Breaking: പ്രതിഷേധം റിപ്പോർട്ട് ചെയ്യാനെത്തിയ News18 ക്യാമറാമാൻ‌ ഉൾപ്പെടെയുള്ള മാധ്യമപ്രവർത്തകരെ പൊലീസ് കസ്റ്റഡിയിലെടുത്തു

മംഗലാപുരത്ത് പൗരത്വ നിയമ ഭേദഗതിക്കെതിരായ പ്രതിഷേധം റിപ്പോർട്ട് ചെയ്യാനെത്തിയ മലയാളി മാധ്യമപ്രവർത്തകർ അടക്കമുള്ളവരെ  പൊലീസ് കസ്റ്റഡിയിലെടുത്തു. ക്യാമറ അടക്കമുള്ള ഉപകരണങ്ങളും പൊലീസ് പിടിച്ചെടുത്തു. മാധ്യമപ്രവർത്തകരുടെ മൊബൈൽ ഫോണുകളും പിടിച്ചെടുത്തിട്ടുണ്ട്.

മംഗലാപുരത്തെ സംഘർഷ ദൃശ്യങ്ങൾ പകർത്തരുതെന്ന് കർശന നിർദേശം നൽകി. ന്യൂസ്  18 ക്യാമറാമാൻ സുമേഷ് മൊറാഴ ഉൾപ്പെടെയുള്ള മാധ്യമപ്രവർത്തകരെയാണ് പൊലീസ് കസ്റ്റഡിയിലെടുത്തത്. സിറ്റി പൊലീസ് കമ്മീഷണർ നേരിട്ടെത്തിയാണ് നടപടി.

Also Read-  മംഗലാപുരത്തെ പൊലീസ് വെടിവെയ്പ്പ്; വടക്കൻ കേരളത്തിൽ വ്യാപക പ്രതിഷേധം 

പൗരത്വ നിയമ ഭേദഗതിക്കെതിരായ പ്രതിഷേധത്തിനിടെ മംഗലാപുരത്ത് കഴിഞ്ഞ ദിവസം രണ്ട് പേർ കൊല്ലപ്പെട്ടിരുന്നു. ഇതുമായി ബന്ധപ്പെട്ട് പ്രതിഷേധം ശക്തമാകുകയാണ്. ഈ പ്രതിഷേധങ്ങൾ റിപ്പോർട്ട് ചെയ്യാൻ എത്തിയ മാധ്യമപ്രവർത്തകരെയാണ് പൊലീസ് കസ്റ്റഡിയിലെടുത്തിരിക്കുന്നത്.