'പ്ര​ധാ​ന​മ​ന്ത്രി​യെയും മന്ത്രിമാരെയും അ​പ​മാ​നി​ക്കാ​ന്‍ ശ്ര​മം'; ഫേ​സ്ബു​ക്കി​ന് കത്തയച്ച് കേ​ന്ദ്രസ​ര്‍​ക്കാ​ര്‍

ന്യൂ​ഡ​ല്‍​ഹി: ഫേ​സ്ബു​ക്കി​നെ​തി​രേ അ​തൃ​പ്തി അ​റി​യി​ച്ച്‌ കേ​ന്ദ്ര സ​ര്‍​ക്കാ​ര്‍. ഫേ​സ്ബു​ക്ക് ഇ​ന്ത്യ​യി​ലൂ​ടെ ഉദ്യോഗസ്ഥര്‍ പ്ര​ധാ​ന​മ​ന്ത്രി​യേ​യും മ​ന്ത്രി​മാ​രെ​യും അ​പ​മാ​നി​ക്കാ​ന്‍ ശ്ര​മം ന​ട​ക്കു​ന്ന​താ​യി കേ​ന്ദ്ര​മ​ന്ത്രി ര​വി​ശ​ങ്ക​ര്‍ പ്ര​സാ​ദ് പ​റ​ഞ്ഞു. ഇക്കാര്യം ചൂണ്ടിക്കാട്ടി ഫേസ്ബുക്ക് സി.ഇ.ഒ മാര്‍ക്ക് സുക്കര്‍ബര്‍ഗിന് കേന്ദ്രമന്ത്രി രവിശങ്കര്‍ പ്രസാദ് കത്തയച്ചു.

രാ​ജ്യ​ത്തെ സാ​മൂ​ഹി​ക അ​ന്ത​രീ​ക്ഷം ത​ക​ര്‍​ക്കാ​ന്‍ ഗൂ​ഢ​ശ്ര​മം ന​ട​ക്കു​ന്നു​ണ്ട്. പ്ര​ധാ​ന​മ​ന്ത്രി​യേ​യും കേ​ന്ദ്ര മ​ന്ത്രി​മാ​രെ​യും അ​പ​മാ​നി​ക്കാ​ന്‍ ചി​ല ഉ​ദ്യോ​ഗ​സ്ഥ​ര്‍ ശ്ര​മി​ക്കു​ന്നു​ണ്ട്. ര​ണ്ട് ത​ര​ത്തി​ലു​ള്ള ഉ​ദ്യോ​ഗ​സ്ഥ​രാ​ണ് ഫേ​സ്ബു​ക്കി​ലു​ള്ള​ത്. അ​വ​രു​ടെ രാ​ഷ്ട്രീ​യ നി​ല​പാ​ടു​ക​ള്‍ ഇ​ത്ത​രം പ്ര​ശ്ന​ങ്ങ​ള്‍ ആ​ളി​ക്ക​ത്തി​ക്കു​ന്ന​തെ​ന്നും അ​ദ്ദേ​ഹം പ​റ​ഞ്ഞു.​
You may also like:Gold Smuggling| രാജ്യത്തിന്‍റെ സമ്പദ്‌വ്യവസ്ഥയെ തകർക്കുന്നത്; മുഖ്യമന്ത്രിയ്ക്ക് എൻഐഎയുടെ ക്ലീൻ ചിറ്റ് [NEWS]ഫൈസല്‍ വധശ്രമക്കേസിലും അടൂര്‍ പ്രകാശിനെതിരെ ആരോപണം; പ്രതിയുടെ ശബ്‌ദരേഖ പുറത്തുവിട്ട് DYFI [NEWS] Pranab Mukherjee| മുൻ രാഷ്ട്രപതിയും മുതിർന്ന കോൺഗ്രസ് നേതാവുമായ പ്രണബ് മുഖർജിയുടെ രാഷ്ട്രീയ യാത്ര [NEWS]
ഫേ​സ്ബു​ക്ക് ബി​ജെ​പി​യെ സ​ഹാ​യി​ക്കു​ന്നു​വെ​ന്ന ആ​രോ​പ​ണം നി​ല​നി​ല്‍​ക്കെ​യാ​ണ് കേ​ന്ദ്ര സ​ര്‍​ക്കാ​ര്‍ ഫേ​സ്ബു​ക്കി​നെ​തി​രേ രം​ഗ​ത്തെ​ത്തി​യി​രി​ക്കു​ന്ന​ത്. ഫേ​സ്ബു​ക്കും ബിജെപിയും തമ്മിലുള്ള ബന്ധത്തില്‍ സമഗ്ര അന്വേഷണം ആവശ്യപ്പെട്ട് കോണ്‍ഗ്രസ് നേതാവ് രാഹുല്‍ ഗാന്ധി രംഗത്തെതിയിരുന്നു.

ബി.ജെ.പിയെ പിന്തുണയ്ക്കുന്ന സമീപനം ഫേ​സ്ബു​ക്ക് ഇന്ത്യ നടത്തിയെന്ന വാള്‍ സ്ട്രീറ്റ് ജേണലിൻറെ റിപ്പോർട്ടിനെ തുടർന്നായിരുന്നു വിവാദം. വിദ്വേഷ പ്രസംഗങ്ങള്‍ നീക്കുന്നതില്‍ ബിജെപിയോട് ഫേസ്ബുക്ക് ഇന്ത്യക്ക് മൃദുസമീപനമാണെന്ന വാള്‍സ്ട്രീറ്റ് ജേണല്‍ ലേഖനവും വലിയ പ്രതിഷേധത്തിന് കാരണമായിരുന്നു.