നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • india
    • »
    • ‌ജെയ്റ്റ്ലി: പൊതുവേദികളിലെത്താൻ ആരോഗ്യം അനുവദിച്ചില്ല; അവസാനം വരെയും സമൂഹമാധ്യമങ്ങളിലൂടെ രാഷ്ട്രീയത്തിൽ ഇടപെട്ടു

    ‌ജെയ്റ്റ്ലി: പൊതുവേദികളിലെത്താൻ ആരോഗ്യം അനുവദിച്ചില്ല; അവസാനം വരെയും സമൂഹമാധ്യമങ്ങളിലൂടെ രാഷ്ട്രീയത്തിൽ ഇടപെട്ടു

    കശ്മീരിന് പ്രത്യേക പദവി നൽകുന്ന ആർട്ടിക്കിൾ 370 നീക്കിയ ദിവസം, ';ചരിത്രപരമായ മണ്ടത്തരം തിരുത്തി' എന്നാണ് അരുൺ ജെയ്റ്റ്ലി കുറിച്ചത്

    • News18
    • Last Updated :
    • Share this:
      ശ്വാസകോശ അർബുദവുമായി ബന്ധപ്പെട്ട് ഈ വർഷം ആദ്യം അമേരിക്കയിൽ നടന്ന ശസ്ത്രക്രിയക്ക് ശേഷം വിശ്രമത്തിലായിരുന്നു അരുൺ ജെയ്റ്റ്ലി. പൊതുവേദികളിൽ പ്രത്യക്ഷപ്പെട്ടില്ലെങ്കിലും ട്വിറ്ററിലൂടെ രാഷ്ട്രീയത്തിലെ ഓരോ ചലനങ്ങളിലും നിലപാട് വ്യക്തമാക്കിയിരുന്നു. കശ്മീരിന് പ്രത്യേക പദവി നൽകുന്ന ആർട്ടിക്കിൾ 370 നീക്കിയ ദിവസം, അരുൺ ജെയ്റ്റ്ലി കുറിച്ചത് ഇങ്ങനെ- ചരിത്രപരമായ മണ്ടത്തരം തിരുത്തി. കഴിഞ്ഞ ദിവസം മുൻ കേന്ദ്രമന്ത്രി സുഷമ സ്വരാജ് അന്തരിച്ചപ്പോഴും അനുസ്മരണ കുറിപ്പുമായി ജെയ്റ്റ്ലി രംഗത്തെത്തി. അതിന് മുന്നേ 'തലയില്ലാത്ത ചിക്കൻ' എന്ന് പരിഹസിച്ച് കോൺഗ്രസിനെ കടന്നാക്രമിക്കുകയും ചെയ്തിരുന്നു.

      ജമ്മു കശ്മീരിന്‍റെ പ്രത്യേക പദവി എടുത്തു നീക്കിയ കേന്ദ്രസര്‍ക്കാര്‍ നീക്കത്തെ അഭിനന്ദിച്ച് ജെയ്റ്റ്ലിയുടെ ട്വീറ്റ് വലിയ ശ്രദ്ധ നേടിയിരുന്നു. രാജ്യത്തിന്‍റെ അഖണ്ഡതയ്ക്ക് വേണ്ടിയുള്ള സുപ്രധാന നീക്കമാണ് കേന്ദ്രസര്‍ക്കാര്‍ നടത്തിയതെന്ന് അരുൺ ജെയ്റ്റ്ലി അഭിപ്രായപ്പെട്ടു. കേന്ദ്രസര്‍ക്കാരിന്‍റെ തീരുമാനത്തിന്‍റെ ഏറ്റവും വലിയ ഗുണഭോക്താക്കള്‍ കശ്മീരിലെ ജനതയായിരിക്കുമെന്നും അരുൺ ജെയ്റ്റ്ലി ട്വിറ്ററിൽ കുറിച്ചു. കേന്ദ്രസര്‍ക്കാരിന്‍റെ പുതിയ തീരുമാനം നടപ്പിലാകുന്നതോടെ ജമ്മു കശ്മീരിലേയ്ക്ക് കൂടുതൽ നിക്ഷേപവും വ്യവസായങ്ങളും സ്വകാര്യ സ്കൂളുകളും വരുമെന്ന് ജെയ്റ്റ്ലി ചൂണ്ടിക്കാട്ടി. ഇതോടെ സംസ്ഥാനത്ത് ജനങ്ങള്‍ക്ക് കൂടുതൽ ജോലി സാധ്യതയ്ക്കും മെച്ചപ്പെട്ട വരുമാനത്തിനും കളമൊരുങ്ങുമെന്നും ജെയ്റ്റ്ലി പറഞ്ഞു. എന്നാൽ ഇതൊരു വൈകാരിക പ്രശ്നമായി ഉയര്‍ത്തിപ്പിടിക്കുന്ന കശ്മീര്‍ രാഷ്ട്രീയ നേതാക്കള്‍ക്ക് ഇത് സ്വീകാര്യമാകില്ലെന്നും ജെയ്റ്റ്ലി കൂട്ടിച്ചേര്‍ത്തു.



      ജമ്മു കശ്മീര്‍ ഇന്ത്യയോട് കൂട്ടിച്ചേര്‍ക്കപ്പെട്ടത് 1947ലാണ്. എന്നാൽ അനുച്ഛേദം 370 നിലവിൽ വന്നത് 1952ലാണ്. കശ്മീരിന് ബാധകമായ 35എ വകുപ്പ് നിലവിൽ വന്നത് 1954ലും. അതുകൊണ്ടുതന്നെ എങ്ങനെയാണ് ഈ വകുപ്പുകള്‍ കശ്മീര്‍ ഇന്ത്യയോടു ചേരുന്നതിനു മുൻപേ ഉള്ളതെന്ന വാദത്തിന് ബല പകരുന്നതെന്ന് ജെയ്റ്റ്ലി ചോദിച്ചു. താത്കാലികമായി ഉണ്ടാക്കിയ ഒരു വകുപ്പ് സ്ഥിരമായുള്ളതാണെന്ന് വാദിക്കുന്നത് എങ്ങനെയാണെന്നും അദ്ദേഹം ചോദിച്ചു. ഒരിക്കൽ ഇത് നീക്കേണ്ടതു തന്നെയായിരുന്നുവെന്നും അദ്ദേഹം പറഞ്ഞു.



      കശ്മീരിനുണ്ടായിരുന്ന പ്രത്യേക പദവിയാണ് വിഘടനവാദത്തിലേയ്ക്ക് നയിക്കുന്നതെന്നും പുരോഗതിയുള്ള ഒരു രാജ്യത്തിന് ഇത് അംഗീകരിച്ചു മുന്നോട്ടു പോകാനാകില്ലെന്നും ജെയ്റ്റ്ലി ട്വിറ്ററിൽ കുറിച്ചു. ചരിത്രപരമായ തെറ്റാണ് ഇന്ന് തിരുത്തിയത്. ഭരണഘടനയിലെ അനുച്ഛേദം 368 പാലിക്കാതെ പിൻവാതിലിലൂടെയാണ് അനുച്ഛേദം 35എ പാസാക്കിയത്. ഇത് നീക്കേണ്ടിയിരുന്നു. സുപ്രധാനമായ തീരുമാനം നടപ്പാക്കിയ പ്രധാനമന്ത്രി നരേന്ദ്ര മോദിയെയും കേന്ദ്ര ആഭ്യന്തര മന്ത്രി അമിത് ഷായെയും അഭിനന്ദിക്കുന്നതായും ജെയ്റ്റ്ലി കുറിച്ചു.
      First published:
      )}