Election Tracker Live ശബരിമലയിലെ വിശ്വാസവും ആചാരവും സംരക്ഷിക്കും; ബിജെപി പ്രകടന പത്രിക

പ്രകടനപത്രികയിൽ പല വൈരുധ്യങ്ങളും ഉണ്ടെന്നും കോൺഗ്രസ് ചൂണ്ടിക്കാട്ടുന്നു. നികുതി കുറയ്ക്കുമെന്ന് പറയുന്ന അവർ തന്നെ നികുതി കൂട്ടുമെന്നും പറയുന്നു. കോൺഗ്രസ് നേതാവ് രാജീവ് ഗൗഡ കുറ്റപ്പെടുത്തി

ബിജെപിയുടെ പ്രകടന പത്രിക തൊഴിലിനെക്കുറിച്ചും തൊഴിലവസരങ്ങളെക്കുറിച്ചും പറയുന്നില്ല. ചരക്ക്-സേവന നികുതി, നോട്ട് നിരോധനം, കള്ളപ്പണം എന്നീവിഷയങ്ങൾ പരാമർശിക്കുന്നതിലും ഇവർ പരാജയപ്പെട്ടുവെന്നും കോൺഗ്രസ് വക്താവ് വ്യക്തമാക്കി.

സങ്കൽപ് പത്രികയല്ല ഇത് ആളുകളെ പറ്റിക്കുന്ന പത്രികയാണ്. തങ്ങളുടെ പരാജയത്തിന് മറ്റുള്ളവരെ പഴിചാരുന്ന നയമാണ് കേന്ദ്രം സ്വീകരിച്ചിരിക്കുന്നതെന്നാണ് കോൺഗ്രസ് വക്താവ് രൺദീപ് സുർജെവാല പ്രതികരിച്ചത് 

സങ്കൽപ് പത്രക്കെതിരെ കോൺഗ്രസും ബിജെപിയുടെ പ്രകടന പത്രികയായ സങ്കൽപ് പത്രയ്ക്കെതിരെ കോൺഗ്രസ്. കഴിഞ്ഞ അഞ്ച് വർഷത്തിനുള്ളിൽ ചെയ്ത് കൂട്ടിയത് എന്തൊക്കെയാണെന്ന കാര്യത്തിന് ബിജെപി ഉത്തരം നൽകേണ്ടതുണ്ട്. ചായക്കാരൻ, കാവൽക്കാരൻ അങ്ങനെ നിങ്ങളുടെ പല അവതാരങ്ങളിലൂടെ ജനങ്ങൾ നിങ്ങളെ മനസിലാക്കി കഴിഞ്ഞുവെന്നാണ് കോൺഗ്രസ് നേതാവ് അഹമ്മദ് പട്ടേല്‍ പ്രതികരിച്ചത്

പ്രകടന പത്രികയെ പരിഹസിച്ച് സിപിഎം : ബിജെപിയുടെ പ്രകടനപത്രികയെ പരിഹസിച്ച് സിപിഎമ്മും രംഗത്തെത്തിയിട്ടുണ്ട്. കോടിക്കണക്കിന് തൊഴിലവസരങ്ങൾ ആണ് നിങ്ങള്‍ വാഗ്ദാനം ചെയ്തത്. എന്നാൽ കഴിഞ്ഞ പത്ത് വർഷത്തെക്കാൾ കൂടുതൽ തൊഴിൽരഹിതർ‌ ഇപ്പോൾ രാജ്യത്തുണ്ട്. ഈ പ്രകടനപത്രികയും വെറും ജുംലപത്ര (പൊള്ളയായ വാഗ്ദാനങ്ങൾ)യാകുമെന്നാണ് സിപിഎം ജനറൽ സെക്രട്ടറി സീതാറാം യെച്ചൂരി പറഞ്ഞത്. 

ബിജെപി പ്രകടനപത്രികയ്ക്കെതിരെ മമതാ ബാനർജി ബിജെപി പ്രകടന പത്രികയിലെ പൗരത്വബിൽ വാഗ്ദാനത്തിനെതിരെ തൃണമൂൽ കോൺഗ്രസ് നേതാവ് മമതാ ബാനർജി. ആ വാഗ്ദാനത്തിൽ വിശ്വസിക്കരുതെന്നും ബിൽ താൻ വായിച്ചതാണെന്നും അത് നിങ്ങൾക്ക് വോട്ടർ ഐഡിയോ ജോലി സുരക്ഷയോ ഉറപ്പ് നൽകുന്നില്ലെന്നുമാണ് മമത അറിയിച്ചത്. ബംഗാളിൽ ഒരു തെരഞ്ഞെടുപ്പ് റാലിയിൽ സംസാരിക്കുകയായിരുന്നു മമത.

#പ്രധാന വാഗ്ദാനങ്ങള്‍

• അറുപത് വയസ്സ് കഴിഞ്ഞ ചെറുകിട-ഇടത്തരം കര്‍ഷകര്‍ക്ക് പെന്‍ഷന്‍ നല്‍കും.
• കര്‍ഷകര്‍ക്ക് 25 ലക്ഷം കോടിയുടെ ക്ഷേമ പദ്ധതി
• ഏകീകൃത സിവില്‍ കോഡ് നടപ്പാക്കും
• പൗരത്വ ഭേദഗതി ബില്‍ പാസാക്കും
• കര്‍ഷകര്‍ക്ക് ഒന്നു മുതല്‍ അഞ്ച് വര്‍ഷത്തേക്ക് ഒരു ലക്ഷം രൂപ വരെ പലിശ രഹിത വായ്പ ലഭ്യമാക്കും
• സര്‍ക്കാരിന്റെ എല്ലാ തലങ്ങളിലും സ്ത്രീ ശാക്തീകരണം. പാര്‍ലമെന്റ്, സംസ്ഥാന നിയമസഭകള്‍ എന്നിവിടങ്ങളില്‍ 33 ശതമാനം സ്ത്രീപ്രാതിനിധ്യം ഉറപ്പ് വരുത്തുന്നതിന് ഭരണഘടനാഭേദഗതി ചെയ്യും.
• ഗ്രാമീണ കുടുംബങ്ങളെ ലക്ഷ്യമിട്ട് ഗ്രാമ സ്വരാജ്: എല്ലാ കുടുംബങ്ങള്‍ക്കും 2022 ഓടെ സ്ഥിരമായ പാര്‍പ്പിടം, 2024 ഓടെ എല്ലാ വീടുകളിലേക്കും കുടിവെള്ളം എത്തിക്കും
• അടിസ്ഥാന വികസന സൗകര്യത്തിന് 2024 ഓടെ 100 ലക്ഷം കോടിയുടെ നിക്ഷേപം
• സായുധസേനയെ ശക്തിപ്പെടുത്തുന്നതിന് പ്രതിരോധ ഉപകരണങ്ങള്‍ വാങ്ങുന്നതിന് വേഗത്തിലുള്ള നടപടിക്രമങ്ങള്‍
• ചെറുകിട കച്ചവടക്കാര്‍ക്ക് പെന്‍ഷന്‍
• ആഗോളതലത്തില്‍ യോഗ പ്രോത്സാഹിപ്പിക്കും
• പൊതുസേവനങ്ങള്‍ പൗരന്റെ അവകാശമാക്കും
• എല്ലാ ജില്ലകളിലും മെഡിക്കല്‍ കോളേജ്.