വലിയ പക്ഷി ബഹിരാകാശത്ത്; ഇനി ഇന്‍റർനെറ്റിന് സൂപ്പർ വേഗം

News18 Malayalam
Updated: December 5, 2018, 11:24 AM IST
വലിയ പക്ഷി ബഹിരാകാശത്ത്; ഇനി ഇന്‍റർനെറ്റിന് സൂപ്പർ വേഗം
  • Share this:
ബംഗലുരു: ഇന്ത്യയുടെ ഏറ്റവും ഭാരം കൂടിയ ഉപഗ്രഹമായ ജിസാറ്റ്-11 വിജയകരമായി വിക്ഷേപിച്ചു. വലിയ പക്ഷി എന്ന പേരില്‍ അറിയപ്പെടുന്ന ഉപഗ്രഹത്തിന്റെ ഭാരം 5,845 കിലോഗ്രാമാണ്. രാജ്യത്ത് 16 ജി.ബി.പി.എസ്. വേഗത്തിലുള്ള ഇന്റര്‍നെറ്റ് ലഭ്യമാക്കാനുതകുമെന്നതാണ് ഈ ഉപഗ്രഹത്തിന്‍റെ സവിശേഷതകളിലൊന്ന്. ബുധനാഴ്ച പുലര്‍ച്ചെ ഫ്രഞ്ച് ഗയാനയിലെ സ്പേസ് സെന്ററില്‍നിന്നാണ് ഉപഗ്രഹം വിക്ഷേപിച്ചതെന്ന് ഐ.എസ്.ആര്‍.ഒ വൃത്തങ്ങള്‍ അറിയിച്ചു.

എരിയന്‍ 5 എന്ന റോക്കറ്റാണ് ജി സാറ്റിനെ ഭ്രമണപഥത്തിലെത്തിച്ചത്. അത്യാധുനിക വാര്‍ത്താ വിനിമയ ഉപഗ്രഹമാണ് ജിസാറ്റ് 11. ജിസാറ്റ് -19, ജിസാറ്റ് -29 എന്നീ ഉപഗ്രഹങ്ങള്‍ നേരത്തേ വിക്ഷേപിച്ചിരുന്നു. ജിസാറ്റ്-20 അടുത്ത വര്‍ഷം വിക്ഷേപിക്കും. നാല് ഉപഗ്രഹങ്ങളും ഭ്രമണപഥത്തിലെത്തിയാല്‍ ഇന്ത്യയില്‍ 100 ജി.ബി.പി.എസ്. വേഗത്തിലുള്ള ഇന്റര്‍നെറ്റ് സേവനം ലഭ്യമാകുമെന്നാണ് പ്രതീക്ഷ.

Also Read ഭൗമനീരിക്ഷണ ഉപഗ്രഹം ഹൈസിസ് വിക്ഷേപിച്ചു

ഇന്ത്യ നിര്‍മ്മിച്ച ഏറ്റവും ഭാരവും വലിപ്പവുമുള്ള ഉപഗ്രഹം വിജയകരമായി വിക്ഷേപിച്ചതാണ് ഐ.എസ്.ആര്‍. ഒ ചെയര്‍മാന്‍ കെ. ശിവന്‍ പ്രതികരിച്ചു. ബഹിരാകാശത്ത് ഇന്ത്യയ്ക്കുള്ള ഏറ്റവും വിലയേറിയ സ്വത്താണ് ജി സാറ്റെന്നും അദ്ദേഹം പറഞ്ഞു.

15 വര്‍ഷമാണ് ഉപഗ്രഹത്തിന്റെ കാലാവധി. 1,200 കോടി രൂപ ചെലവിട്ട് നിര്‍മ്മിച്ചിരിക്കുന്ന ഉപഗ്രഹത്തില്‍ 40 ട്രാന്‍സ്പോണ്ടറുകളുണ്ട്.

Follow Malayalam.News18.com on Facebook, Youtube, Helo, Sharechat, Twitter and Instagram

First published: December 5, 2018
കൂടുതൽ കാണുക
അടുത്തത് വാര്‍ത്തകള്‍
corona virus btn
corona virus btn
Loading