പുത്തൻ ഐഫോൺ തട്ടിയെടുത്തോടിയ കള്ളനെ പിടിക്കാൻ ട്രെയിനിൽ നിന്ന് ചാടി; യുവ എഞ്ചിനീയർക്ക് ദാരുണാന്ത്യം

മകന്റെ ഓർമയ്ക്കായി ഐ ഫോൺ വീണ്ടെടുത്ത് തരണമെന്ന് പൊലീസിനോട് പിതാവ്

News18 Malayalam | news18-malayalam
Updated: November 4, 2019, 2:59 PM IST
പുത്തൻ ഐഫോൺ തട്ടിയെടുത്തോടിയ കള്ളനെ പിടിക്കാൻ ട്രെയിനിൽ നിന്ന് ചാടി; യുവ എഞ്ചിനീയർക്ക് ദാരുണാന്ത്യം
News18 Malayalam
  • Share this:
കൊൽക്കത്ത: ട്രെയിൻ യാത്രക്കിടെ ഐഫോൺ തട്ടിയെടുത്തോടിയ കള്ളനെ പിടിക്കാൻ പുറത്തേക്ക് ചാടിയ യുവ എഞ്ചിനീയർ മരിച്ചു. ശനിയാഴ്ച രാത്രി സാമ്പൽപൂർ എക്സപ്രസിലായിരുന്നു സംഭവം. ഇലക്ട്രിക്കൽ എഞ്ചിനീയറായ സൗരഭ് ഘോഷ് (27) ആണ് മരിച്ചത്. ദേഹമാസകലം പരിക്കേറ്റ യുവാവ് ആശുപത്രിയിലെത്തിക്കും മുൻപേ മരിച്ചു.

ജംഷഡ്പൂരിലെ വീട്ടില്ലേക്കുള്ള യാത്രയിലായിരുന്നു സൗരഭ് ഘോഷ്. വിൻഡോ സീറ്റിലായിരുന്നു യാത്ര. രാത്രി 11ന് ഉലുബേരിയ സ്റ്റേഷനിൽ വണ്ടി നിർത്തിയപ്പോൾ പുതുതായി വാങ്ങിയ ഐഫോണിൽ സംസാരിച്ചിരിക്കുകയായിരുന്നു യുവാവ്. ട്രെയിൻ നീങ്ങിത്തുടങ്ങിയതോടെ ട്രെയിനിനകത്തുണ്ടായിരുന്ന ഒരാൾ ഫോൺ തട്ടിപ്പറിച്ചശേഷം ട്രെയിനിൽ നിന്ന് ചാടി രക്ഷപ്പെട്ടു. പെട്ടെന്നുണ്ടായ സംഭവത്തിൽ സ്തംഭിച്ചുനിന്ന ഘോഷ് ഏതാനും നിമിഷങ്ങൾക്ക് ശേഷം കള്ളനെ പിടികൂടാൻ പിന്നാലെ ചാടി. വീഴ്ചയിൽ തല കല്ലിൽ ഇടിച്ച യുവാവ് അബോധാവസ്ഥയിലായി.

Also Read- പ്രമുഖ സീരിയൽ താരത്തിന്റെ ഫോൺ ഹാക്ക് ചെയ്ത് അശ്ലീല വീഡിയോ കോളുകള്‍

സുരക്ഷാ ഉദ്യോഗസ്ഥരും ഓടിയെത്തിയവരും ചേർന്ന് ആശുപത്രിയിലേക്ക് കൊണ്ടുപോയെങ്കിലും വഴിമധ്യേ മരിച്ചു.  ഗാഡ്ജറ്റുകളെ ഏറെ ഇഷ്ടപ്പെട്ടിരുന്ന സൗരഭ് ഘോഷ് 15 ദിവസം മുൻപാണ് പുതിയ ഐഫോൺ വാങ്ങിയത്. മകൻ ഏറെ സമയവും ഫോണിൽ ചെലവഴിക്കുമായിരുന്നുവെന്ന് പിതാവ് സഞ്ജയ് ഘോഷ് പറഞ്ഞു. മകൻ ഏറെ ഇഷ്ടപ്പെട്ട ഐഫോണ്‍ അവന്റെ ഓർമക്കായി വീണ്ടെടുത്ത് നൽകണമെന്ന് ഹൗറ റൂറൽ പൊലീസ് അധികാരികളോട് പിതാവ് ആവശ്യപ്പെട്ടു. സുരക്ഷാ സംവിധാനങ്ങൾ കാരണം ഫോണ്‍ കണ്ടെത്താൻ എളുപ്പമാണെന്നും ഇതിനുള്ള ശ്രമങ്ങൾ തുടരുകയാണെന്നും പൊലീസ് അറിയിച്ചു.

First published: November 4, 2019, 2:59 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories

corona virus btn
corona virus btn
Loading