• HOME
  • »
  • NEWS
  • »
  • india
  • »
  • കോവിഡ് 19| ദുരന്തമായി പ്രഖ്യാപിച്ച് കേന്ദ്രം; മരിച്ചവരുടെ കുടുംബത്തിന് 4 ലക്ഷം രൂപ ധനസഹായം

കോവിഡ് 19| ദുരന്തമായി പ്രഖ്യാപിച്ച് കേന്ദ്രം; മരിച്ചവരുടെ കുടുംബത്തിന് 4 ലക്ഷം രൂപ ധനസഹായം

അതേസമയം ഇന്ത്യയിൽ കൊറോണ ബാധിച്ചവരുടെ എണ്ണം 84 ആയി.

corona

corona

  • Last Updated :
  • Share this:
    ന്യൂഡൽഹി: കോവിഡ് 19 ദുരന്തമായി പ്രഖ്യാപിച്ച് കേന്ദ്ര സർക്കാർ. സംസ്ഥാന ദുരന്ത നിവാരണ ഫണ്ട് കൊവിഡ് 19 പ്രവർത്തനങ്ങൾക്കും ഉപയോഗിക്കാം. അപകടത്തിൽപ്പെട്ടവർക്ക് 4 ലക്ഷം രൂപ ധന സഹായവും പ്രഖ്യാപിച്ചിട്ടുണ്ട്. ഈ തുകയും ദുരന്തനിവാരണ ഫണ്ടിൽ നിന്നാണ് നൽകുക.

    പ്രതിരോധ പ്രവർത്തനത്തിനിടെ ജീവൻ നഷ്ടപ്പെട്ടാലും നഷ്ടപരിഹാരം നൽകും.ദുരന്ത നിവാരണത്തിനായുള്ള ഉപകരണങ്ങൾ വാങ്ങുന്നതിനും ഫണ്ട് ഉപയോഗിക്കാം. സംസ്ഥാന ദുരന്തനിവാരണ ഫണ്ടിന്റെ പത്ത് ശതമാനം ഇതിനായി ഉപയോഗിക്കാം.

    രാജ്യത്ത് വൈറസ് ബാധിച്ച് രണ്ടു പേരാണ് മരിച്ചത്. രണ്ട് മരണങ്ങൾ റിപ്പോർട്ട് ചെയ്ത പശ്ചാത്തലത്തിൽ രാജ്യം അതീവ ജാഗ്രതയിലാണ്. കർണാടക കൽബുർഗി സ്വദേശി മുഹമ്മദ് ഹുസൈൻ സിദ്ദിഖിന്റേതാണ് രാജ്യത്തെ ആദ്യ മരണം.

    BEST PERFORMING STORIES:COVID 19| ആൾക്കൂട്ടങ്ങളും യാത്രയും ഒഴിവാക്കണമെന്ന് കളക്ടർ; തിരുവനന്തപുരത്ത് ജാഗ്രതാ നിർദേശം [PHOTO]Flood Relief Fund Scam: 'തട്ടിപ്പ് ആര് നടത്തിയാലും കര്‍ശന നടപടി സ്വീകരിക്കും': കടകംപള്ളി സുരേന്ദ്രൻ [VIDEO]തീയിൽ കുരുത്തതാണ് ടീച്ചറമ്മ; ആരോഗ്യ മന്ത്രി ഷൈലജക്ക് സിനിമാ ലോകത്തിന്റെ അഭിനന്ദന പ്രവാഹം
    [PHOTO]


    ബുധനാഴ്ചയാണ് ഇയാൾ മരിച്ചത്. സൗദിയിൽ നിന്ന് ഉംറ കഴിഞ്ഞ് ഫെബ്രുവരി 29 നാണ് മുഹമ്മദ് ഹുസൈൻ എത്തിയത്. ഡൽഹി ജനക്പൂരി സ്വദേശിയായ 68 കാരിയാണ് മരിച്ച രണ്ടാമത്തെയാൾ. ഡൽഹി റാം മനോഹർലോഹ്യ ആശുപത്രിയിൽ ചികിത്സയിലായിരുന്നു.

    അതേസമയം ഇന്ത്യയിൽ കൊറോണ ബാധിച്ചവരുടെ എണ്ണം 84 ആയി. ഇവരുമായി ഇടപഴകിയെന്ന് സംശയിക്കുന്ന 4000ലധികം പേർ നിരീക്ഷണത്തിലാണെന്നും ആരോഗ്യമന്ത്രാലയം അറിയിച്ചു.
    First published: