റോബർട്ട് വദ്രയുടെ മുൻകൂർ ജാമ്യം റദ്ദാക്കണം: എൻഫോഴ്സ്മെന്റ് ഡയറക്ട്രേറ്റ് സുപ്രീം കോടതിയിലേക്ക്

ന്യൂഡൽഹി: കള്ളപ്പണം വെളുപ്പിക്കൽ കേസിൽ റോബർട്ട് വദ്രയുടെ മുൻകൂര്‍ ജാമ്യം റദ്ദാക്കണമെന്നാവശ്യപ്പെട്ട് എൻഫോഴ്സ്മെന്റ് ഡയറക്ട്രേറ്റ് സുപ്രീം കോടതിയിലേക്ക്. വദ്രയുടെ ജാമ്യം കേസന്വേഷണത്തിന് തടസം സൃഷ്ടിക്കുന്നുവെന്ന കാരണം ചൂണ്ടിക്കാട്ടിയാണ് പ്രോസിക്യൂട്ടറായ ഡി.പി.സിംഗ് വഴി ഇഡി കോടതിയെ സമീപിച്ചിരിക്കുന്നത്. ഹർജി തിങ്കളാഴ്ച പരിഗണിക്കും.

Also Read-'എന്തും നേരിടാൻ തയ്യാർ; സത്യം തന്നെ വിജയിക്കും': റോബർട്ട് വദ്ര

എഐസിസി ജനറൽ സെക്രട്ടറി പ്രിയങ്ക ഗാന്ധിയുടെ ഭർത്താവായാ വദ്രക്ക് വിചാരണ കോടതി ഏപ്രിൽ 1 നാണ് മുൻകൂർ ജാമ്യം അനുവദിച്ചത്. വദ്രക്ക് പുറമെ കേസിലെ മറ്റൊരു പ്രതി മനോജ് വദ്രയുടെ ജാമ്യത്തെയും ഇ.ഡി എതിർത്തിട്ടുണ്ട്.

വിവാദ ആയുധ ഇടപാടുകാരൻ സഞ്ജയ് ഭണ്ഡാരി വഴി കള്ളപ്പണം വെളുപ്പിച്ച് വാദ്ര ലണ്ടനിൽ വസ്തുവകകൾ വാങ്ങിയെന്നാണ് വദ്രക്കെതിരായ കേസ്.