• HOME
  • »
  • NEWS
  • »
  • india
  • »
  • Coal | സമീപഭാവിയിലും കൽക്കരി ഇന്ത്യയിലെ പ്രധാന ഊർജ സ്രോതസ്സായി തുടരും: കേന്ദ്രമന്ത്രി പ്രഹ്ളാദ് ജോഷി

Coal | സമീപഭാവിയിലും കൽക്കരി ഇന്ത്യയിലെ പ്രധാന ഊർജ സ്രോതസ്സായി തുടരും: കേന്ദ്രമന്ത്രി പ്രഹ്ളാദ് ജോഷി

ലോക്സഭയിൽ രേഖാമൂലം നൽകിയ മറുപടിയിലാണ് മന്ത്രി ഇക്കാര്യം വ്യക്തമാക്കിയത്

പ്രഹ്ലാദ് ജോഷി

പ്രഹ്ലാദ് ജോഷി

  • Share this:
    ന്യൂഡൽഹി: താങ്ങാനാവുന്ന വിലയിൽ ലഭ്യമാകുന്ന ഊർജ്ജ സ്രോതസ്സായതിനാലും ഗണ്യമായ കരുതൽ ശേഖരം ഉള്ളതിനാലും സമീപ ഭാവിയിലും രാജ്യത്ത് കൽക്കരി (coal) ഒരു പ്രധാന ഊർജ്ജ സ്രോതസ്സായി തുടരുമെന്ന് കേന്ദ്ര കൽക്കരി വകുപ്പ് മന്ത്രി പ്രഹ്ളാദ് ജോഷി (Prahlad Joshi) പറഞ്ഞു. രാജ്യത്തിന്റെ സ്ഥിരതയ്ക്കും ഊർജ സുരക്ഷയ്ക്കും കൽക്കരി അധിഷ്ഠിത ഉൽപ്പാദനത്തിന്റെ അടിസ്ഥാന ലോഡ് കപ്പാസിറ്റി ആവശ്യമാണെന്ന് ലോക്സഭയിൽ രേഖാമൂലം നൽകിയ മറുപടിയിലാണ് മന്ത്രി വ്യക്തമാക്കിയത്.

    “2021 ഏപ്രിൽ ഒന്നിലെ കൽക്കരി, ലിഗ്നൈറ്റ് എന്നിവയുടെ ഇൻവെന്ററി പ്രകാരം, മൊത്തം കണക്കാക്കിയ ജിയോളജിക്കൽ കൽക്കരി വിഭവം 352 ബില്യൺ ടൺ ആണ്. കൽക്കരി സമൃദ്ധമായി ലഭിക്കുന്നതിനാൽ സമീപഭാവിയിലും ഇത് ഒരു പ്രധാന ഊർജ സ്രോതസ്സായി തന്നെ തുടരും” മന്ത്രി പറഞ്ഞു.

    2070-ഓടെ ഇന്ത്യ നെറ്റ് സീറോ രാജ്യമാകാൻ പ്രതിജ്ഞാബദ്ധമാണ്. കൂടാതെ, COP 26 ഉച്ചകോടിയിൽ, 2030ഓടെ ഇന്ത്യ പുനരുപയോഗിക്കാവുന്ന ഉത്പന്നങ്ങളുടെ സ്ഥാപിത ശേഷി 500GW ആയി ഉയർത്തുമെന്ന് പ്രധാനമന്ത്രി നരേന്ദ്ര മോദി പ്രഖ്യാപിച്ചിരുന്നു. ഇന്ത്യയുടെ കൽക്കരിയിന്മേലുള്ള ആശ്രിതത്വം കണക്കിലെടുക്കുമ്പോൾ ഈ ലക്ഷ്യം കൈവരിക്കാനാകുമോ എന്ന കാര്യം സംശയമാണ്. കാരണം രാജ്യത്തിന്റെ ഊർജ ആവശ്യകതയുടെ 55 ശതമാനവും കൽക്കരിയാണ്.

    സാമ്പത്തിക സർവേ പ്രകാരം, 2030 ആകുമ്പോഴേക്കും കൽക്കരിയുടെ ആവശ്യം 1.3-1.5 ബില്യൺ ടൺ പരിധിയിൽ തുടരുമെന്നാണ് പ്രതീക്ഷിക്കുന്നത്. ഇന്ത്യയിലെ പ്രതിശീർഷ വാണിജ്യ പ്രാഥമിക ഊർജ്ജ ഉപഭോഗം പ്രതിവർഷം 350 കിലോയാണ്. അതിനാൽ, കൽക്കരി രാജ്യത്തെ പ്രാഥമിക ഊർജ്ജ സ്രോതസ്സ് മാത്രമല്ല, ഉരുക്ക്, സിമന്റ്, പേപ്പർ, ഇഷ്ടിക ചൂളകൾ തുടങ്ങി നിരവധി വ്യവസായങ്ങളിലും കൽക്കരി അവിഭാജ്യ ഘടകമാണ്. അതിനാൽ വർഷങ്ങളായി കൽക്കരിയുടെ ആവശ്യത്തിൽ മൊത്തത്തിൽ വർദ്ധനവ് ഉണ്ടായിട്ടുണ്ട്.

    “ശുദ്ധമായ ഊർജത്തിലേയ്ക്ക് മാറാൻ ഇന്ത്യ പ്രതിജ്ഞാബദ്ധമായിരിക്കെ; ഇന്ത്യയിലെ ശുദ്ധമായ ഊർജ്ജ സ്രോതസ്സുകളിലേക്കുള്ള പരിവർത്തനത്തിന്റെ വേഗത ദേശീയ സാഹചര്യങ്ങളുടെ വെളിച്ചത്തിൽ വീക്ഷിക്കേണ്ടതാണെന്നും”ജോഷി പറഞ്ഞു. ഗ്ലാസ്‌ഗോ കാലാവസ്ഥാ ഉടമ്പടിയെ കുറിച്ച് സംസാരിക്കവേ, കൽക്കരി ഉപയോഗം ഘട്ടം ഘട്ടമായി അവസാനിപ്പിക്കാൻ പ്രത്യേക സമയപരിധി നിശ്ചയിച്ചിട്ടില്ലെന്നും മന്ത്രി പറഞ്ഞു. ദേശീയ സാഹചര്യങ്ങൾക്ക് അനുസൃതമായി അനിയന്ത്രിതമായ കൽക്കരി ഉപയോഗം ഘട്ടംഘട്ടമായി കുറയ്ക്കാനുള്ള ശ്രമങ്ങൾ ത്വരിതപ്പെടുത്താൻ മാത്രമേ കരാർ ആവശ്യപ്പെടുന്നുള്ളൂവെന്നും മന്ത്രി കൂട്ടിച്ചേർത്തു.

    ഊർജമേഖലയിലെ പരിവർത്തനത്തിനായുള്ള വഴികൾ ലോകം തേടുമ്പോൾ, ഗ്രീൻ ഹൈഡ്രജന്റെ കാര്യത്തിൽ സ്വയം പര്യാപ്തത കൈവരിക്കുക മാത്രമല്ല, കയറ്റുമതി വിപണികൾക്കായി ഗ്രീൻ ഹൈഡ്രജൻ ഉൽപ്പാദിപ്പിക്കുക കൂടിയാണ് ഇന്ത്യയുടെ ലക്ഷ്യം. 2030 ഓടെ 450 ജിഗാവാട്ട് പുനരുപയോഗ ഊർജം ഉൽപ്പാദിപ്പിക്കുക എന്ന നരേന്ദ്ര മോദി സർക്കാരിന്റെ ലക്ഷ്യത്തിന് അനുസൃതമാണ് ഗ്രീൻ ഹൈഡ്രജനിലൂടെ ശുദ്ധമായ ഊർജ്ജം ഉൽപ്പാദിപ്പിക്കുന്നതിൽ രാജ്യം ശ്രദ്ധ കേന്ദ്രീകരിച്ചിരിക്കുന്നത്. പാരീസ് ഉടമ്പടി പ്രകാരം ഫോസിൽ ഇന്ധനങ്ങളുടെ ഇറക്കുമതി ആശ്രിതത്വം കുറയ്ക്കുക എന്നതും ഇന്ത്യയുടെ പ്രധാന ലക്ഷ്യമാണ്.
    Published by:user_57
    First published: