മാതൃദിനത്തിൽ മാതൃത്വത്തിന്റെ മധുരം നുണഞ്ഞ് ഇറോം ഷർമിള; 46ാം വയസിൽ 'ഉരുക്ക് വനിത' ജന്മം നൽകിയത് ഇരട്ടക്കുട്ടികൾക്ക്

ബംഗളൂരു: മാതൃദിനത്തിൽ, തന്റെ 46ാം വയസിൽ ഇരട്ടക്കുട്ടികൾക്ക് ജന്മം നൽകി മണിപ്പൂരിന്റെ ഉരുക്കുവനിത ഇറോം ഷർ‌മിള. 35 ആഴ്ചത്തെ ഗർഭാവസ്ഥക്ക് ശേഷം ബംഗളൂരുവിലാണ് ഇറോം ശർമിള കുഞ്ഞുങ്ങൾക്ക് ജന്മം നൽകിയത്. നിക്സ് ഷാഖി, ഓട്ടം താര എന്നീ കുഞ്ഞുങ്ങൾ ഒരുമിനിറ്റിന്റെ ഇടവേളയിലാണ് പിറന്നുവീണത്. ഇറോം ഷർമിള ആരോഗ്യവതിയാണെന്ന് ക്ലൗഡ് നയൻ ആശുപത്രി അധികൃതർ അറിയിച്ചു. ഞായറാഴ്ച രാവിലെ 9.21നാണ് ഇറോം കുട്ടികൾക്ക് ജന്മം നൽകിയത്. നിക്സ് ഷാഖിക്ക് 2.16 കിലോ ഗ്രാമും ഓട്ടം താരക്ക് 2.14 തകിലോഗ്രാമുാണ് ഭാരം.

• തൃശൂർ പൂരത്തെ അപമാനിച്ച് ഫേസ്ബുക്കിൽ പോസ്റ്റിട്ട ജീവനക്കാരനെ പുറത്താക്കി; കമ്പനിക്ക് അഭിനന്ദന പ്രവാഹം

2017ലാണ് ബ്രിട്ടീഷ് പൗരൻ ഡെസ്മണ്ട് കുട്ടിനോവിനെ ഇറോം വിവാഹം കഴിച്ചത്. നേരത്തെ പതിനാറ് വര്‍ഷം നീണ്ട സമരത്തിന് അന്ത്യം കുറിച്ച് ഇറോം ശര്‍മിള രാഷ്ട്രീയത്തിലേയ്ക്കിറങ്ങിയിരുന്നു. പീപ്പിള്‍സ് റീസര്‍ജന്‍സ് ആന്‍ഡ് ജസ്റ്റിസ് അലയന്‍സ് എന്ന പുതുപാര്‍ട്ടിയുമായി തെരഞ്ഞെടുപ്പിനെ നേരിട്ട ഇറോമിന് 90 വോട്ടുകള്‍ മാത്രമാണ് ലഭിച്ചത്. ഇതോടെ രാഷ്ട്രീയ പ്രവര്‍ത്തനം അവസാനിപ്പിച്ച് അവര്‍ ദക്ഷിണേന്ത്യയിലേക്ക് മാറി താമസിക്കുകയാണ്. നീണ്ട നാളത്തെ പ്രണയത്തിനൊടുവിലാണ് ഇരുവരുടെയും വിവാഹം നടന്നത്.