HOME » NEWS » India » GSI DIRECTOR GENERAL SAYS NO DISCOVERY OF 3000 TONNE GOLD DEPOSITS IN UPS SONBHADRA UPDATE JJ

മിന്നുന്നതെല്ലാം പൊന്നല്ല: ഉത്തർപ്രദേശിൽ 3000 ടൺ സ്വർണശേഖരമില്ലെന്ന് GSI; കണ്ടെത്തിയത് വെറും 160 കിലോഗ്രാം സ്വർണം

ഇതിനെയെല്ലാം പൂർണമായി നിഷേധിച്ച ജിയോളജിക്കൽ സർവേ ഓഫ് ഇന്ത്യ 160 കിലോഗ്രാം സ്വർണമാണ് കണ്ടെത്തിയതെന്ന് വ്യക്തമാക്കിയിരിക്കുന്നത്.

News18 Malayalam | news18
Updated: February 22, 2020, 9:15 PM IST
മിന്നുന്നതെല്ലാം പൊന്നല്ല: ഉത്തർപ്രദേശിൽ 3000 ടൺ സ്വർണശേഖരമില്ലെന്ന് GSI; കണ്ടെത്തിയത് വെറും 160 കിലോഗ്രാം സ്വർണം
പ്രതീകാത്മക ചിത്രം
  • News18
  • Last Updated: February 22, 2020, 9:15 PM IST
  • Share this:
ലഖ്‌നൗ: ഉത്തർപ്രദേശിലെ സോൻഭദ്ര ജില്ലയിൽ നിന്നും 3000 ടണ്ണോളം വരുന്ന സ്വർണശേഖരം കണ്ടെത്തിയെന്ന് ആയിരുന്നു ഇന്ന് രാവിലെ മുതൽ മാധ്യമങ്ങളിൽ നിറഞ്ഞ വാർത്ത. എന്നാൽ, വൈകുന്നേരത്തോടെ ജിയോളജിക്കൽ സർവേ ഓഫ് ഇന്ത്യ വിശദീകരണവുമായി രംഗത്തെത്തി. ജിയോളജിക്കൽ സർവേ ഓഫ് ഇന്ത്യയിൽ നിന്നുള്ള ആരും ഇത്തരത്തിലൊരു വിവരം നൽകിയിട്ടില്ലെന്ന് ജിയോളജിക്കൽ സർവേ ഓഫ് ഇന്ത്യ ഡയറക്ടർ ജനറൽ എം ശ്രീധർ ദേശീയ വാർത്ത ഏജൻസിയായ പി ടി ഐയോട് പറഞ്ഞു.

ഇന്ത്യയുടെ മൊത്തം കരുതൽ സ്വർണ ശേഖരത്തിന്‍റെ അഞ്ചിരട്ടിയായിരുന്നു സോൺ പഹാദി, ഹാർഡി മേഖലകളിലായി കണ്ടെത്തിയ സ്വർണ നിക്ഷേപമെന്ന് ആയിരുന്നു വാർത്ത. ലോക ഗോൾഡ് കൗൺസിലിന്‍റെ കണക്കനുസരിച്ച് ഇന്ത്യയിൽ നിലവിൽ 626 ടൺ സ്വർണശേഖരം ഉണ്ട്. പുതിയതായി കണ്ടെത്തിയ സ്വർണശേഖരം ഈ കരുതൽ ശേഖരത്തിന്‍റെ അഞ്ചിരട്ടിയാണെന്നും ഏകദേശം 12 ലക്ഷം കോടി രൂപയാണ് ഇതിന് കണക്കാക്കുന്നതെന്നും ആയിരുന്നു അധികൃതർ വ്യക്തമാക്കിയത്. എന്നാൽ, ഇതിനെയെല്ലാം നിഷേധിച്ചാണ് ജി എസ് ഐയുടെ റിപ്പോർട്ട്.



യുപിയിൽ 3000 ടൺ സ്വർണശേഖരം കണ്ടെത്തി; ഇന്ത്യയുടെ മൊത്തം കരുതൽ ശേഖരത്തിന്റെ അഞ്ചിരട്ടി

സോൺ പഹാദിയിൽ നിന്ന് 2943.26 ടൺ സ്വർണവും ഹാർഡി ബ്ലോക്കിൽ 646.16 കിലോഗ്രാം സ്വർണവും കണ്ടെത്തിയതായി ആയിരുന്നു അധികൃതർ അറിയിച്ചത്. എന്നാൽ, ഇതിനെയെല്ലാം പൂർണമായി നിഷേധിച്ച ജിയോളജിക്കൽ സർവേ ഓഫ് ഇന്ത്യ 160 കിലോഗ്രാം സ്വർണമാണ് കണ്ടെത്തിയതെന്ന് വ്യക്തമാക്കിയിരിക്കുന്നത്.

1992-93 കാലഘട്ടത്തിലാണ് സോൺഭദ്രയിൽ സ്വർണ്ണ ശേഖരം കണ്ടെത്തുന്നതിനുള്ള പ്രവർത്തനങ്ങൾ ജിയോളജിക്കൽ സർവേ ഓഫ് ഇന്ത്യ ആരംഭിച്ചത്. സ്വർണത്തിനു പുറമേ മറ്റ് ചില ധാതുക്കളും ഈ പ്രദേശത്ത് നിന്ന് കണ്ടെത്തിയിട്ടുണ്ട്. സോൻഭദ്ര മേഖലയിൽ സ്വർണ്ണ ശേഖരം കണ്ടെത്തുന്നതിനുള്ള നടപടികൾ ആദ്യമായി ആരംഭിച്ചത് ബ്രിട്ടീഷുകാരാണ്. ഉത്തർപ്രദേശിലെ ഏറ്റവും വലിയ രണ്ടാമത്തെ ജില്ലയായ സോൻഭദ്ര പടിഞ്ഞാറൻ മധ്യപ്രദേശ്, തെക്കൻ ഛത്തീസ്‌ഗഢ്, തെക്ക്-കിഴക്കൻ ജാർഖണ്ഡ്, കിഴക്കൻ ബീഹാർ എന്നീ സംസ്ഥാനങ്ങളുമായി അതിർത്തി പങ്കിടുന്ന ഏക ജില്ല കൂടിയാണ്.
Published by: Joys Joy
First published: February 22, 2020, 9:12 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories

corona virus btn
corona virus btn
Loading