• HOME
  • »
  • NEWS
  • »
  • india
  • »
  • വയോധികയുടെ മൃതദേഹം ഫുട്പാത്തിൽ ഉപേക്ഷിച്ച് മകൻ; സംസ്കാര ചടങ്ങിനുള്ള പണമില്ലെന്ന് വിശദീകരണം

വയോധികയുടെ മൃതദേഹം ഫുട്പാത്തിൽ ഉപേക്ഷിച്ച് മകൻ; സംസ്കാര ചടങ്ങിനുള്ള പണമില്ലെന്ന് വിശദീകരണം

കൊലപാതകം ആകും എന്ന സംശയത്തിലായിരുന്നു ആദ്യം പൊലീസ്. എന്നാൽ ഇവരുടെ ശരീരത്തിൽ പരിക്കുകളൊന്നും കണ്ടെത്താത്തതിനാൽ യാചകയായ സ്ത്രീ ആകുമെന്ന സംശയം ഉയർന്നു.

  • Share this:
    ഹൈദരാബാദ്: പനി ബാധിച്ച് മരിച്ച വയോധികയായ അമ്മയുടെ മൃതദേഹം തെരുവിൽ ഉപേക്ഷിച്ച് മകൻ. ഹൈദരബാദിലെ ഒരു അപ്പാർട്മെന്‍റ് കോംപ്ലക്സ് ഗാർഡായ രമേശ് എന്നയാളാണ് എഴുപതുകാരിയായ അമ്മയുടെ മൃ‌തദേഹം ബ്ലാങ്കറ്റിൽ പൊതിഞ്ഞ് ഫുട്പാത്തിൽ ഉപേക്ഷിച്ചത്. ബഞ്ജാര ഹിൽസ് മേഖലയിൽ കഴിഞ്ഞ ദിവസം പുലർച്ചെ നടക്കാനിറങ്ങിയ ആളുകളാണ് ബെഡ്ഷീറ്റില്‍ പൊതിഞ്ഞ നിലയിൽ സംശയാസ്പദമായ 'വസ്തു' കണ്ടത്. പരിഭ്രാന്തരായ ഇവർ പൊലീസിൽ വിവരം അറിയിച്ചു.

    സ്ഥലത്തെത്തിയ പൊലീസ് അതൊരു സ്ത്രീയുടെ മൃതദേഹമാണെന്ന് തിരിച്ചറിയുകയായിരുന്നു. തുടർന്ന് ഡോഗ് സ്ക്വാഡിന്‍റെ നേതൃത്വത്തിൽ സ്ഥലത്ത് പരി‌ശോധന നടത്തി. കൊലപാതകം ആകും എന്ന സംശയത്തിലായിരുന്നു ആദ്യം പൊലീസ്. എന്നാൽ ഇവരുടെ ശരീരത്തിൽ പരിക്കുകളൊന്നും കണ്ടെത്താത്തതിനാൽ യാചകയായ സ്ത്രീ ആകുമെന്ന സംശയം ഉയർന്നു. ആരുടെയോ വീടിന് മുന്നിൽ വീണ് മരിച്ചതാകുമെന്നും അവരാകും ഫുട്പാത്തിൽ കൊണ്ടുവന്ന് ഉപേക്ഷിച്ചതെന്നും സംശയിച്ചു.
    You may also like:തിരുവോണനാളിൽ കൊലപാതകം; തിരുവനന്തപുരത്ത് രണ്ട് സിപിഎം പ്രവര്‍ത്തകരെ വെട്ടിക്കൊന്നു; രാഷ്ട്രീയപ്രേരിതമെന്ന് പോലീസ് [NEWS]Viral Video | പട്ടത്തിനൊപ്പം പറന്നുയർന്ന് മൂന്നു വയസുകാരി; അത്ഭുതകരമായി രക്ഷപെട്ടു [NEWS] തിരുവനന്തപുരം ഇരട്ടക്കൊലപാതകം: നേതൃത്വം നൽകിയവരെ പിടികൂടാൻ സമഗ്ര അന്വേഷണം; നിർദേശം നൽകിയതായി മുഖ്യമന്ത്രി [NEWS]
    എന്നാൽ കുറച്ച് സമയങ്ങൾക്ക് ശേഷം പ്രദേശത്തെ ചില ആളുകൾ തന്നെ മൃതദേഹം തിരിച്ചറിഞ്ഞു. ഇവർ നൽകിയ വിവരം അനുസരിച്ചാണ് പൊലീസ് വയോധികയുടെ മകനായ രമേശിന്‍റെ അടുത്തെത്തിയത്. ചോദ്യം ചെയ്യലിൽ തന്‍റെ അമ്മ ഭാഗീരഥിയുടെ മൃതദേഹം ആണിതെന്നും താന്‍ തന്നെയാണ് ഉപേക്ഷിച്ചതെന്ന് ഇയാൾ സമ്മതിച്ചു. കോവിഡ് വ്യാപനത്തിന്‍റെ ആശങ്കയും സാമ്പത്തിക പ്രതിസന്ധിയും മൂലമാണ് ഇത്തരത്തിൽ ചെയ്തതെന്നാണ് ഇയാൾ പറഞ്ഞത്.

    ' പനി ബാധിതയായ ഭാഗീരഥി ശനിയാഴ്ച വൈകിട്ടോടെയാണ് മരിച്ചത്. കോവിഡ് സാഹചര്യം നിലനിൽക്കുന്നതിനാൽ പനി ബാധിച്ചാണ് അമ്മ മരിച്ചതെന്ന വിവരം പുറത്തറിഞ്ഞാൽ തന്‍റെ ജോലിക്ക് പ്രശ്നങ്ങൾ നേരിടേണ്ടി വരുമെന്നും ഇയാൾ ഭയന്നിരുന്നു. ഇതിനു പുറമെ കടുത്ത സാമ്പത്തിക പ്രതിസന്ധിയിലായിരുന്നതിനാൽ സംസ്കാര ചടങ്ങുകൾക്കായി പണവും ഉണ്ടായിരുന്നില്ല. ഇതു കൊണ്ടാണ് മൃതദേഹം ഫുട്പാത്തിൽ ഉപേക്ഷിച്ച് കടന്നു കളഞ്ഞത്' എന്നാണ് രമേശ് മൊഴി നൽകിയതെന്നാണ് പൊലീസ് അറിയിച്ചത്.

    സംഭവത്തിൽ അന്വേഷണം നടക്കുന്നുണ്ട്.



    Published by:Asha Sulfiker
    First published: