രാഷ്ട്രീയവത്കരണത്തെക്കുറിച്ച് ഇതിൽ കൂടുതൽ പറയാനുണ്ടോ? മോദിയെ പരിഹസിച്ച് കോണ്‍ഗ്രസ്

ന്യൂഡൽഹി : രാഷ്ട്രീയവത്കരണത്തെക്കുറിച്ച് മോദിക്ക് ഇനിയും കൂടുതൽ എന്തെങ്കിലും പറയാനുണ്ടോയെന്ന പരിഹാസവുമായി കോൺഗ്രസ്. ബലാകോട്ട് വ്യോമാക്രമണം ലോക്സഭാ തെരഞ്ഞെടുപ്പിൽ ബിജെപിയുടെ സീറ്റ് വർധിപ്പിക്കുമെന്ന ബി.എസ്.യെദ്യൂരപ്പയുടെ പ്രസ്താവനയ്ക്ക് പിന്നാലെയാണ് കോൺഗ്രസിന്റെ പ്രതികരണം.

Also Read-ബലാകോട്ട് വ്യോമാക്രമണം: കർണാടകയിൽ ബിജെപിക്ക് സീറ്റ് കൂട്ടുമെന്ന് ബി.എസ്.യെദ്യൂരപ്പ

132 കോടി ഇന്ത്യക്കാര്‍ക്ക് വേണ്ടി കോൺഗ്രസ് വക്താവ് രൺദീപ് സിംഗ് സുർജെവാലയാണ് പ്രധാനമന്ത്രി നരേന്ദ്ര മോദിയോടും ധനമന്ത്രി അരുൺ ജയ്റ്റ്ലിയോടുമായി ചോദ്യം ഉന്നയിച്ചിരിക്കുന്നത്. പ്രിയപ്പെട്ട മോദി ജി/ ജയ്റ്റ്ലി ജി..രാഷ്ട്രീയവത്കരണത്തെക്കുറിച്ച് ഇതിൽ കൂടുതൽ പറയാനുണ്ടോ ?..നന്ദിയോടെ
132 കോടി ജനങ്ങൾ.. കോൺഗ്രസ് വക്താവ് ട്വിറ്ററിൽ കുറിച്ചു.

 

Dear Modiji/ Jaitleyji,

Any more questions on politicisation?

Regards,
132 Crore Indians.https://t.co/RlbCNyRUY5

— Randeep Singh Surjewala (@rssurjewala) 28 February 2019

'കഴി‍ഞ്ഞ ദിവസം പാകിസ്ഥാൻ അതിർത്തി കടന്ന നമ്മൾ അവിടെ മൂന്ന് ഭീകരക്യാംപുകളാണ് തകർത്തത്. ഇത് രാജ്യത്ത് മോദി അനുകൂലതരംഗം വീശാൻ ഇടയാക്കിയിട്ടുണ്ട്.ഈ തരംഗം വരുന്ന ലോക്സഭാ തെരഞ്ഞെടുപ്പിലും ഉണ്ടാകും. കേന്ദ്രത്തിന്റെ ഈ നീക്കം യുവാക്കളെ ആവേശഭരിതരാക്കിയിട്ടുണ്ട്. ഇത് കര്‍ണാടകയില്‍ 22ലധികം സീറ്റുകൾ നേടിയെടുക്കാൻ നമ്മളെ സഹായിക്കും' എന്നായിരുന്നു കർണാടക ബിജെപി അധ്യക്ഷൻ ബി.എസ്.യെദ്യൂരപ്പയുടെ പ്രസ്താവന.

ബലാന്‍കോട്ട് ആക്രമണം ബിജെപി രാഷ്ട്രീയവത്കരിച്ചു എന്ന പ്രതിപക്ഷ ആരോപണങ്ങൾ ശരിവക്കുന്ന തരത്തിലായിരുന്നു ഈ പ്രതികരണം. പിന്നാലെയാണ് കോൺഗ്രസ് വക്താവിന്റെ ട്വീറ്റ് എത്തുന്നത്.