• HOME
  • »
  • NEWS
  • »
  • india
  • »
  • Wheat Export | ആഭ്യന്തര വിപണിയിലെ വിലക്കയറ്റം; ഗോതമ്പ് കയറ്റുമതി നിരോധിച്ച് ഇന്ത്യ

Wheat Export | ആഭ്യന്തര വിപണിയിലെ വിലക്കയറ്റം; ഗോതമ്പ് കയറ്റുമതി നിരോധിച്ച് ഇന്ത്യ

ഗോതമ്പിന് വന്‍തോതില്‍ വില കൂടുന്നതും രാജ്യത്ത് ക്ഷാമം ഉണ്ടാകാനുള്ള സാധ്യതയും കണക്കിലെടുത്താണ് തീരുമാനമെന്ന് കേന്ദ്ര വാണിജ്യ മന്ത്രാലയം വ്യക്തമാക്കി.

  • Share this:
    ന്യൂഡല്‍ഹി: രാജ്യത്ത് ഗോതമ്പ്(Wheat) കയറ്റുമതിക്ക് നിരോധനം(Ban) ഏര്‍പ്പെടുത്തി കേന്ദ്ര സര്‍ക്കാര്‍(Center Government). ആഭ്യന്തര വിപണിയിലെ വിലക്കയറ്റം നിയന്ത്രിക്കുന്നതിന്റെ ഭാഗമായാണ് തല്‍ക്കാലത്തേക്കുള്ള കയറ്റുമതി നിരോധനം. ആഗോള വിപണിയില്‍ ഗോതമ്പിന് വന്‍തോതില്‍ വില കൂടുന്നതും രാജ്യത്ത് ക്ഷാമം ഉണ്ടാകാനുള്ള സാധ്യതയും കണക്കിലെടുത്താണ് തീരുമാനമെന്ന് കേന്ദ്ര വാണിജ്യ മന്ത്രാലയം വ്യക്തമാക്കി.

    രാജ്യത്തിന്റെ മൊത്തത്തിലുള്ള ഭക്ഷ്യസുരക്ഷ കൈകാര്യം ചെയ്യുന്നതിനും അയല്‍രാജ്യങ്ങളുടെയും ദുര്‍ബലരാജ്യങ്ങളുടെയും ആവശ്യങ്ങളെ പരിഗണിക്കുന്നതിനുമാണ് ഇത്തരമൊരു ഇത്തരമൊരു നടപടി കേന്ദ്രം സ്വീകരിച്ചതെന്ന് വെള്ളിയാഴ്ച രാത്രി പുറത്തെത്തിയ ഡി.ജി.എഫ്.ടി. വിജ്ഞാപനത്തില്‍ പറയുന്നു.

    Also Read-PM Modi | കേന്ദ്രസര്‍ക്കാരിന്റെ പദ്ധതികളെല്ലാം 100 ശതമാനം പൂര്‍ത്തിയാകാതെ വിശ്രമമില്ല; മൂന്നാമൂഴത്തിന് തയ്യാറെന്ന് സൂചന നല്‍കി മോദി

    ധാന്യവില കൂടിയിട്ടും കേന്ദ്രസര്‍ക്കാര്‍ ഗോതമ്പ് കയറ്റുമതി തുടരുന്നതിനെതിരെ വിവിധ കോണുകളില്‍നിന്നു പ്രതിഷേധം ഉയര്‍ന്നിരുന്നു. ഇന്ത്യയാണ് ലോകത്തിലെ രണ്ടാമത്തെ വലിയ ഗോതമ്പ് ഉത്പാദകര്‍. ഒന്നാമത് ചൈനയും. ഏഷ്യന്‍ വിപണിയില്‍ ഇന്ത്യന്‍ ഗോതമ്പിന് ആവശ്യക്കാര്‍ ഏറെയാണ്.

    Also Read-എന്‍ഡോസള്‍ഫാന്‍ ദുരന്തം; ആകെ 3704 ഇരകളില്‍ നഷ്ടപരിഹാരം 8 പേര്‍ക്ക് മാത്രം, രൂക്ഷവിമര്‍ശനവുമായി സുപ്രീംകോടതി

    മാര്‍ച്ചില്‍ ഉഷ്ണതരംഗത്തെ തുടര്‍ന്ന് വലിയതോതില്‍ ഗോതമ്പ് കൃഷി നശിച്ചിരുന്നു. ഇതിനു പിന്നാലെയാണ് ഗോതമ്പു കയറ്റുമതി നിരോധിക്കാനുള്ള സര്‍ക്കാര്‍ തീരുമാനം വരുന്നത്.



    കയറ്റുമതിയുടെ തോതും എഫ്‌സിഐയിലെ കരുതല്‍ ശേഖരവും തമ്മിലുള്ള അനുപാതം കണക്കിലെടുത്താണ് കേന്ദ്രത്തിന്റെ നടപടി എന്ന് മന്ത്രാലയം ഇറക്കിയ ഉത്തരവില്‍ വ്യക്തമാക്കിയിട്ടുണ്ട്. ഗോതമ്പിന് പുറമേ ഉള്ളി വിത്തുകളുടെ കയറ്റുമതിയും കേന്ദ്രം നിരോധിച്ചിട്ടുണ്ട്.
    Published by:Jayesh Krishnan
    First published: