'കോണ്‍ഗ്രസ് ജു​ഡീ​ഷ​റി​യെ ഭ​യ​പ്പെ​ടു​ത്താ​ൻ ശ്ര​മി​ക്കുന്നു'

ന്യൂ​ഡ​ൽ​ഹി: അ​യോ​ധ്യ​വി​ഷ​യ​ത്തി​ൽ കോ​ൺ​ഗ്ര​സി​നെ ആ​ക്ര​മി​ച്ച് പ്ര​ധാ​ന​മ​ന്ത്രി ന​രേ​ന്ദ്ര മോ​ദി രം​ഗ​ത്ത്. അയോധ്യയിൽ കോൺഗ്രസ് രാഷ്ട്രീയം കളിക്കുകയാണെന്നും പൊതുതിരഞ്ഞെടുപ്പു ചൂണ്ടിക്കാട്ടി അയോധ്യക്കേസ് വൈകിപ്പിക്കാനും കോടതിയിലെ ജഡ്‍ജിമാർക്കിടയിൽ ഭയത്തിന്റെ അന്തരീക്ഷം സൃഷ്ടിക്കാനും കോൺഗ്രസ് ശ്രമിക്കുന്നുവെന്ന് മോദി ആരോപിച്ചു. രാ​മ ക്ഷേ​ത്രം നി​ർ​മാ​ണ​ത്തി​നു നി​യ​മ​നി​ർ​മാ​ണം ന​ട​ത്ത​ണ​മെ​ന്ന് ആ​വ​ശ്യ​പ്പെ​ട്ട് വി​എ​ച്ച്പി​യും ശി​വ​സേ​ന​യും അ​യോ​ധ്യ​യി​ൽ പ്ര​ക്ഷോ​ഭം ന​ട​ത്തു​ന്ന​തി​നി​ടെ​യാ​ണ് മോ​ദി കോ​ൺ​ഗ്ര​സി​നെ ആ​ക്ര​മി​ച്ച് രം​ഗ​ത്തെ​ത്തി​യി​രി​ക്കു​ന്ന​ത്.

‘ജുഡീഷ്യറിയിൽ ഭയത്തിന്റെ അന്തരീക്ഷം സൃഷ്ടിച്ചിരിക്കുകയാണു കോൺഗ്രസ്. 2019 ൽ പൊതുതിരഞ്ഞെടുപ്പ് നടക്കാനുള്ളതിനാൽ അയോധ്യക്കേസിലെ വിചാരണ വൈകിപ്പിക്കണമെന്നു സുപ്രീംകോടതിയോട് ആവശ്യപ്പെട്ടിരിക്കുകയാണ്. സുപ്രീംകോടതി ചീഫ് ജസ്റ്റിസിനെ ഇംപീച്ച് ചെയ്യാൻ സാധ്യമായതെല്ലാം ചെയ്തവരാണു കോൺഗ്രസുകാർ. ഇങ്ങനെയെല്ലാം ചെയ്യുന്നത് എങ്ങനെ സ്വീകാര്യമാകും?’ മോദി ചോദിച്ചു.

'പ്രക്ഷോഭത്തിലൂടെ സുപ്രീം കോടതിയെ എതിർക്കുന്നു'

ലോ​ക്സ​ഭാ തെ​ര​ഞ്ഞെ​ടു​പ്പ് ന​ട​ക്കാ​നി​രി​ക്കു​ന്ന​തി​നാ​ൽ 2019 വ​രെ അ​യോ​ധ്യ​ക്കേ​സ് പ​രി​ഗ​ണി​ക്ക​രു​തെ​ന്ന് കോ​ൺ​ഗ്ര​സ് നേ​താ​വ് ആ​വ​ശ്യ​പ്പെ​ട്ടു. കോ​ൺ​ഗ്ര​സ് നേ​താ​ക്ക​ൾ 2019 ലോ​ക്സ​ഭാ തെ​ര​ഞ്ഞെ​ടു​പ്പി​നു മു​മ്പ് കേ​സി​ൽ പ​രി​ഹാ​രം കാ​ണ​രു​തെ​ന്നാ​ണ് ആ​ഗ്ര​ഹി​ക്കു​ന്ന​ത്. രാ​ജ്യ​ത്തി​ന്‍റെ നീ​തി​ന്യാ​യ വ്യ​വ​സ്ഥ​യെ രാ​ഷ്ട്രീ​യ​ത്തി​ലേ​ക്ക് വ​ലി​ച്ചി​ഴ​യ്ക്കു​ന്ന​ത് ശ​രി​യാ​ണോ​യെ​ന്ന് മോ​ദി ചോ​ദി​ച്ചു. അ​യോ​ധ്യ​പോ​ലു​ള്ള വൈ​കാ​രി​ക വി​ഷ​യ​ത്തി​ൽ നീ​തി​ന​ട​പ്പാ​ക്കാ​ൻ ശ്ര​മി​ക്കു​ന്ന സു​പ്രീം കോ​ട​തി ജ​ഡ്ജി​മാ​രെ ചി​ല കോ​ൺ​ഗ്ര​സ് അ​ഭി​ഭാ​ഷ​ക​ർ ഇം​പീ​ച്ച്മെ​ന്‍റു​കാ​ട്ടി ഭ​യ​പ്പെ​ടു​ത്തു​ക​യാ​ണെ​ന്നും അ​ദ്ദേ​ഹം ആ​രോ​പി​ക്കു​ന്നു.

ഇ​ത് അ​പ​ക​ട​ക​ര​മാ​യ ക​ളി​യാ​ണ്. കോ​ൺ​ഗ്ര​സി​നു ജു​ഡീ​ഷ​റി​യി​ൽ വി​ശ്വാ​സ​മി​ല്ല. രാ​ജ്യ​സ​ഭ​യി​ലെ അം​ഗ​ബ​ലം കാ​ട്ടി അ​വ​ർ ജു​ഡീ​ഷ​റി​യെ ഭ​യ​പ്പെ​ടു​ത്താ​ൻ ശ്ര​മി​ക്കു​ക​യാ​ണ്. ജ​ഡ്ജി​മാ​രോ​ട് പ​റ​യാ​നു​ള്ള​ത് ഭ​യ​പ്പെ​ടാ​തെ നീ​തി​യു​ടെ പാ​ത​യി​ൽ മു​ന്നോ​ട്ടു​പോ​ക​ണ​മെ​ന്നാ​ണ്- മോ​ദി കൂ​ട്ടി​ച്ചേ​ർ​ത്തു.