• News
  • Mission Paani
  • Sports
  • Films
  • Gulf
  • Life
  • Career
  • Crime
  • Photos
  • Video
  • Buzz
  • Live TV

തെരഞ്ഞെടുപ്പ് വിവരങ്ങൾ യഥാസമയം 'ഓടിയെത്തും': വ്യത്യസ്ത ആശയവുമായി തെരഞ്ഞെടുപ്പ് കമ്മീഷൻ

മൊബൈൽ നെറ്റ് വർക്ക് ലഭിക്കാത്ത പ്രദേശങ്ങളില്‍ അതിവേഗ ഓട്ടക്കാരെയാണ് വിവരങ്ങൾ കൈമാറാൻ നിയമിച്ചിരിക്കുന്നത്.

news18
Updated: April 25, 2019, 10:24 AM IST
തെരഞ്ഞെടുപ്പ് വിവരങ്ങൾ യഥാസമയം 'ഓടിയെത്തും': വ്യത്യസ്ത ആശയവുമായി തെരഞ്ഞെടുപ്പ് കമ്മീഷൻ
elections
news18
Updated: April 25, 2019, 10:24 AM IST
ഖണ്ഡ്വ(യു.പി) : പോളിംഗ് നടക്കുന്ന ബൂത്തുകളിൽ നിന്ന് രണ്ട് മണിക്കൂർ ഇടവിട്ട് തെരഞ്ഞെടുപ്പ് കമ്മീഷൻ വിവരങ്ങൾ അപ്ഡേറ്റ് ചെയ്യാറുണ്ട്. പക്ഷെ മൊബൈൽ നെറ്റ് വർക്ക് പോലും ഇല്ലാത്ത ചില ഉൾപ്രദേശങ്ങളിലെ വിവരങ്ങൾ അങ്ങനെ യഥാസമയം ലഭിക്കാൻ സാധിക്കുമായിരുന്നില്ല. എന്നാൽ ഈ പ്രശ്നത്തിന് വ്യത്യസ്ത പരിഹാര മാർഗവുമായി എത്തിയിരിക്കുകയാണ് തെരഞ്ഞെടുപ്പ് കമ്മീഷന്‍. മൊബൈൽ നെറ്റ് വർക്ക് ലഭിക്കാത്ത പ്രദേശങ്ങളില്‍ അതിവേഗ ഓട്ടക്കാരെയാണ് വിവരങ്ങൾ കൈമാറാൻ നിയമിച്ചിരിക്കുന്നത്.

Also Read-അക്ഷയ് കുമാറിനെക്കാൾ മികച്ച നടൻ ആകാനാണ് മോദി ശ്രമിക്കുന്നത്: പരിഹാസവുമായി കോൺഗ്രസ്‌‌‌‌

മധ്യപ്രദേശിലെ ഖണ്ഡ്വ ജില്ലയിലാണ് തെരഞ്ഞെടുപ്പ് കമ്മീഷന്റെ ഈ ഓട്ടപരീക്ഷണം. മൊബൈൽ റേഞ്ച് പോലും ലഭിക്കാത്ത അൻപതോളം ബൂത്തുകളാണ് ഇവിടെയുള്ളത്. ഈ സ്ഥലങ്ങളിലെ വോട്ടിംഗ് പുരോഗതി യഥാസമയം പുറത്തെത്തിക്കാൻ പ്രത്യേക പരിശീലനം നൽകിയ 200 ഓട്ടക്കാരെയാണ് നിയമിച്ചിരിക്കുന്നത്.

ഇത്തരത്തിൽ റേഞ്ച് ലഭിക്കാത്ത ഇടങ്ങളിൽ രണ്ട് ഓട്ടക്കാരെയാകും നിയോഗിക്കുക,. ഇതിലൊരാൾ പോളിംഗ് ബൂത്തിലും അടുത്തയാൾ മൊബൈലിന് റേഞ്ച് ലഭിക്കുന്ന ഏതെങ്കിലും പ്രദേശത്തും. പോളിംഗ് ബൂത്തിലുള്ളയാൾ ഓരോ രണ്ട് മണിക്കൂറിലും ഓടിയെത്തി വിവരങ്ങൾ മറ്റേയാൾക്ക് കൈമാറും. അയാൾ ആ വിവരങ്ങൾ ഫോൺ വഴി ബന്ധപ്പെട്ട ഉദ്യോഗസ്ഥരെ അറിയിക്കും എന്നാണ് ഖണ്ഡ്വ ഡിആർഒ വിശേഷ് ഗദ്പാലെ അറിയിച്ചിരിക്കുന്നത്.

First published: April 25, 2019
കൂടുതൽ കാണുക
Loading...
അടുത്തത് വാര്‍ത്തകള്‍
Loading...