• HOME
  • »
  • NEWS
  • »
  • india
  • »
  • Lulu Mall | 'ചെറുകിടക്കാരെ ബാധിക്കും' തമിഴ്നാട്ടിൽ ലുലുമാൾ അനുവദിക്കില്ലെന്ന് ബിജെപി

Lulu Mall | 'ചെറുകിടക്കാരെ ബാധിക്കും' തമിഴ്നാട്ടിൽ ലുലുമാൾ അനുവദിക്കില്ലെന്ന് ബിജെപി

പുതിയതായി തുടങ്ങുന്ന ലുലുമാൾ കെട്ടിട നിർമ്മാണത്തിന് ഒരു ഇഷ്ടിക പോലും ഇടാൻ അനുവദിക്കില്ലെന്ന് തമിഴ്നാട്ടിലെ ബിജെപി നേതൃത്വം

bjp-

bjp-

  • Share this:
    ചെന്നൈ: കോയമ്പത്തൂരിൽ ലുലുമാൾ സ്ഥാപിക്കുന്നതിനെതിരെ ബിജെപി തമിഴ്നാട് ഘടകം രംഗത്ത്. ലുലു മാൾ വരുന്നത് ചില്ലറ വ്യാപാരികളെ ബാധിക്കുമെന്നാണ് ബിജെപി സംസ്ഥാന പ്രസിഡന്‍റെ കെ അണ്ണാമലൈ പറഞ്ഞു. പുതിയതായി തുടങ്ങുന്ന ലുലുമാൾ കെട്ടിട നിർമ്മാണത്തിന് ഒരു ഇഷ്ടിക പോലും ഇടാൻ അനുവദിക്കില്ലെന്ന് തമിഴ്നാട്ടിലെ ബിജെപി നേതൃത്വം വ്യക്തമാക്കുന്നു.

    കോയമ്പത്തൂരിൽ ലുലുമാൾ വരുന്നത് അവിടുത്തെ പാവപ്പെട്ട ചില്ലറ വ്യാപാരികളെ ദോഷകരമായി ബാധിക്കുമെന്ന് കെ അണ്ണാമലൈ പറഞ്ഞു. നേരത്തെ വാൾമാർട്ടിനെ എതിർത്ത സംഘടനകൾ ലുലുമാളിന്‍റെ കാര്യത്തിൽ മിണ്ടാത്തത് എന്തുകൊണ്ടാണെന്നും തമിഴ്നാട് ബിജെപി പ്രസിഡന്‍റ് ചോദിക്കുന്നു. അടുത്തിടെ ഗൾഫ് സന്ദർശനത്തിനിടെയാണ് തമിഴ്നാട് മുഖ്യമന്ത്രി എം കെ സ്റ്റാലിൻ കോയമ്പത്തൂരിൽ ലുലു മാൾ സ്ഥാപിക്കുന്നതുമായി ബന്ധപ്പെട്ട ധാരണാപത്രത്തിൽ ഒപ്പിട്ടത്.

    M K Stalin | അധികാരമേറ്റിട്ട് ഒരു വര്‍ഷം; ബസില്‍ യാത്ര ചെയ്ത് ജനങ്ങളോട് സംസാരിച്ച് മുഖ്യമന്ത്രി എം കെ സ്റ്റാലിന്‍

    തമിഴ്‌നാട്ടില്‍(Tamil Nadu) അധികാരത്തിലെത്തി ഒരു വര്‍ഷം പൂര്‍ത്തിയാക്കിയതിന് പിന്നാലെ ജനങ്ങളോടൊപ്പം ബസില്‍ യാത്ര ചെയ്ത് മുഖ്യമന്ത്രി എം കെ സ്റ്റാലിന്‍(M K Stalin). ജനങ്ങളോട് വിശേഷങ്ങളും വിവരങ്ങളും ആരാഞ്ഞു. ചെന്നൈയിലെ രാധാകൃഷ്ണന്‍ ശാലൈ റോഡിലൂടെയാണ് അദ്ദേഹം സഞ്ചരിച്ചത്. സ്ത്രീകള്‍ക്ക് ബസില്‍ സൗജന്യ യാത്ര അനുവദിച്ചതുമായി ബന്ധപ്പെട്ട് യാത്രക്കാരുമായി മുഖ്യമന്ത്രി സംസാരിച്ചു.

    എല്ലാ സര്‍ക്കാര്‍ സ്‌കൂളുകളിലും വിദ്യാര്‍ഥികള്‍ക്ക് പ്രഭാത ഭക്ഷണം സൗജന്യമായി നല്‍കുന്നതുള്‍പ്പെടെ ഒന്നാം വാര്‍ഷികത്തോടനുബന്ധിച്ച് നിരവധി പ്രഖ്യാപനങ്ങളാണ് സര്‍ക്കാര്‍ നടത്തിയിരിക്കുന്നത്. എഐഎഡിഎംകെയുടെ പത്ത് വര്‍ഷത്തെ ഭരണത്തിനു ശേഷം 2021ലാണ് സ്റ്റാലിന്‍ അധികാരത്തിലെത്തിയത്.

    Also Read-MK Stalin | തമിഴ്നാട് സര്‍ക്കാര്‍ ബസുകളില്‍ 5 വയസ്സുവരെ കുട്ടികള്‍ക്ക് സൗജന്യയാത്ര

    ഡിഎംകെ സ്ഥാപകന്‍ സി.എന്‍. അണ്ണാദുരൈ, മുന്‍ മുഖ്യമന്ത്രിയും പിതാവുമായ എം.കരുണാനിധി എന്നിവരുടെ ശവകുടീരവും സന്ദര്‍ശിച്ചു. ബസുകളില്‍ 5 വയസ്സുവരെ കുട്ടികള്‍ക്ക് സൗജന്യയാത്ര ചെയ്യാമെന്ന് കഴിഞ്ഞദിവസം സര്‍ക്കാര്‍ പ്രഖ്യാപിച്ചിരുന്നു.

    ഇതുവരെ മൂന്ന് വയസ്സ് വരെയുള്ള കുട്ടികള്‍ക്കാണ് സൗജന്യയാത്ര അനുവദിച്ചിരുന്നത്. മൂന്ന് വയസ്സിനും 12 വയസ്സിനും ഇടയിലുള്ള കുട്ടികള്‍ക്ക് അരടിക്കറ്റും നല്‍കിയിരുന്നു. ഇനി അഞ്ചു വയസ് മുതല്‍ 12 വയസ്സുവരെയുള്ള കുട്ടികള്‍ക്ക് യാത്ര ചെയ്യാന്‍ അരടിക്കറ്റ് മതിയാകും.പ്രതിദിനം കുറഞ്ഞത് മൂന്ന് ലക്ഷം കുട്ടികള്‍ക്കെങ്കിലും പുതിയ തിരുമാനം പ്രയോജനം ചെയ്യുമെന്നാണ് സര്‍ക്കാരിന്റെ വിലയിരുത്തല്‍.

    Also Read-Sexual Awareness| 'സ്കൂൾ വിദ്യാർഥികൾക്ക് ഒരാഴ്ച നീളുന്ന ലൈംഗിക ബോധവൽക്കരണ ക്ലാസ് അടുത്തവർഷം മുതൽ': തമിഴ്നാട് വിദ്യാഭ്യാസമന്ത്രി

    നേരത്തെ സ്ത്രീകള്‍, ട്രാന്‍സ്‌ജെന്‍ഡറുകള്‍, മുതിര്‍ന്ന പൗരന്മാര്‍,വിദ്യാര്‍ത്ഥികള്‍ എന്നിവര്‍ക്ക് തമിഴ്‌നാട് സര്‍ക്കാര്‍ ബസുകളില്‍ സൗജന്യയാത്ര അനുവദിച്ചിരുന്നു. തിരഞ്ഞെടുപ്പ് പ്രചാരണ സമയത്തെ പ്രധാന വാഗ്ദാനമായിരുന്നു സ്ത്രീകള്‍ക്ക് സൗജന്യ യാത്ര. ഈ ഇനത്തില്‍ പ്രതിവര്‍ഷം 2500 കോടി രൂപയാണ് സ്റ്റേറ്റ് ട്രാന്‍സ്‌പോര്‍ട്ട് കോര്‍പ്പറേഷന് സര്‍ക്കാര്‍ നല്‍കുന്നത്.
    Published by:Anuraj GR
    First published: