Satyendar Jain| കള്ളപ്പണം വെളുപ്പിക്കൽ കേസ്: ഡൽഹി ആരോഗ്യമന്ത്രി സത്യേന്ദർ ജെയിനിന്റെ കസ്റ്റഡി കാലാവധി നീട്ടി

ന്യൂഡൽഹി: കള്ളപ്പണം വെളുപ്പിക്കൽ കേസിൽ ഡൽഹി ആരോഗ്യമന്ത്രി സത്യേന്ദർ ജെയിനിനെ (Satyendar Jain)പതിനാല് ദിവസത്തേക്ക് ജുഡീഷ്യൽ കസ്റ്റഡിയിലേക്ക് വിട്ടു. ഡൽഹി കോടതിയുടേതാണ് നടപടി. സത്യേന്ദർ ജെയിനിന്റെ ജാമ്യാപേക്ഷ നാളെ പരിഗണിക്കാനിരിക്കുകയാണ്.

അഞ്ച് ദിവസത്തേക്ക് കൂടി കസ്റ്റഡിയിൽ വേണമെന്ന ഇഡിയുടെ അപേക്ഷയിൽ വ്യാഴാഴ്ച കോടതി ജെയിനിന്റെ കസ്റ്റഡി ജൂൺ 13 വരെ നാല് ദിവസത്തേക്ക് നീട്ടിയിരുന്നു.

Also Read-ഡൽഹി ആരോഗ്യമന്ത്രി സത്യേന്ദ്ര ജയിനെതിരായ കള്ളപ്പണം വെളുപ്പിക്കൽ കേസ്; ED പിടിച്ചെടുത്തത് 2.82 കോടി രൂപയും 1.8 കിലോ സ്വർണ നാണയങ്ങളും

സത്യേന്ദ്ര ജെയിനിനെതിരായ കള്ളപ്പണ വെളുപ്പിക്കൽ കേസുമായി ബന്ധപ്പെട്ട് കഴിഞ്ഞയാഴ്ച്ച ഇഡി നടത്തിയ റെയ്ഡിൽ 2.85 കോടി രൂപയും 1.80 കിലോ സ്വർണനാണയങ്ങളും പിടിച്ചെടുത്തിരുന്നു. 1.80 കിലോഗ്രാം ഭാരം വരുന്ന 133 സ്വർണനാണയങ്ങളാണ് കണ്ടെത്തിയത്.

Also Read-കാല്‍നടയായി രാഹുല്‍ഗാന്ധി ഇ ഡി ഓഫീസില്‍; അനുഗമിച്ച് പ്രിയങ്കയും നേതാക്കളും പ്രവര്‍ത്തകരും

കള്ളപ്പണ വെളുപ്പിക്കൽ കേസിൽ മെയ് 30 നാണ് സത്യേന്ദ്ര ജെയിൻ അറസ്റ്റിലാകുന്നത്. മന്ത്രിയെ ജൂൺ 9 വരെ ഇഡിയുടെ കസ്റ്റഡിയിൽ വിട്ടിരുന്നു. കേസുമായി ബന്ധപ്പെട്ട് ഏഴോളം സ്ഥലങ്ങളിലാണ് ഇഡി റെയ്ഡ് നടത്തിയത്.

എഎപിയുടെ നേതൃത്വത്തിലുള്ള ഡല്‍ഹി സര്‍ക്കാരില്‍ ആരോഗ്യം, ആഭ്യന്തരം, വൈദ്യുതി, പൊതുമരാമത്ത് വകുപ്പ് മന്ത്രിയാണ് ജെയിന്‍. ചോദ്യം ചെയ്യാന്‍ വിളിച്ച ശേഷമായിരുന്നു മന്ത്രിയുടെ അറസ്റ്റ്. സത്യേന്ദര്‍ ജയിന് ഹവാല ഇടപാടില്‍ പങ്കുണ്ടെന്ന മൊഴിയുണ്ടെന്ന് ഇഡി അറിയിച്ചു.