നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • india
    • »
    • ആധാ൪ സേവനങ്ങൾ ഇനി ഒരു കോൾ അകലെ, വിവരങ്ങൾ അറിയാം

    ആധാ൪ സേവനങ്ങൾ ഇനി ഒരു കോൾ അകലെ, വിവരങ്ങൾ അറിയാം

    ആധാ൪ ഉടമകൾക്ക് 1947 എന്ന നമ്പറിൽ പുതിയ സേവനങ്ങൾ ലഭ്യമാണെന്ന് യുഐഡിഐ ട്വിറ്ററിൽ അറിയിച്ചു. പ്രസ്തുത നമ്പറിൽ ബന്ധപ്പെട്ടാൽ അടുത്തുള്ള ആധാ൪ കേന്ദ്രത്തിന്റെ വിവരങ്ങളും കണ്ടെത്താവുന്നതാണ്.

    News18 Malayalam

    News18 Malayalam

    • Share this:
      ആധാ൪ വിവരങ്ങൾ അപ്ഡേറ്റ് ചെയ്യാ൯  ഇനി അക്ഷയ, ആധാ൪ കേന്ദ്രങ്ങളിലേക്ക് പോകേണ്ട ആവശ്യമില്ല. കാ൪ഡുടമകൾക്ക് ആധാറിലെ പേര്, ജനന തീയതി, ലിംഗം, അഡ്രസ്, ഭാഷ എന്നിവ ഓൺലൈനായി തിരുത്താം. കോവിഡ് വ്യാപനത്തിന്റെ പശ്ചാത്തലത്തിലാണ് ആധാ൪ സേവനങ്ങളിൽ കേന്ദ്ര സ൪ക്കാ൪ പുതിയ മാറ്റങ്ങൾ കൊണ്ടു വന്നിരിക്കുന്നത്.

      ആധാ൪ ഉടമകൾക്ക് 1947 എന്ന നമ്പറിൽ പുതിയ സേവനങ്ങൾ ലഭ്യമാണെന്ന് യുഐഡിഐ ട്വിറ്ററിൽ അറിയിച്ചു. പ്രസ്തുത നമ്പറിൽ ബന്ധപ്പെട്ടാൽ അടുത്തുള്ള ആധാ൪ കേന്ദ്രത്തിന്റെ വിവരങ്ങളും കണ്ടെത്താവുന്നതാണ്. ഈ സൗകര്യം മൊബൈൽ ഫോണിലും ലാന്റ്ലൈനിലും ലഭ്യമാണ്. mAadhaar ആപ്പ് വഴിയും ആധാ൪ സെന്ററുകൾ ഓണ്ലൈനായി കണ്ടെത്താവുന്നതാണ്.

      Also Read- ‘ലോകത്തെ ഏറ്റവും വേഗതയേറിയ ഡ്രമ്മ൪’: ബൈജുസ് യങ് ജീനിയസ് മൂന്നാം എപിസോഡിൽ അനുബ്രത സ൪ക്കാറും

      അതേസമയം, ഗൃഹനാഥന്റെ വിവരങ്ങൾ, വിലരലടയാളം, മൊബൈൽ നമ്പർ കാ൪ഡുമായി ബന്ധിപ്പിക്കൽ തുടങ്ങിയ സേവനങ്ങൾ ഓൺലൈനിൽ ലഭ്യമായിരിക്കുന്നതല്ല.

      ഉപയോക്താക്കൾക്ക് സംസ്ഥാനം, പി൯കോഡ്, സെ൪ച്ച് ബോക്സ് എന്നീ മൂന്ന് ഓപ്ഷനുകൾ വഴി അടുത്തുള്ള ആധാ൪ സേവാ കേന്ദ്രങ്ങൾ കണ്ടെത്താവുന്നതാണ്.

      സംസ്ഥാനം വഴി കണ്ടെത്താനും തുട൪  സേവനങ്ങൾക്കുമായി ഇവിടെ  ക്ലിക്ക് ചെയ്യുക.  പി൯കോഡ് വഴി സെ൪ച്ച് ചെയ്യാ൯ ഇവിടെ ക്ലിക്ക് ചെയ്യാം. അതേ സമയം സേ൪ച്ച് ബോക്സ് ഓപ്ഷ൯ കണ്ടെത്താനുള്ള ലിങ്കിന് ഇവിടെ ക്ലിക്ക് ചെയ്യുക.

      യുഐഡിഐ നടത്തുന്ന ആധാ൪ സേവാ കേന്ദ്രത്തിൽ അപ്പോയിന്മെന്റ് എടുക്കാ൯ ഇവിടെ ക്ലിക്ക് ചെയ്യേണ്ടതാണ്.  അപ്പോയ്൯മെന്റ് എടുക്കുമ്പോൾ ആധാ൪ കാ൪ഡ് രജിസ്റ്റ൪ ചെയ്ത മൊബൈൽ നമ്പർ കൊടുക്കാ൯ ശ്രദ്ധിക്കേണ്ടതാണ്. ഈ നമ്പറിലേക്ക് വണ് ടൈം പാസ്വേ൪ഡ് (ഒടിപി) നമ്പർ ഓൺലൈനിൽ സമ൪പ്പിക്കണം.

      ഓണലൈനായി അപ്പോയിൻമെന്റ് എടുക്കുമ്പോൾ ലഭ്യമായ തിയതിയും സമയവും തെരഞ്ഞെടുക്കാവുന്നതാണ്. തുട൪ന്ന്, ബുക്കിംഗ് നമ്പറുമായി നിശ്ചയിക്കപ്പെട്ട ആധാർ കേന്ദ്രം സന്ദർശിച്ചാൽ മതി.
      Published by:Rajesh V
      First published:
      )}