Lockdown Crisis| ജോലിയില്ല; ശമ്പളമില്ല: തെരുവിൽ പച്ചക്കറി വിറ്റ് ഇംഗ്ലീഷ് അധ്യാപകൻ

ദിവസ വരുമാനം നിലച്ചതോടെ കുടുംബം പോറ്റാൻ വേറെ വഴിയില്ലാതെ തെരുവുകൾ തോറും നടന്ന് പച്ചക്കറി വിൽക്കാൻ ആരംഭിച്ചു. എന്നാണ് വസീർ പറയുന്നത്

News18 Malayalam | news18-malayalam
Updated: June 24, 2020, 2:12 PM IST
Lockdown Crisis| ജോലിയില്ല; ശമ്പളമില്ല: തെരുവിൽ പച്ചക്കറി വിറ്റ് ഇംഗ്ലീഷ് അധ്യാപകൻ
വസീർ സിംഗ്, ചിത്രങ്ങൾ: ANI
  • Share this:
ലോക്ക് ഡൗൺ പ്രതിസന്ധിയിൽ ഉണ്ടായിരുന്ന താത്ക്കാലിക ജോലി കൂടി നഷ്ടമായതോടെ പച്ചക്കറി വിൽപ്പനയ്ക്ക് ഇറങ്ങിയിരിക്കുകയാണ് അധ്യാപകൻ. ഡൽഹി സര്‍വോദയ ബാൽ വിദ്യാലയയിലെ ഇംഗ്ലീഷ് അധ്യാപകനായ വസീർ സിംഗ് ആണ് ഉപജീവനത്തിനായി പച്ചക്കറി വിൽപ്പന തുടങ്ങിയിരിക്കുന്നത്. സ്കൂളിൽ ദിവസ വേതനത്തിൽ ജോലി ചെയ്തിരുന്ന താത്ക്കാലിക അധ്യാപകനായിരുന്നു 34കാരനായ വസീർ. എന്നാൽ മെയ് 8 മുതൽ തങ്ങൾക്ക് ശമ്പളം ലഭിച്ചിരുന്നില്ലെന്നാണ് വസീർ പറയുന്നത്. ഇത് മൂലം സാമ്പത്തിക പ്രതിസന്ധി നേരിട്ടതോടെയാണ് വേറേ ജോലി തേടിയിറങ്ങിയത്.



എംഎ ബിരുദധാരിയായ വസീർ, എംഎഡ്, CIET കോഴ്സുകൾ പൂർത്തിയാക്കിയിട്ടുണ്ട്. ലോക്ക് ഡൗണിനെ തുടര്‍ന്ന് സ്കൂളുകൾ അടച്ചതോടെ ഒരു ദിവസം പഠിപ്പിക്കുന്ന സ്കൂൾ പ്രിൻസിപ്പളിന്‍റെ സന്ദേശം ലഭിച്ചു. ഇനിയൊരു അറിയിപ്പ് ഉണ്ടാകുന്നത് വരെ ജോലിക്ക് വരണ്ട എന്നായിരുന്നു സന്ദേശം. കയ്യിൽ വേറെ സമ്പാദ്യം ഒന്നും ഉണ്ടായിരുന്നില്ല.ദിവസ വരുമാനം നിലച്ചതോടെ കുടുംബം പോറ്റാൻ വേറെ വഴിയില്ലാതെ തെരുവുകൾ തോറും നടന്ന് പച്ചക്കറി വിൽക്കാൻ ആരംഭിച്ചു. എന്നാണ് വസീർ പറയുന്നത്. ഹരിയാനയിലെ പാനിപ്പട്ടിലാണ് ഇയാളുടെ കുടുംബം. കുടുംബത്തിലെ ഏക വരുമാന മാർഗവും വസീർ തന്നെയാണ്.



സാമ്പത്തിക പ്രതിസന്ധി രൂക്ഷമായതോടെ 2000രൂപ മാസവാടകയ്ക്ക് ഒരു ഉന്തുവണ്ടി വാടകയ്ക്കെടുത്തു. പഴങ്ങളും പച്ചക്കറികളും വിൽക്കാൻ ആരംഭിച്ചു. രാവിലെ പത്ത് മണി മുതൽ വൈകിട്ട് ആറ് മണി വരെ കച്ചവടം.. ദിവസം 400-500 രൂപ വരെ കിട്ടുമെന്നാണ് വസീർ പറയുന്നത്.. സ്കൂളിലേക്ക് മടക്കി വിളിക്കുന്നത് വരെ കച്ചവടം തുടരും. അതുവരെ ഒരു വരുമാനം ഉണ്ടാകുമല്ലോ എന്നാണ് ഇയാൾ പറയുന്നത്.
TRENDING:Covid 19| ആദ്യ 500 രോഗികൾ നാലുമാസംകൊണ്ട്; ആ ആശങ്കയും കരുതലും നാലു ദിവസം കൊണ്ട് 500 രോഗികളായപ്പോൾ നഷ്ടമായോ ? [NEWS]Rehna Fatima Video | അമ്മയുടെ ശരീരത്തിലെ കുട്ടികളുടെ ചിത്രം; ഭാവിയിൽ ലൈംഗീക അരാജകത്വം ഉൾപ്പെടെ സാധ്യതയെന്ന് മനോരോഗ വിദഗ്ധൻ [NEWS]Mia Khalifa Reacts To Death Hoax | തന്‍റെ മരണവാർത്തകളോട് രസകരമായി പ്രതികരിച്ച് മിയ ഖലീഫ [NEWS]
വസീർ മാത്രമല്ല ഉന്നത വിദ്യാഭ്യാസമുള്ള പലരും ലോക്ക് ഡൗണിൽ തൊഴിൽ നഷ്ടപ്പെട്ടതിനെ തുടർന്ന് ഇത്തരത്തിൽ മറ്റ് പല ജോലികളും ചെയ്ത് വരുമാനം കണ്ടെത്തേണ്ട അവസ്ഥയിലാണ്.

 
First published: June 24, 2020, 2:12 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories

corona virus btn
corona virus btn
Loading