'കർഷക നിയമത്തിൽ പാളിച്ചയുണ്ടെങ്കിൽ പരിഹരിക്കാം'; സമരം ചെയ്യുന്ന കർഷകരോട് ആദരവ് മാത്രമെന്ന് പ്രധാനമന്ത്രി
'സ്ത്രീധനമായാലും മുത്തലാഖായാലും ആരും ഇതിനായി ഒരു നിയമം ആവശ്യപ്പെട്ടിരുന്നില്ല, എന്നാൽ പുരോഗമന സമൂഹത്തിന് അത്യാവശ്യമായതിനാൽ ഈ സർക്കാർ നിയമം ഉണ്ടാക്കി', പ്രധാനമന്ത്രി മോദി പറഞ്ഞു.
ഫ്രധാനമന്ത്രി നരേന്ദ്ര മോദി
- News18 Malayalam
- Last Updated :
ന്യൂഡൽഹി: കേന്ദ്ര സർക്കാർ കൊണ്ടുവന്ന മൂന്നു കാർഷിക നിയമങ്ങൾ പിൻവലിക്കില്ലെന്ന് സൂചന നൽകി പ്രധാനമന്ത്രി നരേന്ദ്ര മോദി. ഡൽഹി അതിര്‍ത്തികളില്‍ കര്‍ഷകര്‍ സമരം ചെയ്യുന്നത് തെറ്റിദ്ധാരണമൂലമാണെന്ന് പ്രധാനമന്ത്രി പാര്‍ലമെന്റില്‍ പറഞ്ഞു. രാഷ്ട്രപതിയുടെ നന്ദി പ്രമേയ ചർച്ചയ്ക്ക് മറുപടി നൽകുകയായിരുന്നു അദ്ദേഹം. ഈ സര്‍ക്കാരും പാർലമെന്‍റും സമരം ചെയ്യുന്ന കര്‍ഷകരെ ആദരിക്കുന്നെന്നും കാര്‍ഷിക നിയമത്തില്‍ പാളിച്ചകളുണ്ടെങ്കിൽ പരിഹരിക്കാമെന്നും പ്രധാനമന്ത്രി പറഞ്ഞു. സമരത്തെ തുടര്‍ന്ന് സര്‍ക്കാര്‍ കര്‍ഷകരുമായി നിരന്തരം ചര്‍ച്ച നടത്തുന്നുണ്ട്. നിയമം വന്ന ശേഷം ഒന്നും അടഞ്ഞുപോയിട്ടില്ലെന്നും പ്രധാനമന്ത്രി വ്യക്തമാക്കി.
കൊറോണ വൈറസിന് ശേഷമുള്ള ലോകത്ത് ഇന്ത്യ ശക്തമായ സാന്നിദ്ധ്യമായി ഉയരുമെന്ന് ലോക്സഭയിൽ രാഷ്ട്രപതിയുടെ പ്രസംഗത്തിൽ നന്ദി അറിയിച്ചു പ്രധാനമന്ത്രി നരേന്ദ്ര മോദി മറുപടി നൽകി. "കോവിഡിന് ശേഷമുള്ള ലോകം വളരെ വ്യത്യസ്തമായി മാറുകയാണ്. അത്തരം സമയങ്ങളിൽ ആഗോള പ്രവണതകളിൽ നിന്ന് ഒറ്റപ്പെട്ടുപോകുന്നത് വിപരീത ഫലമായിരിക്കും ഉണ്ടാക്കുക. നമ്മൾ ഒരു ശക്തമായ സാന്നിദ്ധ്യമായി ഉയർന്നുവരേണ്ടതുണ്ടെന്ന് മോദി പറഞ്ഞു.
കര്‍ഷകരോട് ആദരവുള്ളതുകൊണ്ടാണ് മുതിര്‍ന്ന മന്ത്രിമാര്‍ അവരോട് ഏറെ ആദരവോടെ സംസാരിക്കുന്നത്. കര്‍ഷകരുടെ ആശങ്കകള്‍ തിരിച്ചറിയാന്‍ ഈ സര്‍ക്കാരിന് കഴിയും. അതിനുള്ള ശ്രമമാണ് സർക്കാർ നടത്തിക്കൊണ്ടിരിക്കുന്നത്. ഈ രാജ്യത്തെ ജനങ്ങള്‍ക്കായാണ് നിയമം നിര്‍മ്മിക്കുന്നത്. ഇപ്പോഴും എന്തെങ്കിലും നിര്‍ദ്ദേശങ്ങളുണ്ടെങ്കില്‍ സർക്കാർ അത് ഒഴിവാക്കില്ലെന്നും പ്രധാനമന്ത്രി പാര്‍ലമെന്റില്‍ പറഞ്ഞു.
Also Read- കണ്ണ് നനഞ്ഞ് വികാരാധീനനായി പ്രധാനമന്ത്രി നരേന്ദ്ര മോദി; ഗുലാം നബി ആസാദിന് രാജ്യസഭയിൽ യാത്രയയപ്പ്
കൃഷി നമ്മുടെ സംസ്കാരത്തിന്റെ ഭാഗമാണെന്ന് പ്രധാനമന്ത്രി പറഞ്ഞു. 'നമ്മുടെ ഉത്സവങ്ങളെല്ലാം വിളകൾ നട്ടുപിടിപ്പിക്കുന്നതും കൊയ്യുന്നതുമായി ബന്ധപ്പെട്ടിരിക്കുന്നു. നമ്മുടെ കൃഷിക്കാരൻ സ്വയം ആശ്രയിക്കണം, അവരുടെ ഉൽ‌പ്പന്നങ്ങൾ വിൽക്കാൻ അയാൾക്ക് സ്വാതന്ത്ര്യം ലഭിക്കണം, ആ ദിശയിൽ പ്രവർത്തിക്കേണ്ടതുണ്ട്. സ്ത്രീധനമായാലും മുത്തലാഖായാലും ആരും ഇതിനായി ഒരു നിയമം ആവശ്യപ്പെട്ടിരുന്നില്ല, എന്നാൽ പുരോഗമന സമൂഹത്തിന് അത്യാവശ്യമായതിനാൽ ഈ സർക്കാർ നിയമം ഉണ്ടാക്കി', പ്രധാനമന്ത്രി മോദി പറഞ്ഞു.
കർഷക സമരത്തോട് മൃദുവായി പ്രതികരിച്ച പ്രധാനമന്ത്രി പക്ഷേ പ്രതിപക്ഷത്തെ രൂക്ഷമായ ഭാഷയില്‍ വിമർശിച്ചു. പച്ചക്കള്ളം പ്രചരിപ്പിക്കാനാണ് പ്രതിപക്ഷം ശ്രമിക്കുന്നത്. നിയമം പാസാക്കിയിട്ടും താങ്ങുവില പഴയതുപോലെ തന്നെയാണ്. കര്‍ഷകര്‍ക്ക് തുറന്ന വിപണി ലഭിക്കാന്‍ ഈ നിയമങ്ങൾ കാരണമായി. ഇപ്പോള്‍ കര്‍ഷകര്‍ക്ക് എവിടെ വേണമെങ്കിലും അവരുടെ ഉൽപന്നം വില്‍ക്കാൻ സാധിക്കുമെന്നും പ്രധാനമന്ത്രി പറഞ്ഞു. പ്രധാനമന്ത്രി സംസാരിക്കുന്നതിനിടെ പ്രതിപക്ഷം ബഹളം വച്ചിരുന്നു. പ്രതിപക്ഷം ആസൂത്രിതമായാണ് ബഹളം വയ്ക്കുന്നതെന്ന് പ്രധാനമന്ത്രി പറഞ്ഞു. പിന്നീട് പ്രതിപക്ഷം സഭയിൽനിന്ന് ഇറങ്ങിപ്പോയി.
രാഷ്ട്രപതിയുടെ നന്ദിപ്രമേയത്തെക്കുറിച്ചുള്ള ചർച്ച തിങ്കളാഴ്ച പാർലമെന്‍റിൽ നടന്നു. കഴിഞ്ഞ നവംബർ മുതൽ കർഷകർ പ്രതിഷേധിക്കുന്ന മൂന്ന് പുതിയ കാർഷിക മേഖല നിയമങ്ങളെക്കുറിച്ച് ചർച്ച ചെയ്യണമെന്ന് ആവശ്യപ്പെട്ട് പ്രതിപക്ഷം കഴിഞ്ഞ കുറച്ച് ദിവസങ്ങളായി ആവർത്തിച്ചുള്ള പ്രതിഷേധങ്ങൾക്ക് പാർലമെന്‍റ് സാക്ഷ്യം വഹിച്ചു. സർക്കാരിന്റെ നിലപാടിനെ പിന്തുണയ്ക്കുന്നതിനായി ദിവസം മുഴുവൻ സഭയിൽ ഹാജരാകണമെന്ന് ആവശ്യപ്പെട്ട് ഭാരതീയ ജനതാ പാർട്ടി (ബിജെപി) എല്ലാ എംപിമാർക്കും ബുധനാഴ്ച മൂന്ന് വരി വിപ്പ് നൽകിയിരുന്നു.
കൊറോണ വൈറസിന് ശേഷമുള്ള ലോകത്ത് ഇന്ത്യ ശക്തമായ സാന്നിദ്ധ്യമായി ഉയരുമെന്ന് ലോക്സഭയിൽ രാഷ്ട്രപതിയുടെ പ്രസംഗത്തിൽ നന്ദി അറിയിച്ചു പ്രധാനമന്ത്രി നരേന്ദ്ര മോദി മറുപടി നൽകി. "കോവിഡിന് ശേഷമുള്ള ലോകം വളരെ വ്യത്യസ്തമായി മാറുകയാണ്. അത്തരം സമയങ്ങളിൽ ആഗോള പ്രവണതകളിൽ നിന്ന് ഒറ്റപ്പെട്ടുപോകുന്നത് വിപരീത ഫലമായിരിക്കും ഉണ്ടാക്കുക. നമ്മൾ ഒരു ശക്തമായ സാന്നിദ്ധ്യമായി ഉയർന്നുവരേണ്ടതുണ്ടെന്ന് മോദി പറഞ്ഞു.
കര്‍ഷകരോട് ആദരവുള്ളതുകൊണ്ടാണ് മുതിര്‍ന്ന മന്ത്രിമാര്‍ അവരോട് ഏറെ ആദരവോടെ സംസാരിക്കുന്നത്. കര്‍ഷകരുടെ ആശങ്കകള്‍ തിരിച്ചറിയാന്‍ ഈ സര്‍ക്കാരിന് കഴിയും. അതിനുള്ള ശ്രമമാണ് സർക്കാർ നടത്തിക്കൊണ്ടിരിക്കുന്നത്. ഈ രാജ്യത്തെ ജനങ്ങള്‍ക്കായാണ് നിയമം നിര്‍മ്മിക്കുന്നത്. ഇപ്പോഴും എന്തെങ്കിലും നിര്‍ദ്ദേശങ്ങളുണ്ടെങ്കില്‍ സർക്കാർ അത് ഒഴിവാക്കില്ലെന്നും പ്രധാനമന്ത്രി പാര്‍ലമെന്റില്‍ പറഞ്ഞു.
Also Read- കണ്ണ് നനഞ്ഞ് വികാരാധീനനായി പ്രധാനമന്ത്രി നരേന്ദ്ര മോദി; ഗുലാം നബി ആസാദിന് രാജ്യസഭയിൽ യാത്രയയപ്പ്
കൃഷി നമ്മുടെ സംസ്കാരത്തിന്റെ ഭാഗമാണെന്ന് പ്രധാനമന്ത്രി പറഞ്ഞു. 'നമ്മുടെ ഉത്സവങ്ങളെല്ലാം വിളകൾ നട്ടുപിടിപ്പിക്കുന്നതും കൊയ്യുന്നതുമായി ബന്ധപ്പെട്ടിരിക്കുന്നു. നമ്മുടെ കൃഷിക്കാരൻ സ്വയം ആശ്രയിക്കണം, അവരുടെ ഉൽ‌പ്പന്നങ്ങൾ വിൽക്കാൻ അയാൾക്ക് സ്വാതന്ത്ര്യം ലഭിക്കണം, ആ ദിശയിൽ പ്രവർത്തിക്കേണ്ടതുണ്ട്. സ്ത്രീധനമായാലും മുത്തലാഖായാലും ആരും ഇതിനായി ഒരു നിയമം ആവശ്യപ്പെട്ടിരുന്നില്ല, എന്നാൽ പുരോഗമന സമൂഹത്തിന് അത്യാവശ്യമായതിനാൽ ഈ സർക്കാർ നിയമം ഉണ്ടാക്കി', പ്രധാനമന്ത്രി മോദി പറഞ്ഞു.
കർഷക സമരത്തോട് മൃദുവായി പ്രതികരിച്ച പ്രധാനമന്ത്രി പക്ഷേ പ്രതിപക്ഷത്തെ രൂക്ഷമായ ഭാഷയില്‍ വിമർശിച്ചു. പച്ചക്കള്ളം പ്രചരിപ്പിക്കാനാണ് പ്രതിപക്ഷം ശ്രമിക്കുന്നത്. നിയമം പാസാക്കിയിട്ടും താങ്ങുവില പഴയതുപോലെ തന്നെയാണ്. കര്‍ഷകര്‍ക്ക് തുറന്ന വിപണി ലഭിക്കാന്‍ ഈ നിയമങ്ങൾ കാരണമായി. ഇപ്പോള്‍ കര്‍ഷകര്‍ക്ക് എവിടെ വേണമെങ്കിലും അവരുടെ ഉൽപന്നം വില്‍ക്കാൻ സാധിക്കുമെന്നും പ്രധാനമന്ത്രി പറഞ്ഞു. പ്രധാനമന്ത്രി സംസാരിക്കുന്നതിനിടെ പ്രതിപക്ഷം ബഹളം വച്ചിരുന്നു. പ്രതിപക്ഷം ആസൂത്രിതമായാണ് ബഹളം വയ്ക്കുന്നതെന്ന് പ്രധാനമന്ത്രി പറഞ്ഞു. പിന്നീട് പ്രതിപക്ഷം സഭയിൽനിന്ന് ഇറങ്ങിപ്പോയി.
രാഷ്ട്രപതിയുടെ നന്ദിപ്രമേയത്തെക്കുറിച്ചുള്ള ചർച്ച തിങ്കളാഴ്ച പാർലമെന്‍റിൽ നടന്നു. കഴിഞ്ഞ നവംബർ മുതൽ കർഷകർ പ്രതിഷേധിക്കുന്ന മൂന്ന് പുതിയ കാർഷിക മേഖല നിയമങ്ങളെക്കുറിച്ച് ചർച്ച ചെയ്യണമെന്ന് ആവശ്യപ്പെട്ട് പ്രതിപക്ഷം കഴിഞ്ഞ കുറച്ച് ദിവസങ്ങളായി ആവർത്തിച്ചുള്ള പ്രതിഷേധങ്ങൾക്ക് പാർലമെന്‍റ് സാക്ഷ്യം വഹിച്ചു. സർക്കാരിന്റെ നിലപാടിനെ പിന്തുണയ്ക്കുന്നതിനായി ദിവസം മുഴുവൻ സഭയിൽ ഹാജരാകണമെന്ന് ആവശ്യപ്പെട്ട് ഭാരതീയ ജനതാ പാർട്ടി (ബിജെപി) എല്ലാ എംപിമാർക്കും ബുധനാഴ്ച മൂന്ന് വരി വിപ്പ് നൽകിയിരുന്നു.
