നിങ്ങളുടെ നഗരം തിരഞ്ഞെടുക്കുക

    LIVE Lok Sabha Election Result 2019: കനത്ത പരാജയം; കൂടുതൽ കോൺഗ്രസ് നേതാക്കൾ രാജിക്ക്

    Lok Sabha Election Result 2019 Live Updates: ഫലം വ്യക്തമായി; ഇനി അധികാരമേൽക്കൽ

  • News18
  • | May 24, 2019, 15:44 IST
    facebookTwitterLinkedin
    LAST UPDATED 3 YEARS AGO

    AUTO-REFRESH

    HIGHLIGHTS

    21:30 (IST)

    പ്രധാനമന്ത്രി നരേന്ദ്ര മോദി അമ്മ ഹീരാബെൻ മോദിയുടെ അനുഗ്രഹം വാങ്ങുന്നു. 


    19:21 (IST)

    മോദി ഗുജറാത്തിന്റെ അഭിമാനമാണെന്ന് അമതിഷാ. അഹമ്മദാബാദില്‍ നടക്കുന്ന ബി.ജെ.പി റാലിയെ അഭിസംബോധന ചെയ്തു പ്രസംഗിക്കുകയായിരുന്നു അദ്ദേഹം. ഗുജറാത്തിനെ ലോകം തിരിച്ചറിഞ്ഞത് മോദിയിലൂടെയാണെന്നും അമിത് ഷാ പറഞ്ഞു.

    18:33 (IST)

    അഹമ്മദാബാദ് വിമാനത്താവളത്തിന് സമീപമുള്ള സര്‍ദാര്‍ വല്ലഭായ് പട്ടേല്‍ പ്രതിമയില്‍ പ്രധാനമന്ത്രി നരേന്ദ്ര മോദി പുഷ്പാര്‍ച്ചന നടത്തുന്നു.

    18:27 (IST)

    സിക്കിം മുഖ്യമന്ത്രിയായി സിക്കിം ക്രാന്തികാരി മോര്‍ച്ച പ്രസിഡന്റ് പി.എസ് ഗോലായ് നാളെ സത്യപ്രതിജ്ഞ ചെയ്ത് അധികാരമേല്‍ക്കും.

    18:25 (IST)

    തെരഞ്ഞെടുപ്പ് വിജയത്തിനു ശേഷം പ്രധാനമന്ത്രി നരേന്ദ്ര മോദി ഗുജറാത്ത് സന്ദര്‍ശനത്തിനായി അഹമ്മദാബാദിലെത്തി.

    17:51 (IST)

    നരേന്ദ്രമോദി വ്യാഴാഴ്ച വൈകിട്ട് പ്രധാനമന്ത്രിയായി സത്യപ്രതിജ്ഞ ചെയ്യും
    സത്യപ്രതിജ്ഞ 30ന് വൈകിട്ട്

    16:51 (IST)

    തന്നില്‍ വിശ്വാസം അര്‍പ്പിച്ച വോട്ടര്‍മാരോട് നന്ദി പറയാന്‍ പ്രധാനമന്ത്രി സ്വന്തം മണ്ഡലമായ വാരാണസിയിലെത്തും. കാശി വിശ്വനാഥ ക്ഷേത്രത്തിലും അദ്ദേഹം സന്ദര്‍ശനം നടത്തും. കോണ്‍ഗ്രസ് സ്ഥാനാര്‍ഥി അജയ് റായിക്കെതിരെ 5,22,116 വോട്ടിന്റെ ഭൂരിപക്ഷത്തിനാണ് മോദി തെരഞ്ഞെടുക്കപ്പെട്ടത്.

    16:46 (IST)

    പാക് പ്രധാനമന്ത്രി ഇമ്രാന്‍ ഖാന്‍ നരേന്ദ്രമോദിയെ അഭിനന്ദിച്ചു. പാക് വിദേശകാര്യ മന്ത്രി മുഹമ്മദ് ഫൈസലാണ് ഇക്കാര്യം ട്വീറ്റിലൂടെ അറിയിച്ചത്.

    15:58 (IST)

    17-ാം ലോക്‌സഭയുടെ ആദ്യ സമ്മേളനം ജൂണ്‍ ആദ്യവാരത്തില്‍ നടക്കും. ജൂണ്‍ 15, 16 തീയതികളിലാകും സമ്മേളനം തുടങ്ങുകയെന്ന് സര്‍ക്കാര്‍ വൃത്തങ്ങള്‍ വ്യക്തമാക്കി.

    15:48 (IST)

    രണ്ടാം തവണ പ്രധാനമന്ത്രിയായി തെരഞ്ഞെടുക്കപ്പെട്ട നരേന്ദ്ര മോദിയുടെ ആദ്യ വിദേശയാത്ര മാലിദ്വീപിലേക്ക്. ജൂണ്‍ 7-8 തീയതികളിലാണ് പ്രധാനമന്ത്രി മാലി സന്ദര്‍ശിക്കുന്നത്.

    Narendra Modi Victory LIVE Updates:

    കോണ്‍ഗ്രസ് പ്രസിഡന്റ് രാഹുൽഗാന്ധി രാജിസന്നദ്ധത അറിയിച്ചുവെന്ന വാർത്തകൾക്ക് പിന്നാലെ കോൺഗ്രസിൽ കൂട്ടരാജി. പരാജയത്തിന്റെ ധാർമിക ഉത്തരവാദിത്തം ഏറ്റെടുത്ത് ഉത്തർപ്രദേശ് അധ്യക്ഷൻ രാജ് ബബ്ബർ, കർണാടക പാർട്ടി പ്രസിഡന്റ് എച്ച് കെ പാട്ടിൽ, ഒഡീഷ പ്രസിഡ‍ന്റ് നിരഞ്ജൻ പട്നായിക്, അമേഠി ജില്ലാ അധ്യക്ഷൻ യോഗേന്ദ്ര മിശ്ര എന്നിവർ കോൺഗ്രസ് അധ്യക്ഷന് രാജി സമർപ്പിച്ചു

    നരേന്ദ്ര മോദി മെയ് 30ന് സത്യപ്രതിജ്ഞ ചെയ്ത് അധികാരമേറ്റെടുക്കാൻ സാധ്യത. സത്യപ്രതിജ്ഞയ്ക്ക് മുൻപായി പ്രധാനമന്ത്രി സ്വന്തം മണ്ഡലമായ വാരണാസിയിൽ ഈ മാസം 28നും ഗുജറാത്തില്‍ 29നും സന്ദർശനം നടത്തുമെന്നും അദ്ദേഹവുമായി അടുത്ത വൃത്തങ്ങൾ വ്യക്തമാക്കി. ക്യാബിനറ്റ് യോഗം ചേരുന്നതിന് മുന്നോടിയായി വെള്ളിയാഴ്ച രാവിലെ മുതിർന്ന നേതാക്കളായ എൽ കെ അദ്വാനിയെയും മുരളി മനോഹർ ജോഷിയെയും നരേന്ദ്രമോദി സന്ദർശിച്ചു.

    മോദി വീണ്ടും അധികാരത്തിലെത്തുന്നത് തടയാനുള്ള പ്രതിപക്ഷ കക്ഷികളുടെ നീക്കങ്ങളെയെല്ലാം പരാജയപ്പെടുത്തികൊണ്ടുള്ള ഉജ്ജ്വല വിജയമാണ് ഇത്തവണ ബിജെപിയും എൻഡിഎയും സ്വന്തമാക്കിയത്. അഞ്ചുവർഷം മുൻപുള്ളതിനെക്കാൾ കൂടുതൽ സീറ്റുകൾ നേടിയാണ് മോദി വീണ്ടും അധികാരത്തിലെത്തുന്നത്. വിഭജനത്തിന്റെ നേതാവാണ് എന്നതടക്കമുള്ള കടുത്ത വിമർശനങ്ങൾക്കിടെയാണ് മോദി വമ്പൻ വിജയം നേടിയത്. എന്നാൽ ഈ വിമർശനങ്ങളെയൊന്നും വോട്ടർമാരെ സ്വാധീനിച്ചില്ലെന്ന് മാത്രമല്ല, 1984ന് ശേഷമുള്ള ഏറ്റവും മികച്ച ഭൂരിപക്ഷമാണ് പ്രധാനമന്ത്രിക്ക് അവർ നൽകിയത്.

    തത്സമയ വിവരങ്ങൾ ചുവടെ