രാജ്യത്തെ ന്യൂനപക്ഷങ്ങൾ അനാവശ്യമായി ഭയപ്പെടുന്നു; വോട്ടു ബാങ്കാക്കുന്നവർ അവരെ വളരാൻ അനുവദിക്കുന്നില്ലെന്ന് മോദി

ന്യൂഡൽഹി: രാജ്യത്തെ ന്യൂനപക്ഷങ്ങൾ അനാവശ്യമായി ഭയപ്പെടുകയാണെന്ന് നരേന്ദ്ര മോദി. അവരെ വോട്ടു ബാങ്കാക്കുന്നവർ വളരാൻ അവരെ അനുവദിക്കുന്നില്ലെന്നും മോദി പറഞ്ഞു. അവരുടെ മനസിലെ ഭയം ഇല്ലാതാക്കി വിശ്വാസം ആർജിക്കുമെന്ന് ഉറപ്പു നൽകുന്നതായി മോദി വ്യക്തമാക്കി.

also read: Election Result LIVE: 'തെരഞ്ഞെടുപ്പ് പ്രചാരണം തീർഥയാത്ര പോലെ; ഒറ്റക്കെട്ടായി നാം മതിലുകൾ തകർത്തു'

പാവപ്പെട്ടവരെ വഞ്ചിച്ച അതേ രീതിയിൽ ന്യൂനപക്ഷങ്ങളും വഞ്ചിക്കപ്പെട്ടു കൊണ്ടിരിക്കുകയാണ്. ആ വഞ്ചനയിൽ വിടവ് ഉണ്ടാക്കാൻ നിങ്ങൾക്ക് കഴിയുമെന്നാണ് 2019ൽ ഞാൻ നിങ്ങളിൽ നിന്ന് പ്രതീക്ഷിക്കുന്നത്-മോദി പറഞ്ഞു.

ന്യൂനപക്ഷങ്ങളുടെ വിദ്യാഭ്യാസത്തിലും ആരോഗ്യത്തിലും ശ്രദ്ധ നൽകണമെന്നും മോദി പ്രസംഗത്തിൽആവശ്യപ്പെട്ടു. ദളിതർ, ദരിദ്രർ, ഇരകൾ, പരിഗണന ലഭിക്കാത്തവർ, വനവാസികൾ എന്നിവർക്കായി ഈ സർക്കാർ സമർപ്പിക്കപ്പെട്ടിരിക്കുന്നുവെന്ന് 2014ൽ പറഞ്ഞിരുന്നുവെന്നും അഞ്ച് വർഷങ്ങൾക്കിപ്പുറം അതിൽ നിന്ന് പിന്നോട്ടില്ലെന്ന് പറയാനാഗ്രഹിക്കുന്നുവെന്നും മോദി പറഞ്ഞു.