'തെരഞ്ഞെടുപ്പ് ഇന്ത്യയുടെ ഭാവിയെ നിർണ്ണയിക്കുന്നതിൽ നിന്ന് കേവലം ഒരു ആചാരമാകുമെന്ന അപകടത്തിലേക്കാണ് ഇപ്പോഴത്തെ പോക്ക്'
'ഭരണഘടനയെ തകർക്കുകവഴി നമ്മുടെ രാജ്യത്തിന്റെ കെട്ടുറപ്പിനെ നശിപ്പിക്കുന്നതിനുള്ള ശ്രമം നടക്കുന്നുണ്ട്. ഒരു തരത്തിലും ഞാൻ ഈ പോരാട്ടത്തിൽ നിന്ന് പിന്നോട്ട് പോകില്ല. കോൺഗ്രസ് പാർട്ടിയുടെ വിശ്വസ്തനായ ഒരു സൈനികനും ഇന്ത്യയുടെ അർപ്പണബോധമുള്ള മകനുമാണ് ഞാൻ'
രാഹുൽ ഗാന്ധി
- News18
- Last Updated :
ന്യൂഡൽഹി: 'തെരഞ്ഞെടുപ്പ് ഇന്ത്യയുടെ ഭാവിയെ നിർണ്ണയിക്കുന്നതിൽ നിന്ന് കേവലം ഒരു ആചാരമാകുമെന്ന അപകടത്തിലേക്കാണ് ഇപ്പോഴത്തെ പോക്കെന്ന് രാഹുൽ ഗാന്ധി. ഔദ്യോഗികമായി നൽകിയ രാജിക്കത്തിലാണ് ഇക്കാര്യം പറഞ്ഞത്. പുതിയ അധ്യക്ഷനെ താന്‍ നാമനിര്‍ദേശം ചെയ്യണമെന്ന് പല സഹപ്രവര്‍ത്തകരും ആവശ്യപ്പെട്ടിരുന്നു. അത് ശരിയാണെന്ന് താന്‍ വിചാരിക്കുന്നില്ല. പാര്‍ട്ടി തന്നെ പുതിയ അധ്യക്ഷനെ തെരഞ്ഞെടുക്കണമെന്നും രാഹുല്‍ കത്തില്‍ പറയുന്നു.
നമ്മുടെ സുന്ദര രാഷ്ട്രത്തിന്റെ ജീവരക്തമായി വർത്തിച്ച കോൺഗ്രസ് പാർട്ടിയെ സേവിക്കുന്നത് എന്നെ സംബന്ധിച്ചിടത്തോളം ഒരു ബഹുമതിയാണ്. രാജ്യത്തോടും എന്റെ പ്രസ്ഥാനത്തോടും നന്ദിയും കടപ്പാടും രേഖപ്പെടുത്തുന്നു
2019 ലെ തിരഞ്ഞെടുപ്പിൽ പരാജയപ്പെട്ടതിന് കോൺഗ്രസ് പാർട്ടി പ്രസിഡന്റ് എന്ന നിലയിൽ ഞാൻ ഉത്തരവാദിയാണ്. തെരഞ്ഞെടുപ്പ് പരാജയത്തിന്‍റെ ഉത്തരവാദിത്തം ഏറ്റെടുക്കേണ്ടത് പാര്‍ട്ടിയുടെ ഭാവിക്ക് അത്യന്താപേക്ഷിതമാണ്. പാർട്ടിയെ പുനർ‌നിർമ്മിക്കുന്നതിന്‌ കടുത്ത തീരുമാനങ്ങൾ ആവശ്യമുണ്ട്, കൂടാതെ 2019 ലെ പരാജയത്തെ മറികടക്കാൻ കൂടുതൽ പേരെ ഉത്തരവാദിത്വത്തിലേക്ക് കൊണ്ടുവരേണ്ടതുണ്ട്.
എന്റെ സഹപ്രവർത്തകരിൽ പലരും അടുത്ത കോൺഗ്രസ് പ്രസിഡന്റിനെ നാമനിർദ്ദേശം ചെയ്യാൻ നിർദ്ദേശിച്ചു. ഞങ്ങളുടെ പാർട്ടിയെ നയിക്കുന്നത് പുതിയ ഒരാൾക്ക് പ്രധാനമാണെങ്കിലും, ആ വ്യക്തിയെ ഞാൻ തിരഞ്ഞെടുക്കുന്നത് ശരിയല്ല. അഗാധമായ ചരിത്രവും പൈതൃകവുമുള്ള ഒരു പാർട്ടിയാണ് നമ്മുടേത്, ഞാൻ അഗാധമായി ബഹുമാനിക്കുന്ന പോരാട്ടവും അന്തസ്സുമുള്ള പാർട്ടി. ധൈര്യം, സ്നേഹം, വിശ്വസ്തത എന്നിവയോടെ ആരാണ് ഞങ്ങളെ നയിക്കുന്നത് എന്നതിനെക്കുറിച്ച് പാർട്ടി തീരുമാനമെടുക്കുമെന്ന് ഞാൻ വിശ്വസിക്കുന്നു.
പുതിയ പ്രസിഡന്റിനായുള്ള അന്വേഷണം ആരംഭിക്കുകയെന്ന ചുമതല ഒരു കൂട്ടം ആളുകളെ ഏൽപ്പിക്കണമെന്ന കാര്യം, രാജിവച്ച ഉടനെ, കോൺഗ്രസ് വർക്കിംഗ് കമ്മിറ്റിയിലെ എന്റെ സഹപ്രവർത്തകരോട് ഞാൻ നിർദ്ദേശിച്ചിട്ടുണ്ട്. പുതിയ പ്രസിഡന്റിനെ കണ്ടെത്തുന്ന നടപടിക്ക് എന്റെ പൂർണ പിന്തുണയുണ്ടാകും. ഇത്രയുംകാലത്തെ അനുഭവത്തിൽനിന്ന് അവർക്ക് അത് സാധിക്കുമെന്ന് ഉറപ്പാണ്.
എന്റെ പോരാട്ടം ഒരിക്കലും രാഷ്ട്രീയ അധികാരത്തിനായുള്ള പോരാട്ടമായിരുന്നില്ല. എനിക്ക് ബിജെപിയോട് വിദ്വേഷമോ കോപമോ ഇല്ല, പക്ഷേ എന്റെ ശരീരത്തിലെ ഓരോ ജീവനുള്ള കോശവും ഇന്ത്യയെക്കുറിച്ചുള്ള അവരുടെ ആശയത്തെ സഹജമായി എതിർക്കുന്നു. ഇതൊരു പുതിയ യുദ്ധമല്ല, ആയിരക്കണക്കിനു വർഷങ്ങളായി ഇത് നമ്മുടെ മണ്ണിൽ നടക്കുന്നു. അവർ വ്യത്യാസങ്ങൾ കാണുന്നിടത്ത് ഞാൻ സമാനത കാണുന്നു. അവർ വിദ്വേഷം കാണുന്നിടത്ത്, ഞാൻ സ്നേഹം കാണുന്നു. അവർ ഭയപ്പെടുന്നത് ഞാൻ സ്വീകരിക്കുന്നു.
അനുകമ്പയുള്ള ഈ ആശയം ദശലക്ഷക്കണക്കിന് ആളുകളുടെയും എന്റെ പ്രിയപ്പെട്ട ഇന്ത്യക്കാരുടെയും ഹൃദയത്തിൽ വ്യാപിക്കുന്നു. ഇന്ത്യയുടെ ഈ ആശയം ഉപയോഗിച്ചാണ് ഞങ്ങൾ ഇപ്പോൾ ശക്തമായി പ്രതിരോധിക്കുന്നത്.
ഭരണഘടനയെ തകർക്കുകവഴി നമ്മുടെ രാജ്യത്തിന്റെ കെട്ടുറപ്പിനെ നശിപ്പിക്കുന്നതിനുള്ള ശ്രമം നടക്കുന്നുണ്ട്. ഒരു തരത്തിലും ഞാൻ ഈ പോരാട്ടത്തിൽ നിന്ന് പിന്നോട്ട് പോകുന്നില്ല. കോൺഗ്രസ് പാർട്ടിയുടെ വിശ്വസ്തനായ ഒരു സൈനികനും ഇന്ത്യയുടെ അർപ്പണബോധമുള്ള മകനുമാണ് ഞാൻ. എന്റെ അവസാന ശ്വാസം വരെ രാജ്യത്തെ സേവിക്കുകയും സംരക്ഷിക്കുകയും ചെയ്യും.
ശക്തവും അന്തസ്സുള്ളതുമായ ഒരു തിരഞ്ഞെടുപ്പിൽ ഞങ്ങൾ പോരാടി. സാഹോദര്യം, സഹിഷ്ണുത, ഇന്ത്യയിലെ എല്ലാ ആളുകളെയും മതങ്ങളെയും സമുദായങ്ങളെയുമെല്ലാം ബഹുമാനിക്കുന്നതരത്തിലുള്ള ഒന്നായിരുന്നു ഞങ്ങളുടെ പ്രചരണം. പ്രധാനമന്ത്രിയോടും ആർ‌എസ്‌എസിനോടും അവർ പിടിച്ചെടുത്ത സ്ഥാപനങ്ങളോടും ഞാൻ വ്യക്തിപരമായി പോരാടി. ഞാൻ ഇന്ത്യയെ സ്നേഹിക്കുന്നതിനാലായിരുന്നു ഈ പോരാട്ടം. ചില സമയങ്ങളിൽ ഒറ്റയ്ക്കായി, എന്നാൽ അതിൽ ഞാൻ അഭിമാനിക്കുന്നു. സ്നേഹത്തെയും ആർജവത്തെയും കുറിച്ച് പാർട്ടി പ്രവർത്തകരിൽനിന്ന് ഒരുപാട് പഠിക്കാനായി. ഇതേക്കുറിച്ച് സ്ത്രീകൾ ഉൾപ്പടെയുള്ള പാർട്ടി പ്രവർത്തകർ ഒരുപാട് കാര്യങ്ങൾ പറഞ്ഞുതന്നു.
സ്വതന്ത്രവും നീതിയുക്തവുമായ തിരഞ്ഞെടുപ്പിന് ഒരു രാജ്യത്തിന്റെ സ്ഥാപനങ്ങളുടെ നിഷ്പക്ഷത ആവശ്യമാണ്. സ്വതന്ത്രമായ മാധ്യമ സംവിധാനം, സ്വതന്ത്രമായ ജുഡീഷ്യറി, വസ്തുനിഷ്ഠവും നിഷ്പക്ഷവുമായ സുതാര്യമായ തിരഞ്ഞെടുപ്പ് കമ്മീഷൻ എന്നിവ ഇല്ലാതെ ഒരു തിരഞ്ഞെടുപ്പ് നീതിയുക്തമാകുകയില്ല. ഒരു പാർട്ടിക്ക് സാമ്പത്തിക സ്രോതസ്സുകളിൽ സമ്പൂർണ്ണ കുത്തകയുണ്ടെങ്കിൽ തിരഞ്ഞെടുപ്പ് സ്വതന്ത്രമാകുകയുമില്ല.
2019 ലെ തിരഞ്ഞെടുപ്പിൽ ഞങ്ങൾ ഒരു രാഷ്ട്രീയ പാർട്ടിയോട് യുദ്ധം ചെയ്തിട്ടില്ല. മറിച്ച്, ഇന്ത്യൻ ഭരണകൂടത്തിന്റെ മുഴുവൻ സംവിധാനങ്ങളോടും ഞങ്ങൾ പോരാടി. അതിന്റെ എല്ലാ സ്ഥാപനങ്ങളും പ്രതിപക്ഷത്തിനെതിരെ അണിനിരന്നു. ഒരിക്കൽ വിലമതിച്ചിരുന്ന നമ്മുടെ സ്ഥാപനങ്ങളുടെ നിഷ്പക്ഷത ഇന്ത്യയിൽ നിലവിലില്ല എന്നത് ഇപ്പോൾ വ്യക്തമാണ്.
നമ്മുടെ രാജ്യത്തിന്റെ ഭരണഘടനാ സ്ഥാപനങ്ങൾ പിടിച്ചെടുക്കുന്ന ആർ‌എസ്‌എസിന്റെ പ്രഖ്യാപിത ലക്ഷ്യങ്ങൾ ഇപ്പോൾ പൂർ‌ത്തിയായിരിക്കുന്നു. നമ്മുടെ ജനാധിപത്യം അടിസ്ഥാനപരമായി ദുർബലപ്പെട്ടിരിക്കുന്നു. ഇനിമുതൽ തെരഞ്ഞെടുപ്പ് ഇന്ത്യയുടെ ഭാവിയെ നിർണ്ണയിക്കുന്നതിൽ നിന്ന് കേവലം ഒരു ആചാരമാകുമെന്ന അപകടത്തിലേക്കാണ് ഇപ്പോഴത്തെ പോക്ക്.
ഈ അധികാരം പിടിച്ചെടുക്കൽ ഇന്ത്യയെ സങ്കൽപ്പിക്കാൻ കഴിയാത്തവിധം അക്രമത്തിനും വേദനയ്ക്കും ഇടയാക്കും. കൃഷിക്കാർ, തൊഴിലില്ലാത്ത ചെറുപ്പക്കാർ, സ്ത്രീകൾ, ഗോത്രവർഗക്കാർ, ദലിതർ, ന്യൂനപക്ഷങ്ങൾ എന്നിവരാണ് ഏറ്റവും കൂടുതൽ ദുരിതമനുഭവിക്കാൻ പോകുന്നത്. നമ്മുടെ സ്വന്തം സമ്പദ്‌വ്യവസ്ഥയുടെയും രാജ്യത്തിന്റെ പെരുമയ്ക്കും ഏൽക്കുന്ന ആഘാതം വലുതായിരിക്കും. പ്രധാനമന്ത്രിയുടെ വിജയം അദ്ദേഹത്തിനെതിരായ അഴിമതി ആരോപണങ്ങളുടെ വിശാലതയെ നിരാകരിക്കുന്നില്ല. പണത്തിനും പ്രചാരണത്തിനും ഒരിക്കലും സത്യത്തിന്റെ വെളിച്ചം മറയ്ക്കാനാകില്ല.
നമ്മുടെ സ്ഥാപനങ്ങൾ വീണ്ടെടുക്കാനും പുനരുജ്ജീവിപ്പിക്കാനും ഇന്ത്യഒന്നിക്കണം. ഈ പുനരുജ്ജീവനത്തിന്റെ ചുക്കാൻ പിടിക്കാൻ കോൺഗ്രസ് പാർട്ടിയ്ക്ക് സാധിക്കണം.
ഈ സുപ്രധാന ദൗത്യം നേടാൻ കോൺഗ്രസ് പാർട്ടി സമൂലമായി സ്വയം മാറ്റത്തിന് വിധേയമാകണം. ഇന്ന് ഇന്ത്യൻ ജനതയുടെ ശബ്ദം ആസൂത്രിതമായി തകർക്കുകയാണ് ബിജെപി ചെയ്യുന്നത്. ഇതിനെ പ്രതിരോധിക്കുകയെന്നതാണ് കോൺഗ്രസ് പാർട്ടിയുടെ കടമ. ഇന്ത്യ ഉയർത്തേണ്ടത് ഒരൊറ്റ ശബ്ദം മാത്രമല്ല.
എനിക്ക് കത്തുകളും പിന്തുണച്ചുകൊണ്ടുള്ള സന്ദേശങ്ങളും അയച്ച രാജ്യത്തിനകത്തും പുറത്തുമുള്ള ആയിരക്കണക്കിന് ഇന്ത്യക്കാർക്ക് നന്ദി. കോൺഗ്രസ് പാർട്ടിയുടെ ആശയങ്ങൾക്കുവേണ്ടിയുള്ള പോരാട്ടത്തിൽ തീർച്ചയായും ഞാൻ തുടരും. എന്റെ സേവനവും ഉപദേശവും എവിടെയാണോ ആവശ്യമുള്ളത് അപ്പോഴെല്ലാം ഞാൻ അവിടെയുണ്ടാകും.
കോൺഗ്രസ് പ്രത്യയശാസ്ത്രത്തെ പിന്തുണയ്ക്കുന്നവരോട്, പ്രത്യേകിച്ച് ഞങ്ങളുടെ പ്രിയപ്പെട്ട പ്രവർത്തകരോട്, മുന്നോട്ടുള്ളപോക്കിൽ എനിക്ക് തികഞ്ഞ വിശ്വാസമുണ്ട്, നിങ്ങളോട് അങ്ങേയറ്റം സ്നേഹമുണ്ട്. ശക്തരായ അധികാരത്തോട് പറ്റിനിൽക്കുന്ന ആരും അധികാരത്തെ ത്യജിക്കുന്നില്ല എന്നത് ഇന്ത്യയിലെ ഒരു ശീലമാണ്. എന്നാൽ അധികാരത്തിനായുള്ള ആഗ്രഹം ത്യജിക്കാതെ നമ്മുടെ എതിരാളികളെ പരാജയപ്പെടുത്താനാകുകയില്ല. ഞാൻ ജനിച്ചത് ഒരു കോൺഗ്രസുകാരനായാണ്ണ്, ഈ പാർട്ടി എല്ലായ്പ്പോഴും എന്നോടൊപ്പമുണ്ട്, അത് എന്റെ ജീവിതത്തിന്റെ രക്തമാണ്, അത് എല്ലായ്പ്പോഴും നിലനിൽക്കും.
നമ്മുടെ സുന്ദര രാഷ്ട്രത്തിന്റെ ജീവരക്തമായി വർത്തിച്ച കോൺഗ്രസ് പാർട്ടിയെ സേവിക്കുന്നത് എന്നെ സംബന്ധിച്ചിടത്തോളം ഒരു ബഹുമതിയാണ്. രാജ്യത്തോടും എന്റെ പ്രസ്ഥാനത്തോടും നന്ദിയും കടപ്പാടും രേഖപ്പെടുത്തുന്നു
2019 ലെ തിരഞ്ഞെടുപ്പിൽ പരാജയപ്പെട്ടതിന് കോൺഗ്രസ് പാർട്ടി പ്രസിഡന്റ് എന്ന നിലയിൽ ഞാൻ ഉത്തരവാദിയാണ്. തെരഞ്ഞെടുപ്പ് പരാജയത്തിന്‍റെ ഉത്തരവാദിത്തം ഏറ്റെടുക്കേണ്ടത് പാര്‍ട്ടിയുടെ ഭാവിക്ക് അത്യന്താപേക്ഷിതമാണ്. പാർട്ടിയെ പുനർ‌നിർമ്മിക്കുന്നതിന്‌ കടുത്ത തീരുമാനങ്ങൾ ആവശ്യമുണ്ട്, കൂടാതെ 2019 ലെ പരാജയത്തെ മറികടക്കാൻ കൂടുതൽ പേരെ ഉത്തരവാദിത്വത്തിലേക്ക് കൊണ്ടുവരേണ്ടതുണ്ട്.
എന്റെ സഹപ്രവർത്തകരിൽ പലരും അടുത്ത കോൺഗ്രസ് പ്രസിഡന്റിനെ നാമനിർദ്ദേശം ചെയ്യാൻ നിർദ്ദേശിച്ചു. ഞങ്ങളുടെ പാർട്ടിയെ നയിക്കുന്നത് പുതിയ ഒരാൾക്ക് പ്രധാനമാണെങ്കിലും, ആ വ്യക്തിയെ ഞാൻ തിരഞ്ഞെടുക്കുന്നത് ശരിയല്ല. അഗാധമായ ചരിത്രവും പൈതൃകവുമുള്ള ഒരു പാർട്ടിയാണ് നമ്മുടേത്, ഞാൻ അഗാധമായി ബഹുമാനിക്കുന്ന പോരാട്ടവും അന്തസ്സുമുള്ള പാർട്ടി. ധൈര്യം, സ്നേഹം, വിശ്വസ്തത എന്നിവയോടെ ആരാണ് ഞങ്ങളെ നയിക്കുന്നത് എന്നതിനെക്കുറിച്ച് പാർട്ടി തീരുമാനമെടുക്കുമെന്ന് ഞാൻ വിശ്വസിക്കുന്നു.
പുതിയ പ്രസിഡന്റിനായുള്ള അന്വേഷണം ആരംഭിക്കുകയെന്ന ചുമതല ഒരു കൂട്ടം ആളുകളെ ഏൽപ്പിക്കണമെന്ന കാര്യം, രാജിവച്ച ഉടനെ, കോൺഗ്രസ് വർക്കിംഗ് കമ്മിറ്റിയിലെ എന്റെ സഹപ്രവർത്തകരോട് ഞാൻ നിർദ്ദേശിച്ചിട്ടുണ്ട്. പുതിയ പ്രസിഡന്റിനെ കണ്ടെത്തുന്ന നടപടിക്ക് എന്റെ പൂർണ പിന്തുണയുണ്ടാകും. ഇത്രയുംകാലത്തെ അനുഭവത്തിൽനിന്ന് അവർക്ക് അത് സാധിക്കുമെന്ന് ഉറപ്പാണ്.
എന്റെ പോരാട്ടം ഒരിക്കലും രാഷ്ട്രീയ അധികാരത്തിനായുള്ള പോരാട്ടമായിരുന്നില്ല. എനിക്ക് ബിജെപിയോട് വിദ്വേഷമോ കോപമോ ഇല്ല, പക്ഷേ എന്റെ ശരീരത്തിലെ ഓരോ ജീവനുള്ള കോശവും ഇന്ത്യയെക്കുറിച്ചുള്ള അവരുടെ ആശയത്തെ സഹജമായി എതിർക്കുന്നു. ഇതൊരു പുതിയ യുദ്ധമല്ല, ആയിരക്കണക്കിനു വർഷങ്ങളായി ഇത് നമ്മുടെ മണ്ണിൽ നടക്കുന്നു. അവർ വ്യത്യാസങ്ങൾ കാണുന്നിടത്ത് ഞാൻ സമാനത കാണുന്നു. അവർ വിദ്വേഷം കാണുന്നിടത്ത്, ഞാൻ സ്നേഹം കാണുന്നു. അവർ ഭയപ്പെടുന്നത് ഞാൻ സ്വീകരിക്കുന്നു.
അനുകമ്പയുള്ള ഈ ആശയം ദശലക്ഷക്കണക്കിന് ആളുകളുടെയും എന്റെ പ്രിയപ്പെട്ട ഇന്ത്യക്കാരുടെയും ഹൃദയത്തിൽ വ്യാപിക്കുന്നു. ഇന്ത്യയുടെ ഈ ആശയം ഉപയോഗിച്ചാണ് ഞങ്ങൾ ഇപ്പോൾ ശക്തമായി പ്രതിരോധിക്കുന്നത്.
ഭരണഘടനയെ തകർക്കുകവഴി നമ്മുടെ രാജ്യത്തിന്റെ കെട്ടുറപ്പിനെ നശിപ്പിക്കുന്നതിനുള്ള ശ്രമം നടക്കുന്നുണ്ട്. ഒരു തരത്തിലും ഞാൻ ഈ പോരാട്ടത്തിൽ നിന്ന് പിന്നോട്ട് പോകുന്നില്ല. കോൺഗ്രസ് പാർട്ടിയുടെ വിശ്വസ്തനായ ഒരു സൈനികനും ഇന്ത്യയുടെ അർപ്പണബോധമുള്ള മകനുമാണ് ഞാൻ. എന്റെ അവസാന ശ്വാസം വരെ രാജ്യത്തെ സേവിക്കുകയും സംരക്ഷിക്കുകയും ചെയ്യും.
ശക്തവും അന്തസ്സുള്ളതുമായ ഒരു തിരഞ്ഞെടുപ്പിൽ ഞങ്ങൾ പോരാടി. സാഹോദര്യം, സഹിഷ്ണുത, ഇന്ത്യയിലെ എല്ലാ ആളുകളെയും മതങ്ങളെയും സമുദായങ്ങളെയുമെല്ലാം ബഹുമാനിക്കുന്നതരത്തിലുള്ള ഒന്നായിരുന്നു ഞങ്ങളുടെ പ്രചരണം. പ്രധാനമന്ത്രിയോടും ആർ‌എസ്‌എസിനോടും അവർ പിടിച്ചെടുത്ത സ്ഥാപനങ്ങളോടും ഞാൻ വ്യക്തിപരമായി പോരാടി. ഞാൻ ഇന്ത്യയെ സ്നേഹിക്കുന്നതിനാലായിരുന്നു ഈ പോരാട്ടം. ചില സമയങ്ങളിൽ ഒറ്റയ്ക്കായി, എന്നാൽ അതിൽ ഞാൻ അഭിമാനിക്കുന്നു. സ്നേഹത്തെയും ആർജവത്തെയും കുറിച്ച് പാർട്ടി പ്രവർത്തകരിൽനിന്ന് ഒരുപാട് പഠിക്കാനായി. ഇതേക്കുറിച്ച് സ്ത്രീകൾ ഉൾപ്പടെയുള്ള പാർട്ടി പ്രവർത്തകർ ഒരുപാട് കാര്യങ്ങൾ പറഞ്ഞുതന്നു.
സ്വതന്ത്രവും നീതിയുക്തവുമായ തിരഞ്ഞെടുപ്പിന് ഒരു രാജ്യത്തിന്റെ സ്ഥാപനങ്ങളുടെ നിഷ്പക്ഷത ആവശ്യമാണ്. സ്വതന്ത്രമായ മാധ്യമ സംവിധാനം, സ്വതന്ത്രമായ ജുഡീഷ്യറി, വസ്തുനിഷ്ഠവും നിഷ്പക്ഷവുമായ സുതാര്യമായ തിരഞ്ഞെടുപ്പ് കമ്മീഷൻ എന്നിവ ഇല്ലാതെ ഒരു തിരഞ്ഞെടുപ്പ് നീതിയുക്തമാകുകയില്ല. ഒരു പാർട്ടിക്ക് സാമ്പത്തിക സ്രോതസ്സുകളിൽ സമ്പൂർണ്ണ കുത്തകയുണ്ടെങ്കിൽ തിരഞ്ഞെടുപ്പ് സ്വതന്ത്രമാകുകയുമില്ല.
2019 ലെ തിരഞ്ഞെടുപ്പിൽ ഞങ്ങൾ ഒരു രാഷ്ട്രീയ പാർട്ടിയോട് യുദ്ധം ചെയ്തിട്ടില്ല. മറിച്ച്, ഇന്ത്യൻ ഭരണകൂടത്തിന്റെ മുഴുവൻ സംവിധാനങ്ങളോടും ഞങ്ങൾ പോരാടി. അതിന്റെ എല്ലാ സ്ഥാപനങ്ങളും പ്രതിപക്ഷത്തിനെതിരെ അണിനിരന്നു. ഒരിക്കൽ വിലമതിച്ചിരുന്ന നമ്മുടെ സ്ഥാപനങ്ങളുടെ നിഷ്പക്ഷത ഇന്ത്യയിൽ നിലവിലില്ല എന്നത് ഇപ്പോൾ വ്യക്തമാണ്.
നമ്മുടെ രാജ്യത്തിന്റെ ഭരണഘടനാ സ്ഥാപനങ്ങൾ പിടിച്ചെടുക്കുന്ന ആർ‌എസ്‌എസിന്റെ പ്രഖ്യാപിത ലക്ഷ്യങ്ങൾ ഇപ്പോൾ പൂർ‌ത്തിയായിരിക്കുന്നു. നമ്മുടെ ജനാധിപത്യം അടിസ്ഥാനപരമായി ദുർബലപ്പെട്ടിരിക്കുന്നു. ഇനിമുതൽ തെരഞ്ഞെടുപ്പ് ഇന്ത്യയുടെ ഭാവിയെ നിർണ്ണയിക്കുന്നതിൽ നിന്ന് കേവലം ഒരു ആചാരമാകുമെന്ന അപകടത്തിലേക്കാണ് ഇപ്പോഴത്തെ പോക്ക്.
ഈ അധികാരം പിടിച്ചെടുക്കൽ ഇന്ത്യയെ സങ്കൽപ്പിക്കാൻ കഴിയാത്തവിധം അക്രമത്തിനും വേദനയ്ക്കും ഇടയാക്കും. കൃഷിക്കാർ, തൊഴിലില്ലാത്ത ചെറുപ്പക്കാർ, സ്ത്രീകൾ, ഗോത്രവർഗക്കാർ, ദലിതർ, ന്യൂനപക്ഷങ്ങൾ എന്നിവരാണ് ഏറ്റവും കൂടുതൽ ദുരിതമനുഭവിക്കാൻ പോകുന്നത്. നമ്മുടെ സ്വന്തം സമ്പദ്‌വ്യവസ്ഥയുടെയും രാജ്യത്തിന്റെ പെരുമയ്ക്കും ഏൽക്കുന്ന ആഘാതം വലുതായിരിക്കും. പ്രധാനമന്ത്രിയുടെ വിജയം അദ്ദേഹത്തിനെതിരായ അഴിമതി ആരോപണങ്ങളുടെ വിശാലതയെ നിരാകരിക്കുന്നില്ല. പണത്തിനും പ്രചാരണത്തിനും ഒരിക്കലും സത്യത്തിന്റെ വെളിച്ചം മറയ്ക്കാനാകില്ല.
നമ്മുടെ സ്ഥാപനങ്ങൾ വീണ്ടെടുക്കാനും പുനരുജ്ജീവിപ്പിക്കാനും ഇന്ത്യഒന്നിക്കണം. ഈ പുനരുജ്ജീവനത്തിന്റെ ചുക്കാൻ പിടിക്കാൻ കോൺഗ്രസ് പാർട്ടിയ്ക്ക് സാധിക്കണം.
ഈ സുപ്രധാന ദൗത്യം നേടാൻ കോൺഗ്രസ് പാർട്ടി സമൂലമായി സ്വയം മാറ്റത്തിന് വിധേയമാകണം. ഇന്ന് ഇന്ത്യൻ ജനതയുടെ ശബ്ദം ആസൂത്രിതമായി തകർക്കുകയാണ് ബിജെപി ചെയ്യുന്നത്. ഇതിനെ പ്രതിരോധിക്കുകയെന്നതാണ് കോൺഗ്രസ് പാർട്ടിയുടെ കടമ. ഇന്ത്യ ഉയർത്തേണ്ടത് ഒരൊറ്റ ശബ്ദം മാത്രമല്ല.
എനിക്ക് കത്തുകളും പിന്തുണച്ചുകൊണ്ടുള്ള സന്ദേശങ്ങളും അയച്ച രാജ്യത്തിനകത്തും പുറത്തുമുള്ള ആയിരക്കണക്കിന് ഇന്ത്യക്കാർക്ക് നന്ദി. കോൺഗ്രസ് പാർട്ടിയുടെ ആശയങ്ങൾക്കുവേണ്ടിയുള്ള പോരാട്ടത്തിൽ തീർച്ചയായും ഞാൻ തുടരും. എന്റെ സേവനവും ഉപദേശവും എവിടെയാണോ ആവശ്യമുള്ളത് അപ്പോഴെല്ലാം ഞാൻ അവിടെയുണ്ടാകും.
കോൺഗ്രസ് പ്രത്യയശാസ്ത്രത്തെ പിന്തുണയ്ക്കുന്നവരോട്, പ്രത്യേകിച്ച് ഞങ്ങളുടെ പ്രിയപ്പെട്ട പ്രവർത്തകരോട്, മുന്നോട്ടുള്ളപോക്കിൽ എനിക്ക് തികഞ്ഞ വിശ്വാസമുണ്ട്, നിങ്ങളോട് അങ്ങേയറ്റം സ്നേഹമുണ്ട്. ശക്തരായ അധികാരത്തോട് പറ്റിനിൽക്കുന്ന ആരും അധികാരത്തെ ത്യജിക്കുന്നില്ല എന്നത് ഇന്ത്യയിലെ ഒരു ശീലമാണ്. എന്നാൽ അധികാരത്തിനായുള്ള ആഗ്രഹം ത്യജിക്കാതെ നമ്മുടെ എതിരാളികളെ പരാജയപ്പെടുത്താനാകുകയില്ല. ഞാൻ ജനിച്ചത് ഒരു കോൺഗ്രസുകാരനായാണ്ണ്, ഈ പാർട്ടി എല്ലായ്പ്പോഴും എന്നോടൊപ്പമുണ്ട്, അത് എന്റെ ജീവിതത്തിന്റെ രക്തമാണ്, അത് എല്ലായ്പ്പോഴും നിലനിൽക്കും.
ഏറ്റവും വിശ്വാസ്യതയുള്ള വാർത്തകള്‍, തത്സമയ വിവരങ്ങൾ, ലോകം, ദേശീയം, ബോളിവുഡ‍്, സ്പോർട്സ്, ബിസിനസ്, ആരോഗ്യം, ലൈഫ് സ്റ്റൈൽ വാർത്തകൾ ന്യൂസ് 18 മലയാളം വെബ്സൈറ്റിൽ വായിക്കൂ.
