• HOME
  • »
  • NEWS
  • »
  • india
  • »
  • National Herald Case: സോണിയ ഗാന്ധി ജുലൈ 21ന് ഹാജരാകണം; ഇ.ഡി പുതിയ നോട്ടീസ് നൽകി

National Herald Case: സോണിയ ഗാന്ധി ജുലൈ 21ന് ഹാജരാകണം; ഇ.ഡി പുതിയ നോട്ടീസ് നൽകി

ജൂൺ 8 ന് ഹാജരാകാൻ ഗാന്ധിക്ക് ആദ്യം നോട്ടീസ് അയച്ചെങ്കിലും അവർക്ക് കോവിഡ് -19 പോസിറ്റീവ് സ്ഥിരീകരിച്ചതോടെ ഹാജരായിരുന്നില്ല

  • Last Updated :
  • Share this:
    നാഷണൽ ഹെറാൾഡ് കേസിൽ ജൂലൈ 21 ന് ഏജൻസിക്ക് മുമ്പാകെ ഹാജരാകാൻ കോൺഗ്രസ് അധ്യക്ഷ സോണിയ ഗാന്ധിക്ക് എൻഫോഴ്സ്മെന്റ് ഡയറക്ടറേറ്റ് (ഇഡി) തിങ്കളാഴ്ച സമൻസ് അയച്ചു. 75 കാരിയായ കോൺഗ്രസ് നേതാവ് കോവിഡ് -19 ബാധിച്ചതിനെ തുടർന്നുള്ള അനാരോഗ്യം ചൂണ്ടിക്കാട്ടി ഹാജരാകുന്നത് മാറ്റിവയ്ക്കണമെന്ന് ആവശ്യപ്പെട്ട് അന്വേഷണ ഏജൻസിക്ക് നേരത്തെ കത്തയച്ചിരുന്നു.

    “കോവിഡും ശ്വാസകോശ അണുബാധയും കാരണം ആശുപത്രിയിൽ പ്രവേശിപ്പിച്ചതിനെത്തുടർന്ന് വീട്ടിൽ വിശ്രമിക്കാൻ ഡോക്ടർമാർ കർശനമായി നിർദ്ദേശിച്ചു” എന്നതിന്റെ അടിസ്ഥാനത്തിൽ ജൂൺ 23 ന് ഹാജരാകാൻ ഇ.ഡി നൽകിയ നോട്ടീസിലെ ആവശ്യം മാറ്റിവയ്ക്കണമെന്ന് സോണിയ ആവശ്യപ്പെട്ടിരുന്നു. ചോദ്യം ചെയ്യൽ മാറ്റിവയ്ക്കാനുള്ള അപേക്ഷ എൻഫോഴ്‌സ്‌മെന്റ് ഡയറക്ടറേറ്റ് സ്വീകരിക്കുകയും ജൂലൈ അവസാന വാരം ഹാജരായി മൊഴി രേഖപ്പെടുത്താൻ ആവശ്യപ്പെടുകയും ചെയ്തിരുന്നു.

    ജൂൺ 8 ന് ഹാജരാകാൻ ഗാന്ധിക്ക് ആദ്യം നോട്ടീസ് അയച്ചെങ്കിലും അവർക്ക് കോവിഡ് -19 പോസിറ്റീവ് സ്ഥിരീകരിച്ചതോടെ ഹാജരായിരുന്നില്ല. കോവിഡുമായി ബന്ധപ്പെട്ട സങ്കീർണതകളെ തുടർന്ന് ജൂൺ 12 നാണ് കോൺഗ്രസ് അധ്യക്ഷയെ ഡൽഹിയിലെ സർ ഗംഗാറാം ആശുപത്രിയിൽ പ്രവേശിപ്പിച്ചത്. ജൂൺ 20ന് സോണിയയെ ഡിസ്ചാർജ് ചെയ്തു. ഇതേ കേസിൽ മകനും കോൺഗ്രസ് മുൻ അധ്യക്ഷനുമായ രാഹുൽ ഗാന്ധിയെ അഞ്ച് ദിവസത്തിനിടെ 54 മണിക്കൂർ ഇഡി ചോദ്യം ചെയ്തു വിട്ടയച്ചിരുന്നു.

    നാഷണൽ ഹെറാൾഡ് കേസ്

    2016 മുതൽ നാഷണൽ ഹെറാൾഡ് കേസ് അന്വേഷിച്ചിരുന്ന ആദായനികുതി വകുപ്പ് നാഷണൽ ഹെറാൾഡ് പത്രത്തിന്റെ ഉടമസ്ഥതയിലുള്ള കോൺഗ്രസ് പ്രമോട്ട് ചെയ്ത യംഗ് ഇന്ത്യൻ പ്രൈവറ്റ് ലിമിറ്റഡിൽ സാമ്പത്തിക ക്രമക്കേട് ആരോപിച്ച് കുറ്റപത്രം സമർപ്പിച്ചിരുന്നു. സോണിയാ ഗാന്ധിയും മകനും യംഗ് ഇന്ത്യൻ കമ്പനിയുടെ പ്രൊമോട്ടർമാരിലും ഭൂരിഭാഗം ഓഹരികളും സ്വന്തമാക്കിയിരുന്നു, ഇവർക്ക് കമ്പനിയിൽ 38 ശതമാനം ഓഹരിയുണ്ട്.

    2013-ൽ സുബ്രഹ്മണ്യൻ സ്വാമി നൽകിയ ഒരു സ്വകാര്യ ക്രിമിനൽ പരാതിയുടെ അടിസ്ഥാനത്തിൽ യംഗ് ഇന്ത്യയ്‌ക്കെതിരായ ആദായനികുതി വകുപ്പിന്റെ അന്വേഷണം ഡൽഹി വിചാരണ കോടതി പരിഗണിച്ചതിന് ശേഷം പൊതുതാൽപര്യ ഹർജിയിൽ ക്രിമിനൽ വകുപ്പുകൾ പ്രകാരം ഇഡി പുതിയ കേസ് രജിസ്റ്റർ ചെയ്യുകയും സോണിയയ്ക്കും രാഹലിനുമെതിരെ അന്വേഷണം ആരംഭിക്കുകയുമായിരുന്നു. അസോസിയേറ്റഡ് ജേണൽസ് ലിമിറ്റഡ് (എജെഎൽ) കോൺഗ്രസിന് നൽകാനുള്ള 90.25 കോടി രൂപ തിരിച്ചുപിടിക്കാനുള്ള അവകാശം നേടിയെടുക്കാൻ 50 ലക്ഷം രൂപ മാത്രമാണ് യംഗ് ഇന്ത്യൻ നൽകിയത്.

    2021 ഫെബ്രുവരിയിൽ, സ്വാമിയുടെ അപേക്ഷയോടുള്ള പ്രതികരണത്തിനായി ഡൽഹി ഹൈക്കോടതി സോണിയയ്ക്കും രാഹുലിനും നോട്ടീസ് അയച്ചു, വിചാരണ കോടതിക്ക് മുമ്പാകെയുള്ള വിഷയത്തിൽ തെളിവ് നൽകാൻ ആവശ്യപ്പെട്ടു. ഈ കേസിൽ കോൺഗ്രസ് നേതാക്കളായ മല്ലികാർജുൻ ഖാർഗെയെയും പവൻ ബൻസാലിനെയും ഏപ്രിലിൽ ഇഡി ചോദ്യം ചെയ്തിരുന്നു.

    അതേസമയം, അന്വേഷണ ഏജൻസികളെ ദുരുപയോഗം ചെയ്തുകൊണ്ട് പ്രതിപക്ഷ നേതാക്കളെ കേന്ദ്രസർക്കാർ ലക്ഷ്യമിടുന്നുവെന്ന് കോൺഗ്രസ് ആരോപിച്ചു, നേതാക്കൾക്കെതിരെ ഇപ്പോൾ നടക്കുന്ന അന്വേഷണം "രാഷ്ട്രീയ പകപോക്കൽ" ആണെന്ന് പാർട്ടി നേതൃത്വം വിശേഷിപ്പിച്ചു.
    Published by:Anuraj GR
    First published: