Maharashtra Government Formation LIVE Updates: ശിവസേനാ, എൻസിപി എംഎൽഎമാരെയും വഹിച്ചുകൊണ്ടുള്ള വാഹനങ്ങൾ മുംബൈയിൽ ഗ്രാൻഡ് ഹയാത്ത് ഹോട്ടലിലെത്തി. മകൾ സുപ്രിയ സുലെയ്ക്കൊപ്പം എൻസിപി നേതാവ് ശരത് പവാർ ഒരു മണിക്കൂർ മുൻപേ ഹോട്ടലിൽ എത്തിയിരുന്നു. മൂന്നു പാർട്ടികളിലെയും 162 എംഎൽഎമാരെ അണിനിരത്തി ശക്തി തെളിയിക്കാനാണ് ശ്രമം. സുപ്രീംകോടതി ഉത്തരവിന് മുന്നോടിയായാണ് ഇത്.
മുതിർ ശിവസേന നേതാവ് സഞ്ജയ് റാവത്ത് മഹാരാഷ്ട്ര ഗവർണർ ഭഗത് സിംഗ് കോഷ്യാരിയെ ഹോട്ടലിലേക്ക് ക്ഷണിച്ചു. 'ഞങ്ങളെല്ലാവരും ഒറ്റക്കെട്ടാണ്, ഞങ്ങളുടെ 162 എംഎൽഎമാരെ വൈകിട്ട് ഏഴിന് ഗ്രാന്റ് ഹയാത്ത് ഹോട്ടലിൽ വന്ന് ഒരുമിച്ച് കാണൂ'- റാവത്ത് ട്വീറ്റ് ചെയ്തു.
