'ഒരു സ്മോൾ ചേഞ്ച്:' കോൺഗ്രസ് പ്രവർത്തകർക്ക് ഏർപ്പെടുത്തിയ മദ്യ നിരോധനത്തിൽ നേരിയ ഇളവ്

ന്യൂഡൽഹി: മദ്യപിക്കുന്നതിനു കോൺഗ്രസ് പ്രവർത്തകർക്ക് പാർട്ടി ഏർപ്പെടുത്തിയ നിരോധനത്തിനു നേരിയ ഇളവ്. മദ്യം ഉപയോഗിക്കരുതെന്ന പാർട്ടി ഭരണഘടനയിലെ വ്യവസ്ഥ ഒഴിവാക്കുന്നതിന് പ്ലീനറി സമ്മേളനം അംഗീകാരം നൽകി. അതേസമയം, മറ്റു ലഹരിപദാർഥങ്ങൾ ഉപയോഗിക്കുന്നതിനുള്ള കർശന വിലക്ക് തുടരും.

Also read-പ്രവർത്തകസമിതിയിൽ മത്സരം വേണ്ടെന്ന് കോൺഗ്രസ്; തീരുമാനം പ്രഖ്യാപിച്ചത് ഗാന്ധി കുടുംബമില്ലാതെ

ഫെബ്രുവരി 24 മുതൽ 26 വരെ റായ്പൂരിൽ നടക്കുന്ന 85-ാം പ്ലീനറി സമ്മേളനത്തിലാണ് പുതിയ തീരുമാനം. മുതിർന്ന കോൺഗ്രസ് നേതാവ് അംബികാ സോണിയുടെ നേതൃത്വത്തിൽ രൺദീപ് സുർജേവാല കൺവീനറായ ഭരണഘടനാ ഭേദഗതി കമ്മിറ്റിയാണ് മാറ്റം അവതരിപ്പിച്ചത്.