ലോക്ക് ഡൗൺ: ഒരു മാസത്തേക്ക് വാടക പിരിക്കരുതെന്ന് കേന്ദ്ര സർക്കാർ

ന്യൂഡല്‍ഹി: ദിവസവേതന തൊഴിലാളികളില്‍ നിന്നും ഒരുമാസത്തേക്ക് വാടക പിരിക്കരുതെന്ന് കേന്ദ്ര സർക്കാർ നിർദ്ദേശം. കേന്ദ്ര ആഭ്യന്തര മന്ത്രാലയമാണ് ഇതുസംബന്ധിച്ച ഉത്തരവ് പുറത്തിറക്കിയത്.

കുടിയേറ്റ തൊഴിലാളികള്‍ സ്വന്തം നാടുകളിലേക്ക് പലായനം ചെയ്യുന്ന സാഹചര്യത്തിലാണ് കേന്ദ്ര നിർദ്ദേശം. ഭക്ഷണത്തിനും താമസത്തിനും പണം കണ്ടെത്താനാകാത്തതാണ് തൊഴിലാളികൾ പലായനം ചെയ്യാൻ കാരണമെന്ന കണ്ടെത്തലിനെ തുടർന്നാണ് നട‌പടി.

BEST PERFORMING STORIES:പായിപ്പാട് അതിഥി തൊഴിലാളികളുടെ പ്രതിഷേധം: ബംഗാൾ സ്വദേശി അറസ്റ്റിൽ [NEWS]അമ്മാവന്റെ മരണാനന്തര ചടങ്ങിൽ ആൾക്കൂട്ടത്തെ വിലക്കി ഒമർ അബ്ദുള്ള; അഭിനന്ദിച്ച് പ്രധാനമന്ത്രി [NEWS]പോലീസിനും ആരോഗ്യപ്രവര്‍ത്തകര്‍ക്കും സൗജന്യമായി നൽകാൻ മാസ്‌ക് നിര്‍മ്മിച്ച് യുവ അഭിഭാഷകന്‍ [NEWS]

ദുരന്ത നിവാരണ നിയമം അനുസരിച്ചാണ് കേന്ദ്രത്തിന്റെ ഉത്തരവ്. കെട്ടിട ഉടമസ്ഥര്‍ പാവപ്പെട്ടവരും ദിവസവേതനക്കാരുമായവരിൽ നിന്നും ഒരു മാസത്തേക്ക് വാടക പിരിക്കരുതെന്നാണ് ആഭ്യന്തര വകുപ്പ് പുറത്തിറക്കിയ ഉത്തരവിൽ പറയുന്നത്. ഉത്തരവ് ലംഘിച്ചാൽ നിയമ നടപടികള്‍ നേരിടേണ്ടി വരുമെന്നും മന്ത്രാലയം വ്യക്തമാക്കിയിട്ടുണ്ട്.

ദിവസവേതനക്കാര്‍ക്കുള്ള വേതനക്കുടിശ്ശിക ഒരു കുറവും വരുത്താതെ എത്രയും വേഗം നൽകണമെന്നും നിര്‍ദ്ദേശമുണ്ട്.