• HOME
  • »
  • NEWS
  • »
  • india
  • »
  • Online Class| ഏഴാം ക്ലാസ് വരെയുള്ള വിദ്യാര്‍ഥികളുടെ ഓണ്‍ലൈന്‍ ക്ലാസുകൾ നിര്‍ത്തി കര്‍ണാടക

Online Class| ഏഴാം ക്ലാസ് വരെയുള്ള വിദ്യാര്‍ഥികളുടെ ഓണ്‍ലൈന്‍ ക്ലാസുകൾ നിര്‍ത്തി കര്‍ണാടക

അഞ്ചാം ക്ലാസു വരെയുള്ള കുട്ടികള്‍ക്കുള്ള ഓണ്‍ലൈന്‍ ക്ലാസ് നിര്‍ത്തിയിരുന്നു. ഇതിനു പിന്നാലെയാണ് ഏഴാം ക്ലാസ് വരെ നീട്ടിയുള്ള തീരുമാനം

പ്രതീകാത്മക ചിത്രം

പ്രതീകാത്മക ചിത്രം

  • Last Updated :
  • Share this:
    ബെംഗളൂരു: കര്‍ണാടകയില്‍ ഏഴാം ക്ലാസ് വരെയുള്ള വിദ്യാര്‍ഥികള്‍ക്ക് ഓണ്‍ലൈന്‍ ക്ലാസ്സ് വേണ്ടെന്ന് സര്‍ക്കാര്‍ തീരുമാനം. പ്രീ എല്‍കെജി മുതല്‍ ഏഴാം ക്ലാസ്സ് വരെയുള്ള കുട്ടികള്‍ക്കാണ് ഓണ്‍ലൈന്‍ പഠനം വേണ്ടെന്നുവെച്ചത്. കഴിഞ്ഞ ദിവസം അഞ്ചാം ക്ലാസു വരെയുള്ള കുട്ടികള്‍ക്കുള്ള ഓണ്‍ലൈന്‍ ക്ലാസ് നിര്‍ത്തിയിരുന്നു. ഇതിനു പിന്നാലെയാണ് ഏഴാം ക്ലാസ് വരെ നീട്ടിയുള്ള തീരുമാനം.

    ഓണ്‍ലൈന്‍ ക്ലാസുകളുടെ പേരില്‍ വിവിധ സ്ഥാപനങ്ങള്‍ ഫീസ് ഈടാക്കുന്നതും നിര്‍ത്താന്‍ ഉത്തരവിട്ടിട്ടുണ്ട്. മുന്‍പ് റെക്കോര്‍ഡ് ചെയ്ത ക്ലാസുകള്‍ കുട്ടികള്‍ക്ക് കാണാം. ഓണ്‍ലൈന്‍ പഠനത്തിന് സംസ്ഥാനത്തെ എല്ലാ കുട്ടികള്‍ക്കും ഒരുപോലെ സൗകര്യം ഇല്ലാതായതോടെയാണ് പദ്ധതി ഉപേക്ഷിച്ചത്. ഡി ഡി ചന്ദന വഴി ക്ലാസുകള്‍ നല്‍കുന്നതിനെ കുറിച്ചു ആലോചിക്കാന്‍ വിദ്യാഭ്യാസ വകുപ്പ് വിദഗ്ധ സമിതിയെ ചുമതലപ്പെടുത്തിയിട്ടുണ്ട്.
    TRENDING:Anju P Shaji Death Case| വിദ്യാർഥിനിയുടെ ആത്മഹത്യ; കോളജിന് വീഴ്ചപറ്റിയെന്ന് എം.ജി സര്‍വകലാശാല വി.സി[NEWS]Athirappilly | 'ആഗ്രഹങ്ങള്‍ക്ക് കടിഞ്ഞാണില്ലല്ലോ'; മന്ത്രി മണിയെ പരിഹസിച്ച് കാനം [NEWS]‍‍'എന്റെ ഇംഗ്ലീഷ് കേട്ട് പലരും ചോദിക്കുന്നു വിദേശത്താണോ പഠിച്ചതെന്ന്'; ഭാഷാ പ്രാവീണ്യത്തെ കുറിച്ച് ഐശ്വര്യ റായ് [NEWS]
    ഓണ്‍ലൈന്‍ ക്ലാസുകള്‍ സംബന്ധിച്ച്‌ നിരവധി പരാതികളാണ് ലഭിച്ചതെന്നാണ് കര്‍ണാടക പ്രൈമറി ആന്‍ഡ് സെക്കന്ററി വിദ്യാഭ്യാസ മന്ത്രി എസ്.സുരേഷ് കുമാര്‍ പറയുന്നത്. ഇതിന്റെ അടിസ്ഥാനത്തില്‍ സ്വകാര്യ വിദ്യാഭ്യാസ സ്ഥാപനങ്ങളിലെ പ്രതിനിധികളെ വരെ ഉള്‍പ്പെടുത്തി വിദഗ്ധരുമായി ചര്‍ച്ച നടത്തിയിരുന്നു.

    ക്ലാസ് റൂം വിദ്യാഭ്യാസത്തിന് സമാന്തരമായി ഓണ്‍ലൈന്‍ ക്ലാസുകള്‍ നടപ്പാക്കുന്നത് പ്രായോഗികമല്ലെന്നാണ് ചര്‍ച്ചയില്‍ വന്ന അഭിപ്രായം. സാധാരണഗതിയിലേക്ക് മടങ്ങിവരുന്നത് വരെ വീട്ടിലിരിക്കുന്ന കുട്ടികളുടെ അറിവ് വര്‍ധിപ്പിക്കുന്നതിന് വേണ്ടി എന്താണ് ചെയ്യാന്‍ കഴിയുക എന്നതില്‍ മാര്‍ഗനിര്‍ദേശം നല്‍കുന്നതിന് ഒരു കമ്മറ്റിയെ രൂപീകരിക്കുമെന്നും മന്ത്രി പറഞ്ഞു.
    First published: