെയ്‌ത മിഗ് -29 യു‌പി‌ജി ആണ് ഉപയോഗിക്കുന്നത്. എക്കാലത്തെയും ഏറ്റവും നൂതനമായ മിഗ് -29 വേരിയന്റാണിത്. ലേസർ ഗൈഡഡ് ബോംബുകൾ ഉപയോഗിച്ച് മിറാഷ് -2000യുടെ ആക്രമണ ലക്ഷ്യങ്ങൾക്ക് എസ്കോർട്ട് നൽകാൻ ഇന്ത്യൻ വ്യോമസേന കാർഗിൽ യുദ്ധകാലത്ത് മിഗ് 29 ആണ് വ്യാപകമായി ഉപയോഗിച്ചിരുന്നത്.
      Published by:user_57
      First published:
      )}