നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • india
    • »
    • BJP സംസ്ഥാന അധ്യക്ഷ സ്ഥാനത്തുനിന്ന് കെ സുരേന്ദ്രനെ മാറ്റില്ല

    BJP സംസ്ഥാന അധ്യക്ഷ സ്ഥാനത്തുനിന്ന് കെ സുരേന്ദ്രനെ മാറ്റില്ല

    സുരേന്ദ്രന്റെ പ്രവർത്തനങ്ങളിൽ  ആർ എസ് എസിനും അതൃപ്തിയുണ്ടെന്നാണ് വിവരം. ആർ. എസ്. എസിന്റെ പരാതികളും ബി ജെ പി ദേശീയ നേതൃത്വം പിന്നീട് പരിഗണിക്കും.

    കെ. സുരേന്ദ്രൻ

    കെ. സുരേന്ദ്രൻ

    • Share this:
    ന്യൂഡൽഹി: തെരഞ്ഞെടുപ്പ് തോൽവിയുടേയും കുഴൽപണ ഇടപാട് ആരോപണത്തിന്റേയും പശ്ചാത്തലത്തിൽ കെ സുരേന്ദ്രനെ അധ്യക്ഷ സ്ഥാനത്ത് നിന്ന് മാറ്റേണ്ടതില്ലെന്ന് ബി ജെ പി ദേശീയ നേതൃത്വം. സുരേന്ദ്രനെതിരെ ഉടൻ നടപടിയെടുക്കേണ്ടെന്നാണ് ദേശീയ നേതൃത്വ ത്തിന്റെ തീരുമാനം. ഇപ്പോൾ നടപടി എടുത്താൽ ആരോപണങ്ങൾ പാർട്ടി ശരിവച്ചതായി പ്രതീതി സൃഷ്ടിക്കും.

    അതേസമയം സുരേന്ദ്രന്റെ പ്രവർത്തനങ്ങളിൽ  ആർ എസ് എസിനും അതൃപ്തിയുണ്ടെന്നാണ് വിവരം. ആർ. എസ്. എസിന്റെ പരാതികളും ബി ജെ പി ദേശീയ നേതൃത്വം പിന്നീട് പരിഗണിക്കും. അതിനിടെ ദേശിയ അധ്യക്ഷൻ ജെ.പി നദ്ദയുമായി വി മുരളിധരൻ കൂടിക്കാഴ്ച നടത്തി. ബിജെപിക്കെതിരെയുള്ള ആക്രമണങ്ങളെ ശക്തമായി പ്രതിരോധിക്കാൻ ജെ പി നദ്ദ ആവശ്യപ്പട്ടു എന്ന് കെ സുരേന്ദ്രൻ പറഞ്ഞു.

    ദേശീയ അധ്യക്ഷനുമായി കൂടിക്കാഴ്ചക്ക് വന്നതല്ലെന്നും വി മുരളീധരൻ കൂടിക്കാഴ്ചക്ക് വന്നപ്പോൾ താനും വന്നതാണെന്നും സുരേന്ദ്രൻ പറഞ്ഞു. സംഘടന വിഷയങ്ങളെ കുറിച്ച് ബി എൽ സന്തോഷുമായി സുരേന്ദ്രൻ വെള്ളിയാഴ്ച ചർച്ച നടത്തും.  കേരളത്തിൽ പാർട്ടി പ്രതിസന്ധിയിലാണെന്നും സുരേന്ദ്രനെ സംരക്ഷിക്കാനാവില്ലെന്നും കൃഷ്ണദാസ് - ശോഭ സുരേന്ദ്രൻ പക്ഷങ്ങൾ നേതൃത്വത്തെ പരാതി അറിയിച്ചിട്ടുണ്ട്. കെ സുരേന്ദ്രനും വി മുരളീധരനും  പാർട്ടിയെ കുടുംബ സ്വത്താക്കിയെന്നും സുരേന്ദ്രൻ വ്യക്തിപരമായി സൃഷ്ടിച്ച പ്രതിസന്ധിയാണ് പാർട്ടി നേരിടുന്നതെന്നും പരാതിയിൽ പറയുന്നു. പ്രചരണ സാമഗ്രികൾ വിതരണം ചെയ്യാനും സാമ്പത്തിക കാര്യങ്ങളിലും സുഹൃത്തുക്കളെയും കുടുംബാങ്ങളെയാണ് നിയോഗിച്ചതെന്നും പരാതിയിൽ ഉന്നയിച്ചിട്ടുണ്ട്.

    Also Read നൂറ് കോടി രൂപയുടെ വനം അഴിമതി മറയ്ക്കാൻ 'കൊടകര' എന്ന വാക്ക് സർക്കാർ പരിചയാക്കുന്നു: എം.ടി രമേശ്‌

    തെരഞ്ഞെടുപ്പിൽ സി.കെ ജാനുവിന് പണം കൊടുത്തെന്ന പരാതി ഉന്നയിച്ച പ്രസീത സിപിഎം നേതാവ് പി ജയരാജനുമായി കൂടിക്കാഴ്ച നടത്തിയെന്ന് ബി.ജെ.പി സംസ്ഥാന അധ്യക്ഷൻ കെ. സുരേന്ദ്രൻ. ജയരാജന്‍ ഇതുവരെ ഇക്കാര്യം നിഷേധിച്ചിട്ടില്ല. എല്ലാം തിരക്കഥയാണെന്നും കെ സുരേന്ദ്രൻ പറഞ്ഞു. കുഴല്‍പ്പണക്കേസില്‍ പച്ചയായ കള്ളക്കളിയാണ് നടക്കുന്നത്. കേസ് ബി.ജെ.പിയുടെ തലയില്‍ കെട്ടിവെച്ച്  രാഷ്ട്രീയ ലാഭം കൊയ്ത് ബിജെപിയെ ഇല്ലാതാക്കി കളയാമെന്ന ദുരുദ്ദേശമാണ് നടക്കുന്നതെന്നും സുരേന്ദ്രന്‍  ആരോപിച്ചു.

    മഞ്ചേശ്വരത്ത് തിരഞ്ഞെടുപ്പില്‍ മത്സരിച്ചത് ബിഎസ്പിയുടെ സ്ഥാനാര്‍ത്ഥിയാണ്. എല്ലാരും വ്യാഖ്യാനിക്കുന്നത് കെ. സുരേന്ദ്രന്റെ അപരനാണ് സുന്ദര എന്നാണ്. എന്നാല്‍ സുരേന്ദ്രന്റെ അപരനല്ല സുന്ദര. അദ്ദേഹം ഒരു ദേശീയ പാര്‍ട്ടിയുടെ സ്ഥാനാര്‍ഥിയാണ്. എം സുരേന്ദ്രന്‍ എന്നൊരു അപരന്‍ മഞ്ചേശ്വരത്ത് മത്സരിച്ചിരുന്നു. അദ്ദേഹത്തിന് 200 വോട്ടും ലഭിച്ചതാണ്. അദ്ദേഹത്തെ  ആരും പിന്‍വലിപ്പിക്കാന്‍ പോയിട്ടില്ല. പിന്നെയാണല്ലോ ബിഎസ്പിയുടെ സ്ഥാനാര്‍ഥിയെ പിന്‍വലിപ്പിക്കാന്‍ പോകുന്നത്. ബിഎസ്പി സ്ഥാനാര്‍ത്ഥി സ്വന്തം നിലയ്ക്ക് തിരഞ്ഞെടുപ്പ് കമ്മീഷന് മുന്നില്‍ പോയി  പത്രിക പിന്‍വലിച്ചതിന് കുറ്റം ബിജെപിക്ക്.  അവിടെയും ഒരു കള്ളക്കേസ് വന്നിരിക്കുന്നു.
    സി.കെ ജാനുവിന് പണം കൊടുത്തു എന്ന പേരില്‍ വേറൊരു കള്ളക്കേസ് വന്നിരിക്കുകയാണ്. സിപിഎം നേതാവ് പി ജയരാജനുമായി കൂടിക്കാഴ്ച നടത്തിയിട്ടാണ് പ്രസീത എന്നയാള്‍ പണം കൊടുത്തുവെന്ന വ്യാജ ആരോപണം ഉന്നയിക്കുന്നത്. ജയരാജന്‍ ഇതുവരെ ഇക്കാര്യം നിഷേധിച്ചിട്ടില്ല. എല്ലാം തിരക്കഥയാണ്. നൂറ് കണക്കിന് കോടി രൂപയുടെ മരം മുറിയാണ് തിരഞ്ഞെടുപ്പ് കാലത്ത് കേരളത്തില്‍ നടന്നത്. സര്‍ക്കാരിലേക്ക് നേരിട്ടാണ് വനം കൊള്ളപോകുന്നതെന്നും കെ. സുരേന്ദ്രന്‍ ആരോപിച്ചു.
    Published by:Anuraj GR
    First published:
    )}