ബജറ്റ് പെട്ടിക്കും ഒരു ചരിത്രമുണ്ട്

ന്യൂഡല്‍ഹി: ബജറ്റ് എന്ന വാക്ക് കേള്‍ക്കുമ്പോള്‍ തന്നെ പലരുടെയും മനസില്‍ ആദ്യം ഓടിയെത്തുന്നത് ധനമന്ത്രിമാര്‍ പാര്‍ലമെന്റില്‍ കൊണ്ടുവരാറുള്ള പെട്ടിയാണ്. ധനമന്ത്രിമാരുടെ കൈയ്യിലുള്ള ഈ പെട്ടിക്കും ഒരു ചരിത്രമുണ്ട്.

ബുജറ്റ് (bougette) എന്ന ഫ്രഞ്ച് വാക്കില്‍ നിന്നാണ് ബജറ്റ് എന്ന വാക്ക് ഉണ്ടായത്. തുകല്‍പെട്ടി എന്നാണ് ഈ വാക്കിന്റെ അര്‍ഥം. ബജറ്റ് അവതരണവുമായി ബന്ധപ്പെട്ട് പെട്ടി ആദ്യമായി പ്രത്യക്ഷപ്പെട്ടത് ഇഗ്ലണ്ടിലാണ്. ബ്രിട്ടീഷ് രാഞ്ജിയുടെ സ്വര്‍ണമുദ്ര പതിച്ച തുകല്‍ ബാഗുമായാണ് 860 ല്‍ ധനമന്ത്രിയായിരുന്ന വില്യം ഗ്ലാഡ്സണ്‍ ബജറ്റ് അവതരിപ്പാക്കാന്‍ എത്തിയത്.

Also Read ആദ്യ ബജറ്റ് അവതരിപ്പിച്ചത് ഷണ്‍മുഖം ചെട്ടിബ്രിട്ടീഷ് പാരമ്പര്യത്തില്‍ നിന്നും കടം കൊണ്ടാണ് ഇന്ത്യന്‍ പാര്‍ലമെന്റിലും പെട്ടി എത്തിയത്. 1947ല്‍ നവംബര്‍ 26ന് സ്വതന്ത്ര ഇന്ത്യയിലെ ആദ്യ ബജറ്റ് അവതരിപ്പാന്‍ എത്തിയ ആദ്യ ധനമന്ത്രി ആര്‍കെ ഷണ്‍മുഖം ചെട്ടിയും തുകല്‍ പെട്ടിയുമായാണ് പാര്‍ലമെന്റിലെത്തിയത്. 1970 മുതലാണ് ധനമന്ത്രിമാര്‍ ബജറ്റ് പേപ്പറുകളുമായി എത്താന്‍ തുടങ്ങിയത്.