• HOME
  • »
  • NEWS
  • »
  • india
  • »
  • Kashmir | കശ്മീർ അതിർത്തിയിൽ പാക് ഷെല്ലാക്രമണം; സൈനികന് വീരമൃത്യു

Kashmir | കശ്മീർ അതിർത്തിയിൽ പാക് ഷെല്ലാക്രമണം; സൈനികന് വീരമൃത്യു

പ്രകോപനമില്ലാതെ പാകിസ്ഥാൻ നടത്തിയ ആക്രമണത്തിന് തക്കതായ മറുപടി നൽകിയെന്ന് പ്രതിരോധ വക്​താവ്​ അറിയിച്ചു

News18 malayalam

News18 malayalam

  • Share this:
    ശ്രീനഗര്‍: ജമ്മു കശ്​മീർ അതിർത്തിയിൽ പാകിസ്ഥാൻ നടത്തിയ ഷെല്ലാക്രമണത്തിൽ ഒരു സൈനികന് വീരമൃത്യു. രണ്ടു സൈനികർക്ക് പരിക്കേറ്റു. കുപ്​വാര ജില്ലയിലാണ് സംഭവം. നിയന്ത്രണ രേഖക്ക്​ സമീപം നൗഗാം സെക്​ടറിലെ സൈനിക പോസ്​റ്റിന്​ നേരെ മോര്‍ട്ടാര്‍ അടക്കമുള്ള ആയുധങ്ങള്‍ ഉപയോഗിച്ചായിരുന്നു പാക്​ ആക്രമണം.

    വെടിനിർത്തൽ കരാർ ലംഘിച്ചുകൊണ്ടായിരുന്നു പാകിസ്ഥാന്‍റെ ആക്രമണം. പ്രകോപനമില്ലാതെ പാകിസ്ഥാൻ നടത്തിയ ആക്രമണത്തിന് തക്കതായ മറുപടി നൽകിയെന്ന് പ്രതിരോധ വക്​താവ്​ അറിയിച്ചു. പാക് ഷെല്ലാക്രമണത്തിൽ പരിക്കേറ്റവരെ ശ്രീനഗറിലെ സൈനിക ആശുപത്രിയില്‍ പ്രവേശിപ്പിച്ചു.
    You may also like:സ്വന്തം വീടാക്രമണം: കോണ്‍ഗ്രസ് നേതാവ് ലീനയെ പ്രതിയാക്കിയേക്കും [NEWS]അശ്ലീല വേഷം ധരിച്ച് വ്യായാമം ചെയ്യാനെത്തിയെന്ന് ആരോപണം; നടിക്കും സുഹൃത്തുക്കൾക്കും നേരെ നാട്ടുകാരുടെ കൈയ്യേറ്റ ശ്രമം [NEWS] ഗർഭിണിയായ ഭാര്യയെ കൊന്ന് ഗംഗ കനാലിൽ തള്ളി; ഉത്തർപ്രദേശിൽ യുവാവ് അറസ്റ്റിൽ [NEWS]
    നേരത്തെ ശനിയാഴ്​ച രാവിലെ പൂഞ്ചിലും പാകിസ്ഥാന്‍ വെടിനിര്‍ത്തല്‍ കരാര്‍ ലംഘിച്ചിരുന്നു. പൂഞ്ച് ജില്ലയിലെ ഷാഹ്പൂര്‍, കിര്‍ണി, ദേഗ് വാര്‍ എന്നീ സെക്ടറുകളിലാണ് പാക് സേന വെടിവെപ്പ് നടത്തിയത്. ഓഗസ്​റ്റ്​ 28ന് പൂഞ്ച് ജില്ലയിലെ ബാലാകോട്ട് സെക്ടറിലെ നിയന്ത്രണരേഖയില്‍ പാകിസ്താന്‍ സേന ഇന്ത്യന്‍ പ്രദേശത്തേക്ക് വെടിവെപ്പ് നടത്തിയിരുന്നു.

    അതിനിടെ പാക് അധീന കശ്മീരിൽനിന്ന് ഇന്ത്യയിലേക്കു നുഴഞ്ഞുകയറാൻ ശ്രമിച്ച രണ്ടു ഭീകരർ നദിയിൽ മുങ്ങിമരിച്ച നിലയിൽ കണ്ടെത്തി. ജമ്മു കാശ്മീരിലെ നിയന്ത്രണ രേഖയ്ക്കടുത്തുള്ള ബന്ദിപ്പൂര്‍ ജില്ലയിലെ കിഷന്‍ഗംഗ നദിയില്‍ നിന്നാണ് രണ്ട് പേരുടെ മൃതദേഹങ്ങൾ കണ്ടെടുത്തത്. ഹിസ്‌ബുള്‍ മുജാഹിദീന്‍ പ്രവർത്തകരാണ് മരിച്ചതെന്ന് സുരക്ഷാ ഉദ്യോഗസ്ഥര്‍ പറഞ്ഞു.
    Published by:Anuraj GR
    First published: