• HOME
  • »
  • NEWS
  • »
  • india
  • »
  • PAKISTAN NOT INTERESTED IN ELIMINATING TERRORISM SAYS NIRMALA

തീവ്രവാദം ഒഴിവാക്കാൻ പാകിസ്ഥാന് താത്പര്യം ഇല്ല: വിമർശനവുമായി നിർമല സീതാരാമൻ

ഫെബ്രുവരി 26ന് പാകിസ്ഥാനിലെ ബാലാകോട്ടിലെ ജെയ്ഷ് ഇ മുഹമ്മദ് ക്യാംപിൽ വ്യോമസേന നടത്തിയ ആക്രമണത്തെ ചോദ്യം ചെയ്തു കൊണ്ട് സൈന്യത്തെ അപമാനിക്കുകയാണ് പ്രതിപക്ഷ പാർട്ടികൾ ചെയ്യുന്നത്- നിർമല സീതാരാമൻ പറഞ്ഞു.

നിർമല സിതാരാമൻ

നിർമല സിതാരാമൻ

  • News18
  • Last Updated :
  • Share this:
    വഡോദര: പാകിസ്ഥാനെതിരെ രൂക്ഷ വിമർശനവുമായി പ്രതിരോധ മന്ത്രി നിർമല സീതാരാമൻ. പല തവണ ഇന്ത്യ വ്യക്തമായ തെളിവ് നൽകിയിട്ടും പാകിസ്ഥാനിൽ പ്രവർത്തിക്കുന്ന ഭീകരർക്കെതിരെ പാകിസ്ഥാൻ ഒന്നും ചെയ്യുന്നില്ലെന്ന് അവർ പറഞ്ഞു. ഭീകരവാദം ഒഴിവാക്കാൻ പാകിസ്ഥാന് താത്പര്യമില്ലെന്നും നിർമല സീതാരാമൻ വിമർശിച്ചു.

    also read: 'അയ്യപ്പന്റെ പേരിൽ വോട്ടുചോദിക്കുന്നത് തെറ്റാണ്, സുരേഷ് ഗോപി അങ്ങനെ ചെയ്തിട്ടില്ല': ശ്രീധരൻപിള്ള
      തീവ്രവാദം പ്രോത്സാഹിപ്പിക്കുന്നതിനാണ് പാകിസ്ഥാന് താത്പര്യം. തീവ്രവാദം ഒഴിക്കാൻ അവർ ആഗ്രഹിക്കുന്നില്ല- നിർമല സീതാരാമൻ വ്യക്തമാക്കി. ഈ സർക്കാർ മാത്രമല്ല, നേരത്തെയുള്ള സർക്കാരും തെളിവുകളും രേഖകളുമൊക്കെ കൈമാറിയിരുന്നുവെന്നും എന്നാൽ പാകിസ്ഥാൻ ഒന്നും ചെയ്തില്ലെന്നും അവർ പറഞ്ഞു. 26/11ന് പാകിസ്ഥാൻ ഭീകരർ മുംബൈയിൽ നടത്തിയ ആക്രമണത്തിന്റെ ആദ്യ വിചാരണ പോലും പാകിസ്ഥാൻ കോടതി പൂർത്തിയാക്കിയിട്ടില്ലെന്ന് അവർ പറഞ്ഞു.

    നരേന്ദ്ര മോദി സർക്കാർ മാത്രമാണ് ഭീകരർക്ക് കൃത്യമായ മറുപടി നൽകിയത്. ഫെബ്രുവരി 26ന് പാകിസ്ഥാനിലെ ബാലാകോട്ടിലെ ജെയ്ഷ് ഇ മുഹമ്മദ് ക്യാംപിൽ വ്യോമസേന നടത്തിയ ആക്രമണത്തെ ചോദ്യം ചെയ്തു കൊണ്ട് സൈന്യത്തെ അപമാനിക്കുകയാണ് പ്രതിപക്ഷ പാർട്ടികൾ ചെയ്യുന്നത്- നിർമല സീതാരാമൻ പറഞ്ഞു.

    40 സൈനികരുടെ മരണത്തിന് ഇടയാക്കിയ പുൽവാമ ആക്രമണത്തിന്റെ ഉത്തരവാദിത്വം ജെയ്ഷ് ഇ മുഹമ്മദ് ഏറ്റെടുത്തത് കൊണ്ടാണ് വ്യോമാക്രമണം നടത്തിയത്. സായുധ സേനയുടെ ധാർമികത വളരെ വലുതാണ്. ജനങ്ങളുടെ പിന്തുണ അവർക്ക് വളരെയധികം പ്രചോദനമായിരിക്കുകയാണ്- അവർ വ്യക്തമാക്കി.

    റാഫേൽ ഇടപാട് വ്യവസ്ഥകളുടെ അടിസ്ഥാനത്തിലാണ് നടത്തിയിരിക്കുന്നത്. ദേശീയ താത്പര്യങ്ങളുടെ അടിസ്ഥാനത്തിലാണ് ഇടപാട് നടത്തിയത്- റാഫേൽ വിവാദത്തെ കുറിച്ചുള്ള ചോദ്യങ്ങളോട് നിർമല സീതാരാൻ പ്രതികരിച്ചു.

    ബൊഫോഴ്സ് അഴിമതിയാണ്. റാഫേൽ അങ്ങനെയല്ല. അഴിമതി നീക്കം ചെയ്ത് പുതിയൊരു ഇന്ത്യ പടുത്തുയർത്തുന്നതിന് ഇത് സഹായിക്കുന്നു- നിർമല സീതാരാമൻ അവകാശപ്പെടുന്നു.
    First published:
    )}