• HOME
  • »
  • NEWS
  • »
  • india
  • »
  • ലെഫ്റ്റനന്‍റ് ജനറൽ അനിൽ ചൗഹാൻ ഇന്ത്യയുടെ പുതിയ സംയുക്ത സൈനിക മേധാവി

ലെഫ്റ്റനന്‍റ് ജനറൽ അനിൽ ചൗഹാൻ ഇന്ത്യയുടെ പുതിയ സംയുക്ത സൈനിക മേധാവി

രാജ്യത്തെ ആദ്യ സംയുക്ത സൈനിക മേധാവി(സിഡിഎസ്) ജനറൽ ബിപിൻ റാവത്ത് ഹെലികോപ്റ്റർ അപകടത്തിൽ കൊല്ലപ്പെട്ട് ഏകദേശം 10 മാസത്തിന് ശേഷമാണ് പുതിയ നിയമനം

  • Share this:
ന്യൂഡൽഹി: രാജ്യത്തെ സംയുക്ത സൈനിക മേധാവിയായി ലെഫ്റ്റനന്റ് ജനറൽ അനിൽ ചൗഹാനെ (റിട്ട)  നിയമിച്ചു. രാജ്യത്തെ ആദ്യ സംയുക്ത സൈനിക മേധാവി(സിഡിഎസ്) ജനറൽ ബിപിൻ റാവത്ത് ഹെലികോപ്റ്റർ അപകടത്തിൽ കൊല്ലപ്പെട്ട് ഏകദേശം 10 മാസത്തിന് ശേഷമാണ് പുതിയ നിയമനം. സിഡിഎസിന്റെയും സെക്രട്ടറി ഡിഎംഎയുടെയും സ്ഥാനങ്ങൾ തമ്മിലുള്ള വിഭജനത്തെക്കുറിച്ചുള്ള എല്ലാ ഊഹാപോഹങ്ങളും അവസാനിപ്പിച്ച് സൈനിക കാര്യ വകുപ്പ് (ഡിഎംഎ) സെക്രട്ടറി ആർമി ഓഫീസർ ആയിരിക്കുമെന്നും ഉത്തരവിൽ വ്യക്തമാക്കുന്നു.

കിഴക്കൻ ആർമി കമാൻഡറായി കരസേനയിൽ നിന്ന് വിരമിച്ചതിന് ശേഷം ലെഫ്റ്റനന്റ് ജനറൽ വി ജി ഖണ്ഡാരെയിൽ നിന്ന് (റിട്ട) നാഷണൽ സെക്യൂരിറ്റി കൗൺസിൽ സെക്രട്ടേറിയറ്റിലെ സൈനിക ഉപദേഷ്ടാവായി ലഫ്റ്റനന്റ് ജനറൽ ചൗഹാൻ (61) ചുമതലയേറ്റു. 40 വർഷത്തിലേറെയായി നിരവധി കമാൻഡ്, സ്റ്റാഫ്, ഇൻസ്ട്രുമെന്റൽ നിയമനങ്ങൾ എന്നിവ വഹിച്ചിരുന്ന അദ്ദേഹം, ജമ്മു കശ്മീരിലെയും വടക്കുകിഴക്കൻ സംസ്ഥാനങ്ങളിലെയും കലാപ വിരുദ്ധ പ്രവർത്തനങ്ങളിൽ വിപുലമായ അനുഭവസമ്പത്തും നേടിയ 40 വർഷത്തിലേറെ നീണ്ട പ്രഗത്ഭമായ കരിയറിന് ശേഷമാണ് ഏറ്റവും ഉയർന്ന സൈനികപദവിയിൽ എത്തുന്നത്.

ഈ മാസം ആദ്യം, കിബിതു സൈനിക സ്റ്റേഷന്റെ ജനറൽ ബിപിൻ റാവത്ത് മിലിട്ടറി ഗാരിസൺ എന്ന് പുനർനാമകരണം ചെയ്യുന്ന ചടങ്ങിൽ ജനറൽ റാവത്തിന്റെ മകൾ തരിണി റാവത്തിനും മറ്റ് പ്രമുഖർക്കുമൊപ്പം ലെഫ്റ്റനന്‍റ് ജനറൽ അനിൽ ചൗഹാൻ പങ്കെടുത്തു. ജനറൽ റാവത്തിന്റെ അതേ യൂണിറ്റിൽ നിന്നുള്ളയാളാണ് അദ്ദേഹം.

സൈനിക കരിയർ

നാഷണൽ ഡിഫൻസ് അക്കാദമിയിലെ പൂർവ്വ വിദ്യാർത്ഥിയായ ലെഫ്റ്റനന്റ് ജനറൽ ചൗഹാൻ 1981-ൽ ആർമിയുടെ 11 ഗൂർഖ റൈഫിൾസിൽ ചേർന്നു. മുതിർന്ന സൈനിക ഉദ്യോഗസ്ഥൻ നോർത്തേൺ കമാൻഡിലെ നിർണായക ബാരാമുള്ള സെക്ടറിൽ ഒരു ഇൻഫൻട്രി ഡിവിഷൻ ചുമതലയും പിന്നീട് വടക്കുകിഴക്കൻ ഭാഗത്ത് ഒരു കോർപ്സിന്‍റെയും കമാൻഡായിരുന്നു.

Also Read- ആർ വെങ്കട്ടരമണി പുതിയ അറ്റോർണി ജനറൽ; നിയമനം മൂന്നുവർഷത്തേക്ക്

മിലിട്ടറി ഓപ്പറേഷൻസ് ഡയറക്ടർ ജനറലായും അംഗോളയിലേക്കുള്ള ഐക്യരാഷ്ട്ര ദൗത്യത്തിന്റെ ഭാഗമായിരുന്നു.

2019 സെപ്റ്റംബറിൽ ഈസ്റ്റേൺ ആർമി കമാൻഡറായി നിയമിതനായ അദ്ദേഹം അവിടെ നിന്ന് 2021 മെയ് 31 ന് സർവീസിൽ നിന്ന് വിരമിച്ചു.

ഒരു ബ്രിഗേഡിയർ എന്ന നിലയിൽ, ഇന്ത്യൻ ആർമി വെറ്ററൻസ് ഡയറക്ടറേറ്റ് (DIAV) കൈകാര്യം ചെയ്ത ആദ്യത്തെ ഉദ്യോഗസ്ഥനായിരുന്നു അദ്ദേഹം. ഒപ്പം ജോലി ചെയ്തിരുന്ന സൈനിക ഉദ്യോഗസ്ഥർ അദ്ദേഹത്തെ തികഞ്ഞ പ്രൊഫഷണലായും "നിശബ്ദമായി കാര്യങ്ങൾ ചെയ്യുന്നയാളായും" ആണ് വിശേഷിപ്പിക്കുന്നത്. “അദ്ദേഹം എല്ലായ്‌പ്പോഴും ശ്രദ്ധയിൽ നിന്ന് അകന്നുനിൽക്കുകയും നിശ്ശബ്ദമായി കാര്യങ്ങൾ കൃത്യമായി ചെയ്തിരുന്നയാളുമാണ്” ഈസ്റ്റേൺ കമാൻഡിൽ അദ്ദേഹത്തോടൊപ്പം പ്രവർത്തിച്ച ഒരു ഉദ്യോഗസ്ഥൻ ന്യൂസ് 18-നോട് പറഞ്ഞു.
Published by:Anuraj GR
First published: