• HOME
  • »
  • NEWS
  • »
  • india
  • »
  • AAP | ആം ആദ്മി പാർട്ടി പഞ്ചാബിലൂടെ ദേശീയ രാഷ്ട്രീയത്തിലേക്ക്; നേട്ടം എങ്ങനെ? എന്താകും അടുത്ത ചുവടുവെയ്പ്പ്

AAP | ആം ആദ്മി പാർട്ടി പഞ്ചാബിലൂടെ ദേശീയ രാഷ്ട്രീയത്തിലേക്ക്; നേട്ടം എങ്ങനെ? എന്താകും അടുത്ത ചുവടുവെയ്പ്പ്

ദേശീയ വേദിയിലേക്കുള്ള എഎപിയുടെ പ്രവേശനം രാഷ്ട്രീയത്തിലെ അപൂർവ നിമിഷമാണ്. എന്നിരുന്നാലും, വലിയ ചിത്രം ഉടനടി മാറണമെന്നില്ല.

  • Share this:
    രൂപശ്രീ നന്ദ

    "എനിക്ക് കണക്ക് മനസ്സിലാകുന്നില്ല. ഒരു കാര്യം മനസ്സിലായി, രാജ്യം പുരോഗതി നേടുന്നത് കാണണമെന്ന് ഞാൻ ആഗ്രഹിക്കുന്നു. രാജ്യത്തെ സ്‌കൂളുകൾ നന്നാക്കാമായിരുന്നു, ദാരിദ്ര്യം ഇല്ലാതാക്കാമായിരുന്നു, ആശുപത്രികൾ മെച്ചപ്പെടുത്താമായിരുന്നു, 24 മണിക്കൂറും വൈദ്യുതി എത്തിക്കാമായിരുന്നു, രാജ്യത്തിന് നല്ല റോഡുകൾ ഉണ്ടാക്കാമായിരുന്നു എന്നെല്ലാം ഏഴ് വർഷം കൊണ്ട് ഞങ്ങൾ തെളിയിച്ചു. 70 വർഷം കൊണ്ട്, അറിഞ്ഞുകൊണ്ട് തന്നെ അവർ നമ്മളെ പിന്നോട്ട് നിർത്തി. ഒന്നുകിൽ ഞങ്ങളെ ആവശ്യമില്ലെന്ന് കണ്ട് ഈ പാർട്ടികൾ സ്ഥിതി മെച്ചപ്പെടുത്തും, അല്ലെങ്കിൽ ആളുകൾ ഞങ്ങൾക്ക് വോട്ട് ചെയ്യുന്നത് തുടരും.''

    ഗോവയിലെയും ഉത്തരാഖണ്ഡിലെയും പ്രചാരണം അവസാനിപ്പിച്ച് പഞ്ചാബിലെ അവസാനഘട്ട പ്രചാരണത്തിന് തൊട്ടുമുമ്പ് ആം ആദ്മി പാർട്ടി (എഎപി) ദേശീയ കൺവീനറും ഡൽഹി മുഖ്യമന്ത്രിയുമായ അരവിന്ദ് കെജ്രിവാളിന്റെ പ്രതികരണം ഇതായിരുന്നു. 2024ൽ എൻഡിഎക്കെതിരായ പ്രതിപക്ഷ സഖ്യത്തിൽ ഉണ്ടാകുമോ എന്ന ചോദ്യത്തിനായിരുന്നു ഈ മറുപടി.

    കന്നി അങ്കത്തിൽ 70ൽ 28 സീറ്റുകൾ നേടുകയും മൂന്ന് തവണ മുഖ്യമന്ത്രിയായിരുന്ന കോൺഗ്രസ് നേതാവ് ഷീലാ ദീക്ഷിതിനെ പരാജയപ്പെടുത്തുകയും ചെയ്ത കെജ്‌രിവാളിന്റെ പഴകാലത്തെ ഓർമിപ്പിക്കുന്നതായിരുന്നു ഈ പ്രതികരണം.

    Also Read- Assembly Election 2022 Result Live | ഉത്തർപ്രദേശിൽ വീണ്ടും ബിജെപി, പഞ്ചാബിൽ കോൺഗ്രസിനെ ഞെട്ടിച്ച് ആം ആദ്മി പാർട്ടി; ചിത്രം തെളിഞ്ഞു

    വാരാണസിയിൽ പ്രധാനമന്ത്രി നരേന്ദ്രമോദിയോട് നേരിട്ട പരാജയം പോലെ തിരിച്ചടികൾ ഉണ്ടായെങ്കിലും കെജ്രിവാൾ ദേശീയ രാഷ്ട്രീയത്തിലേക്കുള്ള തന്റെ മോഹങ്ങളുടെ തീ ആളിക്കത്തിച്ചുകൊണ്ടിരുന്നു. അതിർത്തി സംസ്ഥാനമായ പഞ്ചാബിലെ ഈ ഉജ്ജ്വല വിജയത്തോടെ, 'ഡൽഹി കേന്ദ്രീകൃത' പാർട്ടി എന്ന ടാഗ് മാറ്റി എഎപി രണ്ട് സംസ്ഥാനങ്ങളിൽ സർക്കാർ രൂപീകരിക്കുന്നതിൽ വിജയിച്ചു. ആം ആദ്മിക്ക് മുൻപ് സ്ഥാപിക്കപ്പെട്ട ബഹുജൻ സമാജ് പാർട്ടി, സമാജ്‌വാദി പാർട്ടി, ബിജു ജനതാദൾ, തൃണമൂൽ കോൺഗ്രസ്, ശിവസേന, നാഷണലിസ്റ്റ് കോൺഗ്രസ് പാർട്ടി, ഡിഎംകെ, എഐഎഡിഎംകെ, ജനതാദൾ (സെക്കുലർ), ജനതാദൾ (യുണൈറ്റഡ്), എൽജെപി തുടങ്ങി മറ്റൊരു പ്രാദേശിക പാർട്ടിക്കും ലഭിക്കാത്ത നേട്ടമാണ് അവർ കൈവരിച്ചിരിക്കുന്നത്. നിലവിൽ, കോൺഗ്രസ്, ബിജെപി എന്നിവ ഒഴികെ രണ്ട് സംസ്ഥാനങ്ങളിൽ - ഡൽഹിയിലും പഞ്ചാബിലും- ഭൂരിപക്ഷ സർക്കാരുകളുള്ള ഒരേയൊരു പാർട്ടി ഇതാണ്. ഈ വിജയം ഇന്ത്യൻ രാഷ്ട്രീയ ഭൂപ്രകൃതിയിൽ വലിയ മാറ്റങ്ങൾക്ക് വഴിയൊരുക്കും.

    പ്രചാരണം

    പഞ്ചാബ്, ഗോവ, ഉത്തരാഖണ്ഡ് എന്നീ മൂന്ന് സംസ്ഥാനങ്ങളിലെ തെരഞ്ഞെടുപ്പ് പ്രചാരണത്തിന് നേതൃത്വം നൽകിയത് അരവിന്ദ് കെജ്രിവാളാണ്. അതും ഡൽഹി മോഡലിൽ. ഹോർഡിംഗുകൾ, ബാനറുകൾ, ലഘുലേഖകൾ, എസ്എംഎസുകൾ തുടങ്ങി ടൗൺ ഹാളുകൾ മുതൽ വീടുവീടാന്തരം വരെ, സ്ഥാനാർഥികളെ തെരഞ്ഞെടുക്കുന്നത് മുതൽ മുഖ്യമന്ത്രി സ്ഥാനാർഥിയെ പ്രഖ്യാപിക്കുന്നത് വരെ, ഡൽഹി ആം ആദ്മി പാർട്ടി എംഎൽഎമാരായ ജർണൈൽ സിംഗിനെയും രാഘവ് ഛദ്ദയും പഞ്ചാബ് സഹ ചുമതലക്കാരായി നിയമിക്കുന്നത് വരെ പ്രചാരണത്തിന്റെ ഓരോ മേഖലയിലും ആം ആദ്മി നേതാവ് സൂക്ഷ്മത പുലർത്തി.

    എഎപിയുടെ പ്രചാരണം ലളിതവും അതേ സമയം തന്നെ കാര്യക്ഷമവുമായിരുന്നു. ചരൺജീത് സിംഗ് ചന്നിയെ മുഖ്യമന്ത്രി സ്ഥാനാർത്ഥിയായി കോൺഗ്രസ് പ്രഖ്യാപിച്ചതിന് ശേഷമുള്ള ദിവസങ്ങളിലാണ് പാർട്ടിക്ക് കുറച്ചെങ്കിലും വെല്ലുവിളി നേരിട്ടത്. ആരാണ് യഥാർത്ഥ ആം ആദ്മി എന്നതിനെച്ചൊല്ലി കെജ്‌രിവാളും ചന്നിയും തമ്മിൽ തർക്കം നടന്നു. AAP 2017-ലെ തെറ്റിൽ നിന്ന് പാഠം ഉൾക്കൊണ്ട്, വൻ ജനപ്രീതിയാർജ്ജിച്ച രാഷ്ട്രീയ ആക്ഷേപഹാസ്യകാരനായ ഭഗവന്ത് മാനിൽ മുഖ്യമന്ത്രി സ്ഥാനാർത്ഥിയെ പ്രഖ്യാപിച്ചു. തിരംഗ യാത്രകലിലൂടെ കെജ്‌രിവാളുമായി 2017-ൽ AAP-യിൽ നിന്ന് അകന്നു നിന്ന ഹിന്ദുക്കളുടെ പിന്തുണ നേടുകയും ചെയ്തു. പ്രത്യേകിച്ച് പ്രചാരണത്തിന്റെ അവസാന നാളുകളിൽ.

    ആരോഗ്യം, വിദ്യാഭ്യാസം, വൈദ്യുതി, ഡൽഹിയിലെ സൗജന്യ ബസ്‌റൈഡുകൾ തുടങ്ങി വികസനത്തിന്റെ 'ഡൽഹി മോഡൽ'ചൂണ്ടിക്കാട്ടി. പഞ്ചാബിലെ വോട്ടർമാരുടെ വിശ്വാസം നേടാനായിരുന്നുക്കുന്ന പ്രകടന പത്രിക പുറത്തിറക്കി. കോവിഡ് കാരണം റാലികൾ നിരോധിച്ചതിന്റെ പശ്ചാത്തലത്തിൽ, ഓൺലൈൻ സാധ്യതകളും പ്രയോജനപ്പെടുത്തി.

    പഞ്ചാബിൽ, മാൻ വലിയ ജനപ്രീതിയുള്ള മാൾവയിൽ ശ്രദ്ധ കേന്ദ്രീകരിച്ചപ്പോൾ, മജയിലും ദോബയിലും പിന്തുണ വർദ്ധിപ്പിക്കുന്നതിനുള്ള വെല്ലുവിളി കെജ്രിവാൾ ഏറ്റെടുത്തു. 2017-ലെ തെരഞ്ഞെടുപ്പിൽ, മജയിലെയും ദോബയിലെയും 25 സീറ്റുകളിൽ ഒരെണ്ണം പോലും നേടാനാകാതെ എഎപി ഒരു ശൂന്യത നേടിയപ്പോൾ, മാൾവയിലെ 23 സീറ്റുകളിൽ വെറും രണ്ട് സീറ്റുകൾ മാത്രമാണ് അവർക്ക് ലഭിച്ചത്. ഡൽഹി ഉപമുഖ്യമന്ത്രി മനീഷ് സിസോദിയ, ഡൽഹി ആരോഗ്യമന്ത്രി സത്യേന്ദർ ജെയിൻ എന്നിവരും കെജ്രിവാളിനെ സഹായിച്ചു.

    മൂവരും ബിസിനസ്സ് സമൂഹത്തെ കേന്ദ്രീകരിച്ച് നൂറോളം മീറ്റിംഗുകൾ നടത്തി. പഞ്ചാബിലെ ഗ്രൗണ്ടിൽ, ‘ഒരു അവസരം കെജ്രിവാളിന്’എന്ന മുദ്രാവാക്യം വായുവിൽ ഉണ്ടായിരുന്നു, സംഗ്രൂരിൽ നിന്ന് രണ്ട് തവണ എംപിയായ ഭഗവത് മാന്നിനെ മുഖ്യമന്ത്രിയായി പ്രഖ്യാപിച്ചതിന് ശേഷം, പിന്തുണ ‘മാന്നിന് ഒരസവരം’ എന്ന് മാറി.

    പിന്തുണ

    2014 മുതൽ പഞ്ചാബിലെ ജനങ്ങളുടെ നേരിയ പിന്തുണ ആം ആദ്മി പാർട്ടിക്ക് ലഭിച്ചു. ആദ്യ ലോക്‌സഭാ തെരഞ്ഞെടുപ്പിൽ നാല് സീറ്റുകൾ നേടിയപ്പോൾ, ആ അടിത്തറയിൽ ഉറച്ചുനിൽക്കാനും വളരാനും കഴിഞ്ഞില്ല. 2022ൽ മാൻ പ്രചാരണത്തിന് വലിയ ഊർജം പകർന്നു. ആം ആദ്മി പാർട്ടിയുടെ പഞ്ചാബും സഹ ചുമതലക്കാരനുമായ രാഘവ് ചദ്ദ പറഞ്ഞതുപോലെ, "ഇത് ഭഗവന്ത് മന്നിന്റെയും അരവിന്ദ് കെജ്‌രിവാളിന്റെയും ജോഡിയുടെ വിജയമാണ്". ആം ആദ്മി പാർട്ടിയുടെ മുഖ്യമന്ത്രി സ്ഥാനാർത്ഥിയുടെ പേര് പ്രഖ്യാപിച്ചതിന് ശേഷം, പ്രചാരണം, ജനപ്രീതി, അംഗീകാരം, സ്വീകാര്യത, ഒരുപക്ഷേ, എഎപിയുടെ വോട്ട് വിഹിതം പോലും വർദ്ധിച്ചു.

    Also Read- Bhagwant Mann| പഞ്ചാബിലെ 'കെജ്രിവാൾ'; ആംആദ്മി പാർട്ടിയുടെ സൂപ്പർ സ്റ്റാർ ഭഗവന്ത് മാന്നിനെ അറിയാം

    "പരമ്പരാഗത പാർട്ടികൾ കൈയടക്കിയ ഇടത്തിലേക്ക് കടന്നുകയറുക, നിലവിലുള്ള അവസ്ഥ തകർക്കുക എന്നത് മഹത്തായ നേട്ടമാണ്," ആം ആദ്മി പാർട്ടിയുടെ പഞ്ചാബ് വിജയത്തെക്കുറിച്ച് മുതിർന്ന മാധ്യമപ്രവർത്തക നീർജ ചൗധരി പറഞ്ഞു.

    “ഇതൊരു വലിയ വിജയമാണ്,” സിഎസ്ഡിഎസിലെ സഞ്ജയ് കുമാർ പറഞ്ഞു. “മറ്റെല്ലാ പ്രാദേശിക പാർട്ടികൾക്കും അവരുടെ പരിമിതികളുണ്ട്. ത്രിപുരയിൽ ഒരു വർഷത്തിനകം തെരഞ്ഞെടുപ്പ് നടക്കാനിരിക്കുന്ന തെരഞ്ഞെടുപ്പിനെ ഗൗരവത്തോടെ നേരിടാനുള്ള ശ്രമത്തിലാണ് ടിഎംസി. ഒരു പാർട്ടി സ്വന്തം സംസ്ഥാനത്തിനപ്പുറത്തേക്ക് അതിന്റെ അടിത്തറ വികസിപ്പിക്കാൻ ശ്രമിക്കുന്നത് ഇതാദ്യമല്ല, പാർട്ടികൾ മുമ്പും ആ ശ്രമം നടത്തിയിരുന്നു, പക്ഷേ പരാജയപ്പെട്ടു. ബിഎസ്പി പല സംസ്ഥാനങ്ങളിലും തെരഞ്ഞെടുപ്പിൽ മത്സരിച്ചെങ്കിലും വിജയിച്ചില്ല. മഹാരാഷ്ട്രയിലും ബിഹാറിലും മറ്റ് പല സംസ്ഥാനങ്ങളിലും എസ്പി തെരഞ്ഞെടുപ്പിൽ മത്സരിച്ചെങ്കിലും വിജയിച്ചില്ല. ശിവസേന മറ്റ് പല സംസ്ഥാനങ്ങളിലും തെരഞ്ഞെടുപ്പിൽ മത്സരിച്ചിട്ടുണ്ട്, പക്ഷേ വിജയിച്ചില്ല.

    പഞ്ചാബിലെ ആം ആദ്മി പാർട്ടിയുടെ വിജയം മറ്റ് പാർട്ടികൾക്കും വിജയിക്കുമെന്ന പ്രതീക്ഷ നൽകുമെങ്കിലും, കഴിഞ്ഞ തെരഞ്ഞെടുപ്പിൽ പഞ്ചാബിൽ ആം ആദ്മി പാർട്ടി ഉണ്ടായിരുന്നതിനാൽ അവരുടെ സ്ഥിതി വ്യത്യസ്തമാണെന്ന് കുമാർ അടിവരയിട്ടു. പഞ്ചാബിലെ എഎപി വിജയം മാറ്റത്തിന്റെ സൂചനയാണെന്നും കുമാർ പറഞ്ഞു.

    എഎപിയെക്കുറിച്ചുള്ള ധാരണ, രാജ്യത്തുടനീളം മാറുമെന്ന് നീർജ ചൗധരി അഭിപ്രായപ്പെട്ടു. "പഞ്ചാബ് വിജയം, കെജ്രിവാളിനെ വ്യത്യസ്തമായി കാണാൻ സഹായിക്കും. സമുദായം, ജാതി എന്നിവയെ അടിസ്ഥാനമാക്കിയുള്ള രാഷ്ട്രീയത്തിൽ മടുത്ത ചെറുപ്പക്കാരെർ, ആദ്യമായി വോട്ട് ചെയ്യുന്നവരെ ആകർഷിക്കാൻ ഇത് സഹായിക്കും. . ഇന്ത്യയിലെ പല സംസ്ഥാനങ്ങളിലും ഇത്തരക്കാർ എഎപിയിൽ ചേരാൻ തയ്യാറായേക്കും. മറ്റ് രാഷ്ട്രീയ പാർട്ടികളിൽ നിന്നുള്ള ആളുകളെ അദ്ദേഹം സ്വീകരിച്ചേക്കാം, പക്ഷേ ഒരു ഘട്ടം വരെ. ഒരു പുതിയ രാഷ്ട്രീയ ഊർജം സൃഷ്ടിക്കാൻ അദ്ദേഹം നോക്കുകയാണ്, ”അവർ പറഞ്ഞു.

    സത്യസന്ധമായ ഭരണത്തിന് പുറമെ വൈദ്യുതി ബില്ലുകൾ അടയ്ക്കുന്നത് മുതൽ ആശുപത്രി, സ്കൂൾ ചെലവുകൾ വരെയുള്ള സാധാരണക്കാരുടെ ദൈനംദിന ജീവിത പോരാട്ടങ്ങൾക്ക് പരിഹാരം നൽകുന്നതിലാണ് കെജ്രിവാളിന്റെ രാഷ്ട്രീയം പ്രധാനമായും ആശ്രയിക്കുന്നതെന്ന് ചൗധരി പറഞ്ഞു.

    വലിയ ചിത്രം

    ദേശീയ വേദിയിലേക്കുള്ള എഎപിയുടെ പ്രവേശനം രാഷ്ട്രീയത്തിലെ അപൂർവ നിമിഷമാണ്. എന്നിരുന്നാലും, വലിയ ചിത്രം ഉടനടി മാറണമെന്നില്ല. സഞ്ജയ് കുമാറെങ്കിലും അങ്ങനെയാണ് ചിന്തിക്കുന്നത്. "എഎപി അതിന്റെ രാഷ്ട്രീയനിലപാട് ശക്തിപ്പെടുത്തിക്കൊണ്ടിരിക്കുകയാണെങ്കിൽ, അഞ്ച്-ഏഴ് വർഷത്തിന് ശേഷം മാത്രമേ വലിയ ചിത്രം മാറൂ. ഇപ്പോൾ, അത് എഎപി ഒരു ദേശീയ ബദലായി ഉയർന്നുവരുന്നു എന്നതിന്റെ സൂചന മാത്രമായിരിക്കും,” അദ്ദേഹം പറഞ്ഞു.

    2022-ലെ അഞ്ച് സംസ്ഥാനങ്ങളിലെ നിയമസഭാ തെരഞ്ഞെടുപ്പുകളെ പരിചയസമ്പന്നരായ രാഷ്ട്രീയ നിരീക്ഷകർ കാണുന്നത് 2024-ലെ സെമിഫൈനലായാണ്. “2024-ൽ, വലിയ ചിത്രം ഇപ്പോൾ എങ്ങനെയുണ്ടെന്ന് താരതമ്യം ചെയ്യുമ്പോൾ ഒരു തരത്തിലും വ്യത്യസ്തമാകുമെന്ന് ഞാൻ കരുതുന്നില്ല.  ദേശീയ തലത്തിൽ കോൺഗ്രസ് ഇപ്പോഴും ബിജെപിയുടെ പ്രധാന വെല്ലുവിളിയായി തുടരും, മറ്റ് പാർട്ടികൾ കോൺഗ്രസിനൊപ്പം അല്ലെങ്കിൽ അല്ലാതെയും ബിജെപി ഇതര സഖ്യം രൂപീകരിച്ചേക്കാം. ദീർഘകാലാടിസ്ഥാനത്തിൽ, അതെ, ആം ആദ്മി പാർട്ടി സ്വയം സ്ഥാനം പിടിക്കുകയാണ്, അവർ ജനങ്ങളുടെ കണ്ണിൽ ദേശീയ ബദലായി കാണപ്പെടും, പക്ഷേ അത് വളരെ വേഗത്തിൽ സംഭവിക്കാൻ പോകുന്നില്ല.

    കെജ്‌രിവാൾ വളരെ സാമർഥ്യമുള്ള ഒരു കളിക്കാരനാണ്. അദ്ദേഹം തിടുക്കം കാണിക്കില്ല. ഡൽഹിയിലും പഞ്ചാബിലും മാത്രമുള്ളതിനാൽ, മറ്റ് രാഷ്ട്രീയ നേതാക്കൾ അദ്ദേഹത്തെ കാണാൻ പോകുമെങ്കിലും, സാധ്യമായ ഒരു ബിജെപി വിരുദ്ധ സഖ്യത്തിലും നേതാവാകാൻ തനിക്ക് കഴിയില്ലെന്ന് കെജ്രിവാളിന് അറിയാമെന്ന് ചൗധരി പറയുന്നു. ''തന്റെ പാർട്ടി കെട്ടിപ്പടുക്കും, പാർട്ടിയുടെ അടിത്തറ വിപുലപ്പെടുത്തുക എന്നതായിരിക്കും അദ്ദേഹത്തിന്റെ ഉദ്ദേശം,” ചൗധരി പറഞ്ഞു, എഎപിയും ടിഎംസിയും വളർന്നുവരുന്ന പാർട്ടികളാണെന്നും ഇപ്പോളും 2024നും ഇടയിൽ കെസി‌സി‌ആറിൽ നിന്ന് വ്യത്യസ്തമായി ഇരുവരും തങ്ങളുടെ കാൽപ്പാടുകൾ വർദ്ധിപ്പിക്കാനും ശ്രമിക്കുമെന്നും ചൗധരി പറഞ്ഞു. .

    ബിജെപിക്കോ കോൺഗ്രസിനോ ഏത് പാർട്ടിക്കാണ് എഎപിക്ക് കൂടുതൽ കേടുപാടുകൾ വരുത്തുകയെന്ന് പ്രചാരണത്തിനിടെ ചോദിച്ചപ്പോൾ കെജ്രിരിവാൾ ഡൽഹിയിലേക്ക് നോക്കി, “രണ്ടും ഉണ്ടാകും. ഇനി ഡൽഹിയിലേക്ക് നോക്കൂ. ഡൽഹിയിൽ സംഭവിച്ചത് എങ്ങനെ വിശകലനം ചെയ്യും? ഡൽഹിയിൽ ഇരു പാർട്ടികളും തീർന്നു. കോൺഗ്രസിന് പൂജ്യം സീറ്റുകൾ ലഭിക്കുമ്പോൾ ബിജെപിക്ക് ഓരോ തവണയും രണ്ട് മുതൽ നാല് വരെ സീറ്റുകൾ ലഭിക്കും. രണ്ടു പാർട്ടികളും തീർന്നു.''

    സ്വതന്ത്ര ഇന്ത്യയുടെ ചരിത്രത്തിൽ ഏറ്റവും വേഗത്തിൽ വളരുന്ന രാഷ്ട്രീയ പാർട്ടിയാണ് ആം ആദ്മി പാർട്ടിയെന്ന് വാദിച്ചുകൊണ്ട്, അത് കോൺഗ്രസിന്റെ സ്വാഭാവികവും ദേശീയവുമായ പകരക്കാരനാണെന്ന് രാഘവ് ഛദ്ദ പറഞ്ഞു. 1885-ൽ സ്ഥാപിതമായ ഇന്ത്യൻ നാഷണൽ കോൺഗ്രസ്, 10 വർഷങ്ങൾക്ക് മുമ്പ് 2012 നവംബറിൽ സ്ഥാപിതമായ ഇന്ത്യയുടെ ഏറ്റവും പുതിയ രാഷ്ട്രീയ പാർട്ടിയുടെ ഉയർച്ചക്ക് ഏറ്റവും വലിയ വില നൽകേണ്ടിവരും. ബിജെപിക്ക് ദേശീയ ബദലായി കോൺഗ്രസ് സൃഷ്ടിക്കുന്ന ശൂന്യത നികത്താനുള്ള മത്സരത്തിലാണ് എഎപിയും ടിഎംസിയും.

    എഎപിക്ക് മുൻതൂക്കമുണ്ടെന്ന് കുമാർ പറഞ്ഞു, അതേസമയം കെജ്രിവാളിന്റെ വളര്‍ച്ച കോൺഗ്രസിന്റെ ചെലവിലായിരിക്കുമെന്ന് ചൗധരി വിശ്വസിക്കുന്നു, എഎപി കോൺഗ്രസിനെ ദുർബലപ്പെടുത്തും. "കേജ്രിവാൾ കോൺഗ്രസിൽ നിന്ന് അൽപ്പം വ്യത്യസ്തനാണ്, അദ്ദേഹം ഹിന്ദുവിരുദ്ധത കാണിക്കുന്നില്ല, വാസ്തവത്തിൽ, ഹിന്ദു വികാരങ്ങളും സംവേദനങ്ങളും മനസ്സിൽ സൂക്ഷിക്കുന്ന ഒരു പാർട്ടിയായാണ് അദ്ദേഹം വരുന്നത്," ചൗധരി കൂട്ടിച്ചേർത്തു, "കോൺഗ്രസ്, അത് പോലെ. മതേതരത്വം ആവിഷ്കരിച്ച്, ന്യൂനപക്ഷ അനുകൂലികളായി കണക്കാക്കുന്നതിന്റെ കെണിയിൽ വീണു, അതിനെ ആ കോണിലേക്ക് തള്ളാൻ ബിജെപി പരമാവധി ശ്രമിച്ചു.

    പഞ്ചാബിലെ ആം ആദ്മി പാർട്ടിക്ക് അസാധാരണമായ ഫലങ്ങൾ ഉണ്ടായപ്പോൾ, ഗോവയിലോ ഉത്തരാഖണ്ഡിലോ ഉത്തർപ്രദേശിലോ പാർട്ടിക്ക് കാര്യമായ നേട്ടമുണ്ടാക്കാനായില്ല. അതുകൊണ്ടു തന്നെ വീണ്ടും ഇവിടങ്ങളിൽ പുതിയ വഴികൾ ആലോചിക്കേണ്ടിവരും. തന്റെ സമപ്രായക്കാർക്കിടയിൽ കേവലമായ ശ്രദ്ധ, നിശ്ചയദാർഢ്യം, രാഷ്ട്രീയ ചാതുര്യം, തിരിച്ചടികളെ ചെറുക്കാനുള്ള കഴിവ് എന്നിവയ്ക്ക് പേരുകേട്ട കെജ്രിരിവാൾ, പ്രധാനമന്ത്രി നരേന്ദ്ര മോദിയുടെ കോട്ടയായ ഗുജറാത്തിലെ സിംഹക്കൂട്ടിലേക്ക് പ്രവേശിക്കാൻ തയാറെടുക്കുകയാണ്.
    Published by:Rajesh V
    First published: