Ayodhya| 'ശ്രീരാമദേവൻ ഇച്ഛിക്കുന്നത് ഇതാവും' ; ശിലാന്യാസത്തിന്റെ ആദ്യ ക്ഷണക്കത്ത് യഥാർത്ഥ പരാതിക്കാരനായ ഇക്ബാൽ അൻസാരിക്ക്

ന്യൂഡല്‍ഹി: അയോധ്യയിൽ നാളെ നടക്കുന്ന ക്ഷേത്ര ഭൂമി പൂജാ ചടങ്ങിലേക്ക് ആദ്യക്ഷണം ലഭിച്ചത് കേസിലെ യഥാർത്ഥ പരാതിക്കാരനായ ഇക്ബാൽ അൻസാരിക്ക്. 'ശ്രീരാമദേവന്റെ ഇച്ഛ അതാകും, ആദ്യ ക്ഷണം എനിക്ക് തന്നെ നല്‍കണമെന്ന്. ഈ ക്ഷണം ഞാന്‍ സ്വീകരിക്കുന്നു. ഹിന്ദുക്കളും മുസ്ലിങ്ങളും സൗഹാര്‍ദ്ദത്തില്‍ ജീവിക്കുന്ന ഭൂമിയാണ് അയോധ്യ. ക്ഷേത്ര ഭൂമിയില്‍ പൂജ നടക്കണം. അതിനായി പ്രധാനമന്ത്രി നരേന്ദ്രമോദി അയോധ്യയിലേക്ക് എത്തുകയാണ്'' - അന്‍സാരി പറയുന്നു.

''ക്ഷേത്രം നിർമിക്കുന്നതോടെ അയോധ്യയുടെ ഭാഗധേയം തന്നെ മാറും. കൂടുതൽ സുന്ദരമാകും. കൂടുതൽ തൊഴിലവസരങ്ങൾ ഉണ്ടാകും. ഭാവിയിൽ ലോകത്തിന്റെ വിവിധ ഭാഗങ്ങളിൽ നിന്ന് ഇവിടേക്ക് തീർത്ഥാടകരെത്തും''- അദ്ദേഹം കൂട്ടിച്ചേർത്തു. ''ഈലോകം നിലനിൽക്കുന്നതുതന്നെ പ്രതീക്ഷയിലാണ്. അയോധ്യയിൽ ഒരു മതപരമായ ചടങ്ങ് നടക്കുകയാണെങ്കിൽ, എന്നെ വിളിച്ചാൽ പോകുമെന്ന് നേരത്തെ പറഞ്ഞതാണ്. ദേവന്മാരുടെ ദേവിമാരുടെയും സന്യാസിമാരുടെ നാടാണ് അയോധ്യ. അവിടെ രാമക്ഷേത്രം നിർമിക്കുന്നതിൽ സന്തോഷമുണ്ട്''- അൻസാരി പറഞ്ഞു.

TRENDING:Gold Smuggling| സ്വർണക്കടത്ത് കേസ് അന്വേഷണം യുഎഇയിലേക്ക്; യാത്രാനുമതി തേടി NIA[NEWS]Treasury Fraud| ട്രഷറി തട്ടിപ്പ് കേസ് അന്വേഷണം ജില്ലാ ക്രൈംബ്രാഞ്ചിന്; സൈബർ വിദഗ്ധരും സംഘത്തിൽ[NEWS]TikTok| സെപ്റ്റംബർ 15 വരെ സമയം; അമേരിക്കൻ കമ്പനിക്ക് വിറ്റില്ലെങ്കിൽ ടിക് ടോക്ക് നിരോധിക്കുമെന്ന് ട്രംപ്[NEWS]

നാളെ പ്രധാനമന്ത്രി നരേന്ദ്രമോദി ക്ഷേത്രത്തിന്റെ ശിലാന്യാസം നടത്തും. വിവിധ സംസ്ഥാനങ്ങളിലെ മുഖ്യമന്ത്രിമാരും കേന്ദ്ര മന്ത്രിമാരും ആർഎസ്എസ് അധ്യക്ഷൻ മോഹൻ ഭാഗവതും അടക്കമുള്ളവർ പങ്കെടുക്കുന്ന ഭൂമിപൂജ ചടങ്ങിന് ശേഷമാകും ക്ഷേത്രനിർമാണം ആരംഭിക്കുക.