നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • india
    • »
    • വിദേശ പക്ഷിമൃഗാദികൾ കൈയിലുണ്ടോ? സ്വമേധയാ വെളിപ്പെടുത്തിക്കോളൂ, പദ്ധതിയുമായി കേന്ദ്രസർക്കാർ

    വിദേശ പക്ഷിമൃഗാദികൾ കൈയിലുണ്ടോ? സ്വമേധയാ വെളിപ്പെടുത്തിക്കോളൂ, പദ്ധതിയുമായി കേന്ദ്രസർക്കാർ

    ഹൈക്കോടതി ഉത്തരവുകൾ എത്തുകയും ഇതിനെ എതിർത്തുകൊണ്ടുള്ള അപ്പീൽ സുപ്രീം കോടതി തള്ളുകയും ചെയ്ത സാഹചര്യത്തിൽ, വിദേശഇനം ജീവികളെ സംബന്ധിച്ച കാര്യങ്ങളിൽ കുറച്ചു കൂടി വ്യക്തത വന്നിരിക്കുകയാണ്.

    News 18

    News 18

    • News18
    • Last Updated :
    • Share this:
      വിദേശത്തു നിന്ന് കൊണ്ടുവന്ന മൃഗങ്ങളെയോ പക്ഷികളെയോ കൈവശം വെച്ചിരിക്കുന്നവർക്ക് സ്വമേധയാ അതേക്കുറിച്ച് വെളിപ്പെടുത്താൻ അവസരം. ഇത്തരത്തിൽ വെളിപ്പെടുത്തൽ നടത്തുന്നവരെ നിയമ നടപടികളിൽനിന്ന് ഒഴിവാക്കാമെന്ന കേന്ദ്ര സർക്കാർ നിദേശം സുപ്രീം കോടതി ശരിവെച്ചു. ഇതനുസരിച്ച് ഈ വർഷം ജൂൺ മുതൽ ഡിസംബർ വരെയുള്ള കാലയളവിൽ ഇതേക്കുറിച്ച് സ്വമേധയാ വെളിപ്പെടുത്തൽ നടത്താം.

      ഇതുസംബന്ധിച്ച അലഹബാദ് ഹൈക്കോടതി വിധി സുപ്രീം കോടതി ചീഫ് ജസ്റ്റിസ് എസ്‌എ ബോബ്ഡെയുടെ നേതൃത്വത്തിലുള്ള മൂന്ന് അംഗ ബെഞ്ച് അടുത്തിടെ ശരി വച്ചിരുന്നു. സ്വമേധയാ വെളിപ്പെടുത്താനാകുന്ന സർക്കാരിന്റെ പദ്ധതി വകവയ്ക്കാതെ വിദേശ വന്യജീവികളെ ഏറ്റെടുക്കുന്നതിനും കൈവശം വയ്ക്കുന്നതിനും വ്യാപാരം ചെയ്യുന്നതിനും അന്വേഷണവും പ്രോസിക്യൂഷനും ആവശ്യപ്പെട്ട അപ്പീൽ ബെഞ്ച് തള്ളി.

      You may also like:കൊറോണയുടെ ക്ഷീണം മാറ്റാൻ ക്രിസ്മസ് ബൾബ് തെളിച്ചു; ബൾബിന് ലിംഗത്തിന്റെ ആകൃതി, ഒടുവിൽ മാപ്പ് പറഞ്ഞ് മേയർ [NEWS]13കാരിയെ പീഡിപ്പിച്ച് ഗർഭിണിയാക്കിയ പിതാവ് പിടിയിൽ; വിദേശത്ത് ജോലി ചെയ്യുന്നയാളെ നാട്ടിലെത്തിച്ചു [NEWS] Viral Video | കോഴിയെ പിടിക്കാൻ ഓടിവന്ന 'അനാകോണ്ട'യെ 'ചൂണ്ട'യിട്ട് പിടിച്ചു; വീഡിയോ വൈറൽ, സത്യമിതാണ് [NEWS]

      വനം - പരിസ്ഥിതി, കാലാവസ്ഥാ വ്യതിയാന മന്ത്രാലയം വഴി കേന്ദ്രസർക്കാർ പ്രഖ്യാപിച്ച സ്വമേധയാ വെളിപ്പെടുത്തൽ പദ്ധതി പ്രകാരം ആരെങ്കിലും മുന്നോട്ട് വന്ന് ഇതേക്കുറിച്ച് വെളിപ്പെടുത്തൽ നടത്തിയാൽ ഏതെങ്കിലും തരത്തിലുള്ള അന്വേഷണമോ നിയമനടപടിയോ ആവശ്യമില്ലെന്നാണ് അലഹാബാദ് ഹൈക്കോടതിയുടെ ഉത്തരവ്. ഇതിനെതിരെ ദിനേശ് ചന്ദ്ര സമർപ്പിച്ച അപ്പീൽ തള്ളിക്കൊണ്ടാണ് അലഹാബാദ് ഹൈക്കോടതി ഉത്തരവ് സുപ്രീം കോടതി ശരിവച്ചത്.

      ഇതിനെതിരെ ദിനേശ് ചന്ദ്ര സമർപ്പിച്ച അപ്പീലിലും സുപ്രീം കോടതി ഈ വിധി ഉയർത്തിക്കാട്ടിയിരുന്നു.

      അലഹബാദ് ഹൈക്കോടതിയിൽ ചന്ദ്ര നൽകിയ അപ്പീലിനെ കേന്ദ്ര സർക്കാരും എതിർത്തു. അന്വേഷണം പ്രഖ്യാപിച്ചാൽ പദ്ധതിയുടെ മുഴുവൻ ലക്ഷ്യത്തെയും പരാജയപ്പെടുത്തുമെന്ന് സർക്കാർ വാദിച്ചു.

      ഇതിനോട് അനുബന്ധിച്ച്, അലഹബാദ് ഹൈക്കോടതി, ഇതുവരെ വന്യജീവി സംരക്ഷണ നിയമത്തിന്റെ പരിധിയിൽ നിന്ന് മാറ്റിനിർത്തിയിരുന്ന വിദേശ ഇനങ്ങളുടെ കൈവശം വയ്ക്കലും വ്യാപാരവും നിയന്ത്രിക്കുന്നതിനുള്ള പൊതുമാപ്പ് പദ്ധതി സർക്കാർ കൊണ്ടു വന്നിരുന്നു.

      വിശാലമായ പൊതു താൽ‌പര്യത്തിനായാണ് ‘സന്നദ്ധ വെളിപ്പെടുത്തൽ പദ്ധതി’ അവതരിപ്പിച്ചതെന്നും സ്വമേധയാ വെളിപ്പെടുത്തൽ പ്രഖ്യാപനം പ്രോത്സാഹിപ്പിക്കുന്നതിനായി ആറുമാസത്തെ സമയ പരിധിയും അനുവദിച്ചു.

      ആറുമാസത്തെ ഈ പരിമിതമായ ഇടവേളയിൽ, കേന്ദ്ര - സംസ്ഥാന സർക്കാർ ഏജൻസികളിലോ വകുപ്പിലോ ഉള്ള ഉദ്യോഗസ്ഥർ വിദേശത്തു നിന്നുള്ള ഏതെങ്കിലും ജീവിയെ കടത്തിയതിനോ ബ്രീഡ് ചെയ്യുന്നതിനോ എതിരായ അന്വേഷണവും നടപടി എടുക്കലും നിയമവിരുദ്ധവും അനിയന്ത്രിതവും സ്വമേധയാ വെളിപ്പെടുത്തൽ പദ്ധതിയുടെ ഉദ്ദേശ്യത്തെ പരാജയപ്പെടുത്തുന്നതും ആണെന്നും ബെഞ്ച് വിധിച്ചു.



      സമാനമായി, ഇത്തരം വിദേശ ജീവജാലങ്ങളെ സ്വമേധയാ പ്രഖ്യാപിച്ച് കൈവശം വയ്ക്കുകയും ഭാവിയിലെ നിയന്ത്രണ ആവശ്യകതകൾക്ക് വിധേയരാവുകയും ചെയ്താൽ ഇത് പ്രയോജനപ്പെടുത്താൻ ആഗ്രഹിക്കുന്ന ഏതൊരാൾക്കും ഈ പദ്ധതി പ്രകാരം വാഗ്ദാനം ചെയ്യപ്പെടുന്ന പ്രതിരോധം ലഭിക്കുമെന്ന് രാജസ്ഥാൻ ഹൈക്കോടതി മറ്റൊരു കേസിൽ വാദിച്ചിരുന്നു.കസ്റ്റംസ് ആക്റ്റ്, 1962 അല്ലെങ്കിൽ മറ്റേതെങ്കിലും നിയമപ്രകാരം ആഭ്യന്തരമായി കൈവശം വച്ചിരിക്കുന്ന ഇത്തരം വിദേശ ഇനങ്ങളുമായി ബന്ധപ്പെട്ട് പിടിച്ചെടുക്കൽ, സമൻസ്, കണ്ടുകെട്ടൽ, അന്വേഷണം എന്നിവയുടെ അടിസ്ഥാനത്തിൽ പ്രവർത്തിക്കരുതെന്നും റിപ്പോർട്ടിൽ പറയുന്നു.

      ഈ പദ്ധതി അനുസരിച്ച് നിശ്ചിത ആറുമാസത്തിനുള്ളിൽ സ്വമേധയാ വെളിപ്പെടുത്തൽ നടത്തിയാൽ, വിദേശ ഇനത്തില്‍പ്പെട്ട ജീവികളെ കൈവശം വയ്ക്കുന്നതിനോ വളർത്തുന്നതിനോ ഇന്ത്യയിൽ എവിടെ വേണമെങ്കിലും കൊണ്ടുപോകുന്നതിനോ വ്യക്തിക്കെതിരെ അന്വേഷണമോ നടപടിയോ ആരംഭിക്കാൻ കഴിയില്ലെന്നും ഈ മാസം പുറപ്പെടുവിച്ച ഏറ്റവും പുതിയ വിധിന്യായത്തിൽ, ഡൽഹി ഹൈക്കോടതി വിലയിരുത്തിയിരുന്നു.

      ഹൈക്കോടതി ഉത്തരവുകൾ എത്തുകയും ഇതിനെ എതിർത്തുകൊണ്ടുള്ള അപ്പീൽ സുപ്രീം കോടതി തള്ളുകയും ചെയ്ത സാഹചര്യത്തിൽ, വിദേശഇനം ജീവികളെ സംബന്ധിച്ച കാര്യങ്ങളിൽ കുറച്ചു കൂടി വ്യക്തത വന്നിരിക്കുകയാണ്.
      Published by:Joys Joy
      First published:
      )}