നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • india
    • »
    • International Day for Disaster Risk Reduction | ഇന്ന് അന്താരാഷ്ട്ര ദുരന്ത നിവാരണ ദിനം; ദുരന്ത നിവാരണത്തിനായുള്ള സർക്കാർ പദ്ധതികൾ

    International Day for Disaster Risk Reduction | ഇന്ന് അന്താരാഷ്ട്ര ദുരന്ത നിവാരണ ദിനം; ദുരന്ത നിവാരണത്തിനായുള്ള സർക്കാർ പദ്ധതികൾ

    ദുരന്ത സാധ്യത കുറയ്ക്കുന്നതിനും സാധാരണക്കാരുടെ കാലാവസ്ഥാ പ്രതിരോധശേഷി വർദ്ധിപ്പിക്കുന്നതിനും സർക്കാർ അവതരിപ്പിച്ചിട്ടുള്ള ചില പദ്ധതികളെക്കുറിച്ച് അറിയാം -

    • Share this:
      ലോകമെമ്പാടുമുള്ള ദുരന്ത സാധ്യതകൾ കുറയ്ക്കുന്നതിനാണ് എല്ലാ വർഷവും ഒക്ടോബർ 13ന് അന്താരാഷ്ട്ര ദുരന്ത നിവാരണ ദിനം ആചരിക്കുന്നത്. ജനങ്ങളിൽ ദുരന്ത സാധ്യതകളെക്കുറിച്ചുള്ള അവബോധം സൃഷ്ടിക്കുന്നതിനും ജാഗ്രത പാലിക്കുന്നതിനും ദുരന്ത നിവാരണത്തിനായുള്ള ആഗോള സംസ്കാരം പ്രോത്സാഹിപ്പിക്കുന്നതിനുമാണ് ഈ ദിവസം ആചരിക്കുന്നത്. ഈ ദിനാചരണത്തോട് അനുബന്ധിച്ച് ലോകമെമ്പാടുമുള്ള കമ്മ്യൂണിറ്റികളും ഗ്രൂപ്പുകളും സമൂഹം നേരിടുന്ന അപകടസാധ്യതകളെക്കുറിച്ചും എങ്ങനെ ദുരന്ത സാധ്യത ഒഴിവാക്കാമെന്നതിനെക്കുറിച്ചും ആളുകളിൽ അവബോധം സൃഷ്ടിക്കും.

      ദുരന്തങ്ങളിൽ നിന്ന് രക്ഷിക്കപ്പെട്ടവരുടെ എണ്ണം, സാമ്പത്തിക നഷ്ടം കുറയ്ക്കൽ, ദുരന്തബാധിതരായ ആളുകളുടെ എണ്ണം എന്നിവ ഉപയോഗിച്ച് മികച്ച ദുരന്ത നിവാരണ പദ്ധതികൾ തയ്യാറാക്കാം. ദുരന്ത സാധ്യത കുറയ്ക്കുന്നതിനും സാധാരണക്കാരുടെ കാലാവസ്ഥാ പ്രതിരോധശേഷി വർദ്ധിപ്പിക്കുന്നതിനും സർക്കാർ അവതരിപ്പിച്ചിട്ടുള്ള ചില പദ്ധതികളെക്കുറിച്ച് അറിയാം.

      ദേശീയ ദുരന്തനിവാരണ പദ്ധതി (NDMP)
      ഈ പദ്ധതി ദുരന്തനിവാരണ ഘട്ടങ്ങളിൽ സർക്കാരിനും ബന്ധപ്പെട്ട ഏജൻസികൾക്കും പ്രത്യേക നിർദ്ദേശങ്ങളും ചില ചട്ടക്കൂടുകളും വാഗ്ദാനം ചെയ്യുന്നു. എൻ‌ഡി‌എം‌പി രൂപകൽപ്പന ചെയ്തിരിക്കുന്നത് മികച്ച രീതിയിൽ നടപ്പിലാക്കാവുന്ന തരത്തിലാണ്. ദുരന്തം ലഘൂകരിക്കൽ (പ്രതിരോധവും അപകടസാധ്യതയും കുറയ്ക്കൽ), തയ്യാറെടുപ്പ്, പ്രതികരണം, വീണ്ടെടുക്കൽ തുടങ്ങി വിവിധ ഘട്ടങ്ങളിലായാണ് ഈ പദ്ധതി തയ്യാറാക്കിയിരിക്കുന്നത്.

      ദേശീയ ദുരന്തനിവാരണ നയം (NPDM)
      സുരക്ഷിതവും ദുരന്തങ്ങളെ പ്രതിരോധിക്കാൻ ശേഷിയുള്ളതുമായ ഒരു ഇന്ത്യ കെട്ടിപ്പടുക്കുന്നതിനാണ് ഈ നയം അവതരിപ്പിച്ചിരിക്കുന്നത്. ഈ നയത്തിന് പിന്നിലെ പ്രധാന ആശയം ദുരന്തങ്ങൾ ലഘൂകരിക്കാനും പ്രതിരോധിക്കാനും സഹായിക്കുന്ന ഒരു മൾട്ടി-ഡിസാസ്റ്റർ, സാങ്കേതികവിദ്യ അടിസ്ഥാനമാക്കിയുള്ള പദ്ധതികൾ വികസിപ്പിക്കുക എന്നതാണ്. ഈ നയത്തിന്റെ പ്രധാന ലക്ഷ്യം ദുരന്തത്തിന്റെ അപകടം അല്ലെങ്കിൽ ഭീഷണി തടയുക എന്നതാണ്. ദുരന്തത്തെ നേരിടാനുള്ള തയ്യാറെടുപ്പ്, ദുരന്തത്തിന്റെ ലഘൂകരണം അല്ലെങ്കിൽ അപകടസാധ്യത കുറയ്ക്കൽ, അപകടകരമായ ദുരന്ത സാഹചര്യങ്ങളോട് ഉടനടി പ്രതികരിക്കുക എന്നിവയാണ് നയത്തിന്റെ പ്രധാന ലക്ഷ്യം.

      കാലാവസ്ഥാ വ്യതിയാനത്തെക്കുറിച്ചുള്ള ദേശീയ പ്രവർത്തന പദ്ധതി (NAPCC)
      കാലാവസ്ഥാ വ്യതിയാനങ്ങൾക്ക് ഒരു രാജ്യത്തിന്റെ പ്രകൃതി വിഭവങ്ങളുടെ വിതരണവും ഗുണനിലവാരവും മാറ്റാൻ കഴിയും. ഇത് ആളുകളുടെ ഉപജീവനത്തെയും പ്രതികൂലമായി ബാധിക്കും. കാലാവസ്ഥാ വ്യതിയാനത്തെ ഫലപ്രദമായി പ്രയോജനപ്പെടുത്തുന്നതോടൊപ്പം നമ്മുടെ വികസന ലക്ഷ്യങ്ങൾ പ്രോത്സാഹിപ്പിക്കുന്നതിനുള്ള മാർഗങ്ങളും നടപടികളുമാണ് ഈ പദ്ധതി ലക്ഷ്യം വയ്ക്കുന്നത്. സുസ്ഥിര വികസന പദ്ധതികളിലൂടെ സമൂഹത്തിലെ ദുർബലരും ദരിദ്രരുമായ വിഭാഗങ്ങളെ സംരക്ഷിക്കുന്നതിലും പാരിസ്ഥിതിക സുസ്ഥിരത വർദ്ധിപ്പിക്കുന്നതിലുമാണ് NAPCC ലക്ഷ്യം വയ്ക്കുന്നത്.

      ദുരന്തനിവാരണ നിയമം
      ഈ നിയമം ദുരന്തങ്ങളെ ഫലപ്രദമായി കൈകാര്യം ചെയ്യുന്നു. ഈ നിയമത്തിന്റെ പ്രധാന ലക്ഷ്യം ദുരന്തങ്ങൾ ബാധിച്ച ആളുകൾക്ക് സഹായവും പിന്തുണയും നൽകുക എന്നതാണ്. അവർക്ക് അവരുടെ ജീവിതം തിരികെ നൽകുകയും വീണ്ടും ജീവിതം ആരംഭിക്കാൻ അവരെ സഹായിക്കുകയുമാണ് ഈ നിയമത്തിലൂടെ ലക്ഷ്യമിടുന്നത്. കൂടാതെ, ദുരന്തവുമായി ബന്ധപ്പെട്ട എല്ലാ പ്രവർത്തനങ്ങളും കൈകാര്യം ചെയ്യുന്ന നിയമപരമായ അടിത്തറയാണ് ദുരന്തനിവാരണ നിയമം.
      Published by:Naveen
      First published:
      )}