കോവിഡ് ഭീതിയിൽ ബംഗളൂരുവിലെ ആശുപത്രികൾ കൈയ്യൊഴിഞ്ഞു; മലയാളി യുവതി ഓട്ടോയിൽ പ്രസവിച്ചു

പ്രസവ വേദനയെ തുടർന്ന് ബംഗളൂരുവിലെ ആശുപത്രിയിൽ എത്തിച്ച മലയാളി യുവതിക്ക് ചികിത്സ നൽകാതെ അധികൃതർ. കോവിഡ് വ്യാപനത്തിന്റെ പശ്ചാത്തലത്തിൽ ബംഗളൂരുവിലെ മൂന്ന് ആശുപത്രികളും ചികിത്സ നൽകിയില്ലെന്ന് യുവതി പറ‍ഞ്ഞു.

വെള്ളിയാഴ്ചയാണ് സംഭവം. രാത്രി 7 നു പ്രസവവേദന ആരംഭിച്ചപ്പോൾ സർക്കാർ ആശുപത്രി ഉൾപ്പെടെ മൂന്നിടത്ത് യുവതിയെ എത്തിച്ചെങ്കിലും ആരും അഡ്മിറ്റ് ചെയ്യാൻ തയ്യാറായില്ല. നാലാമത്തെ ആശുപത്രിയിലേക്കു തിടുക്കത്തിലുള്ള യാത്രയ്ക്കിടെയാണ് യുവതി സഹോദരന്റെ ഓട്ടോയിൽ പ്രസവിച്ചത്.

TRENDING:'മരുന്നുകളോട് പ്രതികരിച്ചു തുടങ്ങി'; മൻമോഹൻ സിംഗിനെ ഐ.സി.യുവിൽ നിന്നും മാറ്റി [NEWS]പ്രവാസികളുടെ മടക്കം; ഇന്ന് ദുബായ്, ബഹ്റൈൻ വിമാനങ്ങൾ കേരളത്തിലെത്തും [NEWS]മദ്യം വാങ്ങാനായി ക്വാറന്‍റീൻ ലംഘിച്ച് പുറത്തിറങ്ങി; ഭാര്യയുടെ പരാതിയിൽ അധ്യാപകനെതിരെ കേസ് [NEWS]

കണ്ണൂർ പഴയങ്ങാടി സ്വദേശി ജംഷീറിന്റെ ഭാര്യ ശബ്നമാണ് വെള്ളിയാഴ്ച രാത്രി ആൺകുഞ്ഞിനെ പ്രസവിച്ചത്. ഉമ്മയും ഒപ്പമുണ്ടായിരുന്നു. ഭർ‍‍ത്താവ് ജംഷീറിന് ലോക്ഡൗണിനെത്തുടർന്നു നാട്ടിൽ നിന്ന് എത്താൻ കഴിഞ്ഞില്ല. ബെംഗളൂരു വിജയനഗർ ഗൗരീപാളയയിലാണ് ശബ്നത്തിന്റെ വീട്.