HOME » NEWS » India » FLOOR TEST WITHIN 24 HOURS TO PREVENT HORSE TRADING SENA PETITION IN SC UPDATED

Maharashtra Govt Formation | അജിത് പവാറിനെ പുറത്താക്കി; 24 മണിക്കൂറിനകം ഭൂരിപക്ഷം തെളിയിക്കണമെന്ന് ആവശ്യപ്പെട്ട് സുപ്രീംകോടതിയിൽ ഹർജി

എൻസിപിയുടെ നിയമസഭാ കക്ഷിയോഗത്തിൽ നാലു പേർ ഒഴികെ 50 എംഎല്‍എമാരും പങ്കെടുക്കുന്നുണ്ട്.

News18 Malayalam | news18-malayalam
Updated: November 23, 2019, 8:30 PM IST
Maharashtra Govt Formation | അജിത് പവാറിനെ പുറത്താക്കി; 24 മണിക്കൂറിനകം ഭൂരിപക്ഷം തെളിയിക്കണമെന്ന് ആവശ്യപ്പെട്ട് സുപ്രീംകോടതിയിൽ ഹർജി
അജിത് പവാർ
  • Share this:
ന്യൂഡല്‍ഹി: മഹാരാഷ്ട്രയിൽ ദേവേന്ദ്ര ഫഡ്നാവിസിന്റെ  നേതൃത്വത്തിൽ ബിജെപി സർക്കാർ രൂപീകരിച്ചതിനെതിരെ  സുപ്രീം കോടതിയെ സമീപിച്ച് ശിവസേന, കോണ്‍ഗ്രസ്, എന്‍സിപി കക്ഷികള്‍. കുതിരക്കച്ചവടം ഒഴിവാക്കാൻ 24 മണിക്കൂറിനകം ഭൂരിപക്ഷം തെളിയിക്കാൻ ബി.ജെ.പിയോട് ആവശ്യപ്പെടണമെന്ന് ആവശ്യപ്പെട്ടാണ് ഹർജി സമർപ്പിച്ചിരിക്കുന്നത്.ഹർജിയിൽ ഇന്നു തന്നെ വാദം കേൾക്കണമെന്നും ആവശ്യപ്പെട്ടിട്ടുണ്ട്. അജിത് പവാറിനെ എൻസിപി പാർലമെന്ററി പാർട്ടി നേതാവ് സ്ഥാനത്ത് നിന്നും പുറത്താക്കാനും മുംബെയിൽ ചേർന്ന എംഎൽഎമാരുടെ യോഗം തീരുമാനിച്ചു.

ഇതിനിടെ എൻ.സി.പി നേതാവ് അജിത് പവാറിനൊപ്പം പോയ ഏഴ് വിമത എംഎല്‍എമാര്‍ മടങ്ങിയെത്തിയെന്നും വിവരമുണ്ട്. ഡല്‍ഹിക്കു പോകാനിരുന്നവരാണ് തിരിച്ചെത്തിയത്. പാര്‍ട്ടിയുടെ നിയമസഭാ കക്ഷിയോഗത്തിൽ  നാലു പേർ ഒഴികെ 50 എംഎല്‍എമാരും പങ്കെടുക്കുന്നുണ്ട്.

Also Read മഹാരാഷ്ട്രയിലെ മഹാനാടകം

അതേസമയം സർക്കാർ രൂപീകരണം സംബന്ധിച്ച തുടര്‍ച്ചയായ ചര്‍ച്ചകളില്‍ മനം മടുത്താണ് ബി.ജെ.പിക്ക് പിന്തുണ നൽകിയതെന്നു വ്യക്തമാക്കി അജിത് പവാറും രംഗത്തെത്തിയിട്ടുണ്ട്.

Also Read 170 എംഎല്‍എമാര്‍ ഒപ്പമുണ്ട്; ബി.ജെ.പിയുമായി കൈകോർക്കില്ലെന്ന് പവാർ

അജിത് പവാറിനൊപ്പം ഗവർണറെ കാണാനെത്തിയ ദിലീപ് റാവു ബങ്കാര്‍ എംഎൽഎയും പവാറിനൊപ്പമാണെന്ന് വ്യക്തമാക്കി രംഗത്തെത്തിയിട്ടുണ്ടെന്ന് വാർത്താ ഏജൻസിയായ എഎന്‍ഐ റിപ്പോർട്ട് ചെയ്യുന്നു. അതുല്‍ ബെങ്കെ എം.എൽ.എയും പവാറിനെ പിന്തുണ അറിയിച്ചിട്ടുണ്ട്.
Youtube Video

 
First published: November 23, 2019, 8:07 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories