'... ഇന്ത്യയുടെ ആത്മാവിനു വേണ്ടി'; ഡൽഹി ജനതയ്ക്ക് നന്ദി പറഞ്ഞ് AAP പ്രചരണ തന്ത്രജ്ഞൻ പ്രശാന്ത് കിഷോർ

"ഇന്ത്യയുടെ ആത്മാവ് സംരക്ഷിക്കാൻ ഒപ്പം നിന്നതിന് ഡൽഹിക്ക് നന്ദി"- പ്രശാന്ത് കിഷോർ ട്വീറ്റ് ചെയ്തു.

ഡൽഹി നിയമസഭാ തെരഞ്ഞെടുപ്പിന് രണ്ടു മാസം മുൻപാണ് കെജരിവാൾ കിഷോറിന്റെ കമ്പനിയായ  ഐ-പി.എ.സിയുമായി സഹകരിക്കാൻ  തീരുമാനിച്ചത്.

"ഇന്ത്യൻ-പി‌.എ.സി ഞങ്ങൾക്കൊപ്പം ചേരുന്നു. സ്വാഗതം!" - അന്ന് കെജരിവാൾ ട്വീറ്റ് ചെയ്തു.

പഞ്ചാബ് തെരഞ്ഞെടുപ്പിൽ പ്രശാന്ത് കിഷോർ  കോൺഗ്രസിന് വേണ്ടി പ്രവർത്തിച്ചു. അന്ന് ഐ-പി.എ.സി പ്രചാരണ രംഗത്ത് ശക്തമായ വെല്ലുവളി ഉയർത്തിയതായി പ്രശാന്ത് കിഷേർ പിന്നീട് സമ്മതിച്ചിരുന്നു. ഇതിനു പിന്നാലെയാണ് ഡൽഹിയിൽ എ.എ.പിക്കു വേണ്ടി പ്രശാന്ത് കിഷോർ പ്രചാരണത്തിനിറങ്ങിയത്.

Also Read ബിജെപിയുടെ തുറുപ്പ് ചീട്ട് മോദി; 2019 ൽ കോൺഗ്രസിനെ തകർത്ത തന്ത്രം കെജരിവാൾ അതിജീവിച്ചത് ഇങ്ങനെ

2014 ൽ ബിജെപിയുടെ തെരഞ്ഞെടുപ്പ് പ്രചാരണത്തിന് ചുക്കാൻ പിടിച്ചതും പ്രശാന്ത് കിഷോറായിരുന്നു. 2015 ൽ ജെഡിയു നേതാവും ബീഹാർ മുഖ്യമന്ത്രിയുമായ നിതീഷ് കുമാറിനെ പ്രശാന്ത് അധികാരത്തിലെത്തിച്ചു.

സി‌എ‌എ, എൻ‌ആർ‌സി  നിലപാടുകളിലുള്ള നിതീഷ് കുമാറിനെ എതിർത്ത്  പ്രശാന്ത് കിഷോർ രംഗത്തെത്തിയിരുന്നു. ഇതിനു പിന്നാലെ പാർട്ടി വിരുദ്ധ പ്രവർത്തനങ്ങൾക്ക് കിഷോറിനെയും മറ്റൊരു മുതിർന്ന നേതാവ് പവൻ വർമ്മയെയും ജെ.ഡി.യു  പുറത്താക്കി.