COVID 19 നെതിരെ നാലു വയസുകാരന്റെ പ്രതിരോധം; 971 രൂപ മുഖ്യമന്ത്രിയുടെ ആശ്വാസനിധിയിലേക്ക്

അമരാവതി: കൊറോണ വൈറസിനെതിരായ പോരാട്ടത്തിൽ സർക്കാരിന് പിന്തുണ പ്രഖ്യാപിച്ച് ഒരു നാലു വയസുകാരൻ. തന്റെ ആകെ സമ്പാദ്യമായ 971 രൂപ ഈ മിടുക്കൻ ആന്ധ്രാപ്രദേശ് മുഖ്യമന്ത്രിയുടെ ദുരിതാശ്വാസ നിധിയിലേക്ക് നൽകി.

വിജയവാഡയിൽ നിന്നുള്ള നാലു വയസുകാരൻ ഹേമന്ത് ആണ് തന്റെ കുഞ്ഞുസമ്പാദ്യം കോവിഡ് 19 മഹാമാരിക്ക് എതിരെയുള്ള പോരാട്ടത്തിന് കൈത്താങ്ങാകാൻ സർക്കാരിന് നൽകിയത്.

You may also like:നിസാമുദ്ദീൻ സമ്മേളനത്തിന്റെ പേരിൽ വർഗീയ വിദ്വേഷമുണ്ടാക്കുന്ന ഓഡിയോ സന്ദേശം: MLA അറസ്റ്റിൽ

‍ [NEWS]ആളൊഴിഞ്ഞ സ്ഥലങ്ങളിലെ ചാരായം വാറ്റൽ ഇനി നടക്കില്ല; എക്സൈസിന്റെ ഡ്രോണ്‍ പറന്നെത്തും [NEWS]കൊവിഡ് കാലത്തും വില കൂട്ടി സപ്ലൈകോ; അവശ്യസാധനങ്ങൾക്ക് ഒരാഴ്ചക്കിടെ കൂടിയത് 2 മുതൽ 10 രൂപ വരെ [NEWS]

ഒരു കുഞ്ഞു ബൈസിക്കിൾ വാങ്ങുന്നതിനു വേണ്ടിയായിരുന്നു കൊച്ചു ഹേമന്തിന്റെ സമ്പാദ്യം. തന്റെ സമ്പാദ്യം മന്ത്രി പെർണി വെങ്കട്ടരാമയ്യയ്ക്ക് തഡേപള്ളിയിലെ ഓഫീസിലെത്തി ഹേമന്ത് കൈമാറി.

കുഞ്ഞു ഹേമന്തിന്റെ നന്മയെ അഭിനന്ദിച്ച മന്ത്രി എത്രയും പെട്ടെന്നു തന്നെ ഹേമന്തിന് ഒരു സൈക്കിൾ സമ്മാനമായി വാങ്ങി നൽകുമെന്നും അറിയിച്ചു.





രാജ്യത്ത് ഇതുവരെ 4421 പേർക്കാണ് കോവിഡ് 19 ബാധിച്ചിരിക്കുന്നത്. ചൊവ്വാഴ്ച ആരോഗ്യമന്ത്രാലയം
അറിയിച്ചതാണ് ഇക്കാര്യം. 114 പേരാണ് കോവിഡ് 19 ബാധിച്ച് ഇതുവരെ രാജ്യത്ത് മരിച്ചത്.