By-election Results | Manipur | മണിപ്പൂരിൽ ഉപതെരഞ്ഞെടുപ്പ് നടന്ന അഞ്ചിൽ നാല് സീറ്റും ബി.ജെ.പിക്ക്; ഒരിടത്ത് ബി.ജെ.പി സ്വതന്ത്രൻ

ഇംഫാൽ; മണിപ്പൂരിൽ അഞ്ച് നിയമസഭാ മണ്ഡലങ്ങളിലേക്ക് നടന്ന ഉപതെരഞ്ഞെടുപ്പിൽ നാല് സീറ്റിലും ബി.ജെ.പി വിജയിച്ചു. ഒരു സീറ്റിൽ സ്വതന്ത്ര സ്ഥാനാർഥിക്കാണ് വിജയം. കോൺഗ്രസ് എം‌എൽ‌എമാർ രാജിവച്ച് ഭരണകക്ഷിയായ ബിജെപിയിൽ ചേർന്നതിനെ തുടർന്നാണ് ഉപതെരഞ്ഞെടുപ്പ് വേണ്ടി വന്നത്.

വാങ്കോയ്, സിംഗാട്ട് സീറ്റുകളിലെ ബി.ജെ.പി സ്ഥാനാർഥികളുടെ വിജയമാണ് തെരഞ്ഞെടുപ്പ് കമ്മിഷൻ ഔദ്യോഗികമായി പ്രഖ്യാപിച്ചിത്. വാങ്കോയ് മണ്ഡലത്തിൽ ബി.ജെ.പി സ്ഥാനാർഥി ഓനം ലുഖോയ് സിങ്ങാണ് വിജയിച്ചത്. നാഷണൽ പീപ്പിൾസ് പാർട്ടി സ്ഥാനാർഥി ഖുറൈജം ലോകെൻ സിങ്ങിനെ 257 വോട്ടിനാണ്  ബിജെപി സ്ഥാനാർഥി പരാജയപ്പെടുത്തിയത്.

Also Read ബിഹാറിൽ ബിജെപി ഏറ്റവും വലിയ ഒറ്റകക്ഷിയാകുമോ? അന്തിമഫലം വൈകുമെന്ന് സൂചന

സിംഗാട്ട് മണ്ഡലത്തിൽ ബിജെപിയുടെ ജിൻസുവാൻഹാവ് ആണ് വിജയിച്ചത്. വാങ്കോയ് സീറ്റിലേക്കുള്ള ഉപതിരഞ്ഞെടുപ്പിൽ ബിജെപി സ്ഥാനാർത്ഥി ഓനം ലുഖോയ് സിംഗ് വിജയിച്ചു. ലിലോംഗ് സീറ്റിലാണ് ബി.ജെ.പി പിന്തുണയുള്ള  സ്വതന്ത്ര സ്ഥാനാർത്ഥി വൈ അന്റാസ് ഖാൻ വിജയിച്ചത്.

BJP won 4 out of 5 seats went to bypolls. 5th seat won by independent supporting BJP govt. congratulations @NBirenSingh and team Manipur BJP

— Ram Madhav (@rammadhavbjp) November 10, 2020

വാങ്‌ജിംഗ് ടെന്ത, സൈതു സീറ്റുകളിലെ ഫലമാണ് ഔദ്യോഗികമായി പുറത്തുവരാനുള്ളത്. ഇവിടെയും ബിജെ.പി സ്ഥാനാർഥികളാണ് വിജയിച്ചത്.

Also Read ബിഹാറിൽ CPM മത്സരിച്ചത് നാല് സീറ്റിൽ; മൂന്ന് സീറ്റിൽ ലീഡുമായി മുന്നേറ്റം

വാങ്‌ജിംഗ് ടെന്തയിൽ ബിജെ.പി സ്ഥാനാർഥി പൗനം ബ്രോജെൻ സിംഗ് കോൺഗ്രസിലെ മൊയ്‌റാങ്‌തെം ഹേമന്ത സിംഗിനെയാണ് പരാജയപ്പെടുത്തിയത്.

സൈതു നിയോജകമണ്ഡലത്തിൽ ബിജെപിയിലെ നാങ്മതാങ്  ഹവോകിപ്പ് കോൺഗ്രസ് സ്ഥാനാർഥിയെ പരാജയ്പപെടുത്തി.