• HOME
  • »
  • NEWS
  • »
  • india
  • »
  • CBSE Examination | പത്ത്, പന്ത്രണ്ട് ക്ലാസുകളിലെ പരീക്ഷ: പ്രചരിക്കുന്ന വാർത്തകളിൽ സത്യമില്ലെന്ന് CBSE

CBSE Examination | പത്ത്, പന്ത്രണ്ട് ക്ലാസുകളിലെ പരീക്ഷ: പ്രചരിക്കുന്ന വാർത്തകളിൽ സത്യമില്ലെന്ന് CBSE

എന്തെങ്കിലും പ്രധാനപ്പെട്ട കാര്യങ്ങൾ അറിയിക്കാൻ ഉണ്ടെങ്കിൽ അത് ഔദ്യോഗിക വെബ്സൈറ്റിലൂടെ അറിയിക്കുന്നത് ആയിരിക്കുമെന്നും സി ബി എസ് ഇ അറിയിച്ചു.

representative image

representative image

  • News18
  • Last Updated :
  • Share this:
    ന്യൂഡൽഹി: പത്ത്, പന്ത്രണ്ട് ക്ലാസുകളിലെ പ്രാക്ടിക്കൽ പരീക്ഷകളും ബോർഡ് പരീക്ഷകളും ആരംഭിക്കുന്നത് സംബന്ധിച്ച് സോഷ്യൽ മീഡിയയിലും ചില മാധ്യമങ്ങളിലും പ്രചരിക്കുന്ന വാർത്തകൾക്ക് എതിരെ സി ബി എസ് ഇ. പരീക്ഷ ആരംഭിക്കുന്ന മാസവും തിയതിയും ഉൾപ്പെടുത്തി ആയിരുന്നു വാർത്തകൾ പ്രചരിച്ചത്.

    എന്നാൽ, ഇത്തരത്തിൽ പ്രചരിച്ച വാർത്തകൾ ശരിയല്ലെന്നും കുട്ടികളെയും അധ്യാപകരെയും മാതാപിതാക്കളെയും ഇത്തരം വാർത്തകൾ പരിഭ്രാന്തരാക്കിയെന്നും സി ബി എസ് ഇ വാർത്താക്കുറിപ്പിൽ കുറ്റപ്പെടുത്തി.

    You may also like:Virat Kohli Anushka Sharma | ഗർഭിണിയായ ഭാര്യയ്ക്ക് ഒപ്പമിരിക്കാൻ അവധിയെടുത്ത കോലിയെ പ്രശംസിച്ച് സ്റ്റീവ് സ്മിത്ത് [NEWS]സ്പീക്കർ ശ്രീരാമകൃഷ്ണൻ സ്വർണ്ണക്കള്ളക്കടത്തുകാരെ സംരക്ഷിച്ചു: BJP സംസ്ഥാന അധ്യക്ഷൻ കെ.സുരേന്ദ്രൻ [NEWS] Local Body Elections 2020 | വോട്ട് ചെയ്യാൻ ഓടിയെത്തിയ മഞ്ജു വാര്യർ തിരിച്ചറിയൽ കാർഡ് എടുക്കാൻ മറന്നു; തിരിച്ചുപോയി വീണ്ടും എത്തി [NEWS]

    ഇത് സംബന്ധിച്ച് സി ബി എസ് ഇയിൽ അഫിലിയേറ്റ് ചെയ്തിട്ടുള്ള സ്കൂളുകളുമായും വിദ്യാർത്ഥികളും മാതാപിതാക്കളുമായും ഇക്കാര്യം ചർച്ച ചെയ്തെന്നും ഇത്തരം കാര്യങ്ങൾ വിശ്വസിക്കരുതെന്ന് അറിയിച്ചെന്നും സി ബി എസ് ഇ പറഞ്ഞു.



    ഔദ്യോഗികമായ അറിയിപ്പുകൾക്കായി സി ബി എസ് ഇയുടെ വെബ്സൈറ്റ് ആയ www.cbse.nic.in എന്ന വെബ്സൈറ്റ് സന്ദർശിക്കാനും സി ബി എസ് ഇ നിർദ്ദേശിച്ചു. ലഭിക്കുന്ന വിവരങ്ങൾ വെബ്സൈറ്റിലും ഉണ്ടെങ്കിൽ അത് ശരിയായിരിക്കുമെന്നും അല്ലാത്തപക്ഷം അത്തരം വിവരങ്ങൾ തെറ്റായിരിക്കുമെന്നും സി ബി എസ് ഇ പറഞ്ഞു.



    മഹാമാരിയുടെ കാലത്ത് മാതാപിതാക്കളുടെയും കുട്ടികളുടെയും അവസ്ഥയെക്കുറിച്ച് സി ബി എസ് ഇയ്ക്ക് ധാരണയുണ്ടെന്നും എന്തെങ്കിലും പ്രധാനപ്പെട്ട കാര്യങ്ങൾ അറിയിക്കാൻ ഉണ്ടെങ്കിൽ അത് ഔദ്യോഗിക വെബ്സൈറ്റിലൂടെ അറിയിക്കുന്നത് ആയിരിക്കുമെന്നും സി ബി എസ് ഇ അറിയിച്ചു.
    Published by:Joys Joy
    First published: