ബെംഗളൂരു വിമാനത്താവളത്തില്‍ വെള്ളംകയറി; യാത്രക്കാര്‍ ടെര്‍മിനലിലെത്തിയത് ട്രാക്ടറില്‍; വീഡിയോ
Image Twitter
വിമാനത്താവളത്തിലെ ടെര്‍മിനലില്‍ വെള്ളം കയറിയതോടെയാണ് യാത്രക്കാര്‍ക്ക് ട്രാക്ടറിനെ ആശ്രയിക്കേണ്ടി വന്നത്.
- News18 Malayalam
- 1-MIN READ
- Last Updated :
ബെംഗളൂരു: കനത്ത മഴയില്‍ വിമാനത്താവളത്തില്‍ വെള്ളം കയറിയതോടെ യാത്രക്കാര്‍ ടെര്‍മിനലില്‍ എത്തിയത് ട്രാക്ടറില്‍. തിങ്കളാഴ്ച രാത്രി പെയ്ത മഴയിലാണ് വിമാനത്താവളത്തിന് സമീപത്തെ റോഡുകളില്‍ വെള്ളം നിറഞ്ഞത്. കെംബഗൗഡ അന്തരാഷ്ട്ര വിമാനത്താവളത്തിലെ ടെര്‍മിനലില്‍ വെള്ളം കയറിയതോടെയാണ് യാത്രക്കാര്‍ക്ക് ട്രാക്ടറിനെ ആശ്രയിക്കേണ്ടി വന്നത്.
കാറുകള്‍ വിമാനത്താവളത്തിലേക്ക് എത്താന്‍ കഴിയാതെ വന്നതോടെയാണ് യാത്രക്കാര്‍ ട്രാക്ടറുകളില്‍ ഇവിടേക്ക് എത്തിയത്. ഇതിന്റെ ദൃശ്യങ്ങള്‍ സമൂഹമാധ്യമങ്ങളില്‍ പ്രചരിക്കുന്നുണ്ട്. വിമാനത്താവളത്തിലേക്കുള്ള മിക്ക റോഡുകളിലും ജലനിരപ്പ് ഉയര്‍ന്നിരുന്നു.
You can hear this gentleman saying "Looks like Airport is flooded too".
Namma #Bengaluru Airport#BengaluruRains#Bangalore @NammaBengaluroo @unitedbengaluru @WeAreBangalore@CitizenKamran @bengaluru @bangalore @BangaloreBuzz @NammaKarnataka_ #Karnataka pic.twitter.com/0qx6sGtYOz
— Syed Aftab Hussain 🇮🇳 (@sajhm13) October 11, 2021
വിമാനത്താലവളം ആരംഭിച്ച് ഇതുവരെ ഇങ്ങനെ ഒരു സാഹചര്യം ഉണ്ടായിട്ടില്ലെന്ന് സിഇഒ മനോജ് ഷണ്‍മുഖം പറഞ്ഞു. ടെര്‍മിലിലെ പിക് അപ്പ്, ഡ്രോപ്പ് ഇന്‍ പോയിന്റുകളില്‍ വെള്ളം കയറി.
Videos of Namma #Bengaluru Airport getting viral on WhatsApp. Roads are flooded with rain water.#BengaluruRains#Bangalore @NammaBengaluroo @unitedbengaluru @WeAreBangalore@CitizenKamran @bengaluru @bangalore @BangaloreBuzz @NammaKarnataka_ #Karnataka pic.twitter.com/C5RU09eriA
— Syed Aftab Hussain 🇮🇳 (@sajhm13) October 11, 2021
കനത്ത മഴയും മോശം കാലാവസ്ഥയും കാരണം ബംഗളൂരുവില്‍ നിന്ന് പുറപ്പെടേണ്ട നിരവധി വിമാനങ്ങള്‍ വൈകിയിരുന്നു. ഹൈദരാബാദ്, മംഗളൂരു, ചെന്നൈ, പുണെ, കൊച്ചി, മുംബൈ, പനജി എന്നിവിടങ്ങളിലേക്കുള്ള വിമാനങ്ങളാണ് വൈകിയത്.
#WATCH | Karnataka: Heavy rainfall in Bengaluru causes waterlogging outside Kempegowda International Airport Bengaluru. Passengers were seen being ferried on a tractor outside the airport.
Visuals from last night. pic.twitter.com/ylHL6KrZof
— ANI (@ANI) October 12, 2021
അതേസമയം കര്‍ണാടകയില്‍ നിരവധി വീടുകളില്‍ വെള്ളം കയറുകയും, മരങ്ങള്‍ കടപുഴകി വീഴുകയും ചെയ്തിട്ടുണ്ട്. സാഹചര്യം നിരീക്ഷിച്ചു വരികയാണെന്നും ദുരിതാശ്വാസ പ്രവര്‍ത്തനങ്ങള്‍ ആരംഭിച്ചതായും കര്‍ണാടക മുഖ്യമന്ത്രി ബസവരാജ് ബൊമ്മെ അറിയിച്ചു.
ഏറ്റവും വിശ്വാസ്യതയുള്ള വാർത്തകള്‍, തത്സമയ വിവരങ്ങൾ, ലോകം, ദേശീയം, ബോളിവുഡ‍്, സ്പോർട്സ്, ബിസിനസ്, ആരോഗ്യം, ലൈഫ് സ്റ്റൈൽ വാർത്തകൾ ന്യൂസ് 18 മലയാളം വെബ്സൈറ്റിൽ വായിക്കൂ.
