ആനന്ദ് അംബാനി; റിലയൻസ് ചെയര്‍മാൻ മുകേഷ് അംബാനിയുടെ ഇളയമകനെക്കുറിച്ച് അഞ്ച് കാര്യങ്ങൾ

റിലയൻസ് ഇൻഡസ്ട്രീസ് ചെയർമാൻ മുകേഷ് അംബാനിയുടെ ഇളയമകനായ ആനന്ദ് അംബാനിയുടെയും പ്രമുഖ വ്യവസായി വിരേൻ മെർച്ചന്റിന‍്റെ മകൾ രാധിക മെർച്ചന്റിന്റെയും വിവാഹ നിശ്ചയം ഇന്ന് നടന്നു. രാജസ്ഥാനിലെ ശ്രീനാഥ്ജി ക്ഷേത്രത്തിലായിരുന്നു ചടങ്ങ്. ഈ വേളയിൽ ആനന്ദ് അംബാനിയെ കുറിച്ച് അഞ്ച് കാര്യങ്ങൾ അറിയാം.

Also Read- നാഥ് ദ്വാരയിലെ ശ്രീനാഥ്ജി ക്ഷേത്രത്തിൽ ആനന്ദ് അംബാനി- രാധിക മെർച്ചന്റ് വിവാഹ നിശ്ചയം; ചിത്രങ്ങൾ

• ജനനം 1995ൽ. ഇഷയ്ക്കും ആകാശ് അംബാനിക്കും ശേഷം അംബാനി കുടുംബത്തിലെ ഇളയ പുത്രൻ.
• ധീരുഭായി അംബാനി ഇന്റർനാഷണൽ സ്കൂളിലായിരുന്നു പ്രാഥമിക വിദ്യാഭ്യാസം. യുഎസിലെ ബ്രൗൺ സർവകലാശാലയിൽ നിന്നും ബിരുദം നേടി.
• റിലയൻസ് ഇൻഡസ്ട്രീസിന്റെ പ്രധാന നിക്ഷേപ മേഖലയായ ഊർജ ബിസിനസിന് നേതൃത്വം നൽകുന്നത് ആനന്ദ് അംബാനിയാണ്.

Also Read- ആനന്ദ് അംബാനി- രാധിക മെർച്ചന്റ് വിവാഹ നിശ്ചയം രാജസ്ഥാനില്‍ നടന്നു

• ഇന്ത്യൻ പ്രീമിയർ ലീഗിലെ (ഐപിഎല്‍) പ്രമുഖ ടീമായ മുംബൈ ഇന്ത്യൻസിൽ അമ്മ നിത അംബാനിക്കൊപ്പം 27 കാരനായ ആനന്ദും നിർണായക ചുമതല വഹിക്കുന്നു.
• രണ്ടുവർഷത്തിൽ അധികമായി റിലയൻസ് ജിയോ പ്ലാറ്റ്ഫോമുകളുടെ ഡയറക്ടറാണ്. ഈ വർഷം ആദ്യം റിലയൻസ് റീട്ടെയിൽ വെഞ്ച്വർ ലിമിറ്റഡിന്റെയും ഡയറക്ടർ പദവിയിലേക്ക് ആനന്ദ് എത്തിയിരുന്നു.