• HOME
  • »
  • NEWS
  • »
  • india
  • »
  • Kashi Vishwanath Temple | കാശി വിശ്വനാഥ ക്ഷേത്രത്തിന് 60 കിലോ സ്വർണ്ണം സംഭാവന നല്‍കി അജ്ഞാതൻ

Kashi Vishwanath Temple | കാശി വിശ്വനാഥ ക്ഷേത്രത്തിന് 60 കിലോ സ്വർണ്ണം സംഭാവന നല്‍കി അജ്ഞാതൻ

ഇതിൽ നിന്നും 37 കിലോഗ്രാം ശ്രീകോവിലിന്റെ അകത്തെ ഭിത്തികളുടെ സ്വർണ്ണാവരണത്തിനായി ഉപയോഗിച്ചു

കാശി വിശ്വനാഥ ക്ഷേത്രം

കാശി വിശ്വനാഥ ക്ഷേത്രം

  • Share this:
    ഒരു അജ്ഞാത ദാതാവ് കാശി വിശ്വനാഥ ക്ഷേത്രത്തിലേക്ക് (Kashi Vishwanath Temple) 60 കിലോ സ്വർണം സംഭാവന ചെയ്തു, ഇതിൽ 37 കിലോഗ്രാം ശ്രീകോവിലിന്റെ അകത്തെ ചുവരുകളിൽ ഉപയോഗിച്ചു. ക്ഷേത്രം സന്ദർശിക്കാനെത്തിയ തീർത്ഥാടകർക്ക് 'ഝരോഖ ദർശന'ത്തിലൂടെ (വാതിലുകൾക്ക് പുറത്ത് നിന്ന് ദേവനെ ദർശിക്കുന്ന രീതി) പ്രാർത്ഥിക്കുന്നതിനിടെ ചുവരുകളിൽ സ്വർണ്ണം പൂശിയതിന്റെ ദൃശ്യങ്ങൾ കാണാം. പ്രധാനമന്ത്രി നരേന്ദ്ര മോദി ഞായറാഴ്ച പ്രാർത്ഥന നടത്തിയപ്പോൾ ക്ഷേത്ര ഭരണസമിതി പുറത്തുവിട്ട ദൃശ്യങ്ങൾ വിശാലമായ കാഴ്ച നൽകി.

    ഒരു അജ്ഞാത ദാതാവിൽ നിന്ന് ക്ഷേത്രത്തിന് 60 കിലോഗ്രാം സ്വർണം ലഭിച്ചതായി ഡിവിഷണൽ കമ്മീഷണർ ദീപക് അഗർവാൾ പറഞ്ഞു. അതിൽ 37 കിലോഗ്രാം ശ്രീകോവിലിന്റെ അകത്തെ ഭിത്തികളുടെ സ്വർണ്ണാവരണത്തിനായി ഉപയോഗിച്ചു, ബാക്കിയുള്ള 23 കിലോഗ്രാം സ്വർണ്ണം പ്രധാന ക്ഷേത്രഘടനയുടെ സ്വർണ്ണ താഴികക്കുടത്തിന്റെ താഴത്തെ ഭാഗം മറയ്ക്കാൻ ഉപയോഗിക്കും.

    2021 ഡിസംബർ 13ന് പ്രധാനമന്ത്രി കാശി വിശ്വനാഥ് ധാം ഔപചാരികമായി തുറക്കുന്നതിന് മാസങ്ങൾക്ക് മുമ്പ്, ദാതാവ് ക്ഷേത്ര അധികാരികളുമായി ബന്ധപ്പെട്ടിരുന്നു.

    അദ്ദേഹം സംഭാവന വാഗ്ദാനം ചെയ്തതിനെത്തുടർന്ന് ലഭിച്ച സ്വർണ്ണം ശ്രീകോവിലിന്റെ അകത്തെ ഭിത്തിയിലും പ്രധാന ക്ഷേത്ര താഴികക്കുടത്തിന്റെ താഴത്തെ ഭാഗത്തും സ്വർണ്ണം പൂശിയെടുക്കാനുള്ള പദ്ധതിക്കും ക്ഷേത്രം അധികൃതർ അന്തിമ രൂപം നൽകിയിരുന്നു.

    ഈ ജോലി പൂർത്തിയാക്കാൻ ഡൽഹി ആസ്ഥാനമായുള്ള ഒരു സ്ഥാപനം ഏർപ്പെട്ടിരിക്കുകയാണെന്ന് അഗർവാൾ പറഞ്ഞു. സ്ഥാപനത്തിലെ കരകൗശല വിദഗ്ധർ ശ്രീകോവിലിന്റെ ഭിത്തികൾ ചെമ്പ് ഷീറ്റ് കൊണ്ട് വാർപ്പിച്ചു. ഭിത്തിയിൽ ഉറപ്പിച്ച ശേഷം സ്വർണ്ണം പൂശുന്ന പ്രക്രിയ നടന്നു.

    പതിനെട്ടാം നൂറ്റാണ്ടിനുശേഷം ക്ഷേത്രത്തിന്റെ ഏതെങ്കിലും ഭാഗത്ത് സ്വർണ്ണം പൊതിയുന്ന രണ്ടാമത്തെ പ്രധാന സൃഷ്ടിയാണിത്.

    ക്ഷേത്രത്തിന്റെ ചരിത്രമനുസരിച്ച്, 1777-ൽ ഇൻഡോറിലെ രാജ്ഞി മഹാറാണി അഹല്യഭായ് ഹോൾക്കർ ക്ഷേത്രത്തിന്റെ പുനർനിർമ്മാണത്തെത്തുടർന്ന്, പഞ്ചാബിലെ മഹാരാജ രഞ്ജിത് സിംഗ് ഒരു ടൺ സ്വർണം സംഭാവന ചെയ്തിരുന്നു. ഇത് ക്ഷേത്രത്തിന്റെ രണ്ട് താഴികക്കുടങ്ങൾക്കായി ഉപയോഗിച്ചു.

    18-ാം നൂറ്റാണ്ടിനുശേഷം, 2017-ൽ ഉത്തർപ്രദേശിൽ ഭാരതീയ ജനതാ പാർട്ടി അധികാരത്തിൽ വന്നതിന് ശേഷം ക്ഷേത്രത്തിന്റെ ആരാധനാലയ പ്രദേശം വികസിപ്പിക്കുന്നതിനുള്ള പ്രധാന പ്രവർത്തനങ്ങൾ പ്രധാനമന്ത്രി ഉറപ്പാക്കി.

    കെവി ധാം (ഇടനാഴി) എന്ന പേരിൽ 900 കോടിയിലധികം രൂപയുടെ പദ്ധതി ആരംഭിക്കുകയും, ഇതിന് കീഴിൽ ജലസെൻ, മണികർണ്ണിക, ലളിതാ ഘട്ടുകൾ വഴി ഗംഗാ നദിയുമായി നേരിട്ട് ബന്ധിപ്പിച്ചുകൊണ്ട് ശ്രീകോവിലിന്റെ വിസ്തീർണ്ണം 2,700 ചതുരശ്ര അടിയിൽ നിന്ന് അഞ്ച് ലക്ഷം ചതുരശ്ര അടിയായി വികസിപ്പിക്കുന്നതിനായി 300-ലധികം കെട്ടിടങ്ങൾ വാങ്ങുകയും നീക്കം ചെയ്യുകയും ചെയ്തു.

    Summary: An unknown person donated 60 kilograms of gold to Kashi Vishwanath Temple. Of which, 37 kgs were used to coat the walls of sanctum sanctorum
    Published by:user_57
    First published: