• HOME
  • »
  • NEWS
  • »
  • india
  • »
  • Jignesh Mevani | ജാമ്യം ലഭിച്ച ഗുജറാത്ത് MLA ജിഗ്‌നേഷ് മേവാനിയെ വീണ്ടും അറസ്റ്റ് ചെയ്തു; ഉദ്യോഗസ്ഥരെ മര്‍ദ്ദിച്ചെന്ന് കേസ്

Jignesh Mevani | ജാമ്യം ലഭിച്ച ഗുജറാത്ത് MLA ജിഗ്‌നേഷ് മേവാനിയെ വീണ്ടും അറസ്റ്റ് ചെയ്തു; ഉദ്യോഗസ്ഥരെ മര്‍ദ്ദിച്ചെന്ന് കേസ്

നാഥുറാം വിനായക് ഗോഡ്‌സെയെ കുറിച്ചുള്ള മേവാനിയുടെ ട്വീറ്റിന്റെ അടിസ്ഥാനത്തില്‍ ദിവസങ്ങള്‍ക്ക് മുന്‍പ് അദ്ദേഹത്തിനെതിരെ കേസെടുത്തിരുന്നു.

  • Share this:
    ന്യൂഡല്‍ഹി: ഗുജറാത്ത് വഡ്ഗാം എംഎല്‍എയും ദളിത് നേതാവുമായ ജിഗ്‌നേഷ് മേവാനിയെ വീണ്ടും അറസ്റ്റ് ചെയ്തു. ഉദ്യോഗസ്ഥരെ മര്‍ദ്ദിച്ച കേസില്‍ ആസം പൊലീസാണ് അറസ്റ്റ് ചെയ്തത്. സമുദായങ്ങള്‍ക്കിടയില്‍ വിദ്വേഷം ജനിപ്പിക്കുന്ന പ്രവര്‍ത്തിക്കള്‍ക്കെതിരായ ഇന്ത്യന്‍ ശിക്ഷാ നിയമത്തിലെ 153 A വകുപ്പ് പ്രകാരമാണ് ജിഗ്‌നേഷ് മേവാനിക്കെതിരെ ആദ്യം കേസെടുത്തിരുന്നത്. ഈ കേസില്‍ അറസ്റ്റിലായ മേവാനിക്ക് ഇന്നാണ് ജാമ്യം ലഭിച്ചത്.

    കോക്രജാര്‍ ജില്ലാകോടതിയാണ് ജാമ്യം അനുവദിച്ചത്. 21 നു പുലര്‍ച്ചെ അസം പൊലീസാണ് മേവാനിയെ അറസ്റ്റ് ചെയ്തത്. ആസാമിലെ കൊക്രഝാറില്‍ നിന്നുള്ള പ്രാദേശിക ബിജെപി നേതാവ് അരൂപ് കുമാര്‍ ഡേ നല്‍കിയ പരാതിയിലാണ് നേരത്തേ മേവാനിയെ അറസ്റ്റ് ചെയ്തത്.

    Also Read-Jignesh Mevani | ഗുജറാത്ത് എംഎല്‍എ ജിഗ്നേഷ് മേവാനി അറസ്റ്റിൽ; മതവിദ്വേഷമുണ്ടാക്കുന്ന ട്വീറ്റിന്റെ പേരിലെന്ന്

    ക്രിമിനല്‍ ഗൂഢാലോചന, ആരാധനാലയത്തെച്ചൊല്ലി പ്രകോപനപരമായ പ്രസ്താവനകള്‍ നടത്തി, മതവികാരം വ്രണപ്പെടുത്തി എന്നീ കുറ്റങ്ങള്‍ ചുമത്തിയാണ് നേരത്തേ അറസ്റ്റ് രേഖപ്പെടുത്തിയത്.

    Also Reda-Rana Kapoor | പ്രിയങ്കയില്‍ നിന്ന് 2 കോടി രൂപയ്ക്ക് എം.എഫ് ഹുസൈന്‍റെ പെയിന്‍റിങ് വാങ്ങാന്‍ നിര്‍ബന്ധിച്ചെന്ന് Yes Bank സഹസ്ഥാപകന്‍ ഇഡിയോട്

    നാഥുറാം വിനായക് ഗോഡ്‌സെയെ കുറിച്ചുള്ള മേവാനിയുടെ ട്വീറ്റിന്റെ അടിസ്ഥാനത്തില്‍ ദിവസങ്ങള്‍ക്ക് മുന്‍പ് അദ്ദേഹത്തിനെതിരെ കേസെടുത്തിരുന്നു. ഗോഡ്സെയെ ദൈവമായി കാണുന്ന പ്രധാനമന്ത്രി ഗുജറാത്തിലെ വര്‍ഗീയ സംഘര്‍ഷങ്ങള്‍ ഇല്ലാതാക്കി സമാധാനത്തിനും സൗഹാര്‍ദ്ദത്തിനും അഭ്യര്‍ത്ഥിക്കണമെന്നായിരുന്നു മേവാനിയുടെ ട്വീറ്റ്. ഇതിനെതിരെയായിരുന്നു അനൂപ് കുമാര്‍ ഡേ പരാതി നല്‍കിയിരുന്നത്.
    Published by:Jayesh Krishnan
    First published: