'നിർഭയ കൊലയാളികളെ ഞാൻ തൂക്കിലേറ്റാം': ആഭ്യന്തര മന്ത്രിക്ക് ചോര കൊണ്ട് കത്തെഴുതി ലോകഷൂട്ടിംഗ് താരം

ന്യൂഡൽഹി: നിർഭയ കേസിലെ പ്രതികളെ തൂക്കിലേറ്റാന്‍ അനുവദിക്കണമെന്ന ആഗ്രഹവുമായി ഷൂട്ടിംഗ് താരം. അന്തർദേശീയ ഷൂട്ടിംഗ് മത്സരങ്ങളിൽ ഇന്ത്യയെ പ്രതിനിധീകരിക്കുന്ന വർത്തിക സിംഗ് ആണ് കേസിലെ നാല് പ്രതികളെയും തൂക്കിലേറ്റാൻ തന്നെ അനുവദിക്കണമെന്ന ആഗ്രവുമായി രംഗത്തെത്തിയിരിക്കുന്നത്. ഇതേ ആവശ്യം ചോര കൊണ്ടെഴുതിയ കത്തായി കേന്ദ്ര ആഭ്യന്തര മന്ത്രി അമിത് ഷായ്ക്ക് അയച്ചിരിക്കുകയാണ് വർത്തിക.

Also Read-നിർഭയ കേസിലെ പ്രതികൾക്ക് ആരാച്ചാർ ഉത്തർപ്രദേശിൽനിന്ന് ? ആരാണ് പവൻ ജലാദ് ?

തങ്ങൾക്ക് നേരെ അതിക്രമം കാട്ടുന്ന ആളുകളുടെ വധശിക്ഷ നടപ്പാക്കാൻ സ്ത്രീകൾക്ക് കഴിയുമെന്ന സന്ദേശം നൽകാനാണ് ഇത്തരമൊരു കാര്യം താൻ ആഗ്രഹിക്കുന്നതെന്നാണ് ഇവർ പറയുന്നത്. തന്റെ ഈ ഉദ്യമത്തിന് കലാ-സാംസ്കാരികം ഉൾപ്പെടെ വിവിധ മേഖലകളിൽ നിന്നുള്ള സ്ത്രീകളുടെ പിന്തുണ വേണമെന്നും വർത്തിക ആവശ്യപ്പെട്ടിട്ടുണ്ട്.

Also Read-'നിർഭയ പ്രതികളുടെ ആരാച്ചാരാകാൻ ഞാൻ തയാർ'; അനുമതി തേടിയത് പാലാക്കാരൻ

നിർഭയ കേസിലെ പ്രതികളുടെ വധശിക്ഷ ഉടൻ തന്നെ നടപ്പിലാകുമെന്ന് റിപ്പോർട്ടുകൾ പുറത്തു വരുന്നുണ്ട്. ഇവരെ തൂക്കിലേറ്റായി യുപിയിൽ നിന്ന് ആരാച്ചാർ എത്തുമെന്നും തിഹാർ ജയിലിൽ ഇതിനായുള്ള നടപടിക്രമങ്ങൾ ആരംഭിച്ചിട്ടുണ്ടെന്നുമാണ് റിപ്പോർട്ട്.